To‘g‘ri yozamiz — mutaxassis blogi (lotin)

Yaxshi gumonda bo‘laveramiz: bu matnni yozgan odamning tili chuchuk bo‘lsa kerak-da 😄 *Rasm obunachilarimizdan @xatoliklar @xatoliklar_lotin

Food city bozori/savdo markazidagi tamaddixona. Ma’lumot uchun: Food city — ovqatlar shahri 🍔 Foot city — oyoqlar shahri 👣 Bu yerda ingliz tili markazining reklamasi bo‘lishi mumkin edi 😄 *Rasm obunachilarimizdan @xatoliklar @xatoliklar_lotin

Xususda yoki xususida? Bu ikki ko‘makchi bir o‘zakdan bo‘lib, bir xil ma’noni anglatadi. So‘zning xususda shakli faqatgina ko‘rsatish olmoshlaridan so‘ng, boshqa hollarda esa xususida shakli ishlatiladi. Ko‘rsatish olmoshlari quyidagilar: u, bu, shu, o‘sha, ana shu, mana bu, mana shu. 1. Xususda — Bu xususda anchagina muhokamalar bo‘lgan. — Mana shu xususda fikringizni bilmoqchi edik. 2. Xususida — Qonun mazmuni xususida tortishuvlar bor. — Maqolada o‘zlashgan prefiks va suffikslar xususida so‘z boradi. Haq(i)da, to‘g‘ri(si)da, bora(si)da ko‘makchilari ham xuddi shu holatda qo‘llanadi. @xatoliklar @xatoliklar_lotin

Mustaqilligi eng qadimiy tarixga ega davlat Mustaqil bo‘lganiga 1 723 yil bo‘lgan San-Marino — dunyodagi eng kichik davlatlardan biri, to‘rt tarafdan Italiya bilan o‘ralgan. Milodiy 301 yildan boshlab mustaqil davlat hisoblanadi. O‘zbekiston esa endigina 33 yoshga to‘ldi. Shunga qaramay, hozirdanoq yutuqlar katta, maqsad va rejalar ulkan. Mustaqillik barchamizga muborak bo‘lsin! @xatoliklar @xatoliklar_lotin

Bunaqa past taksi narxlari haqida rostdan ham jim turib bo‘lmaydi. Shunchalik ham past taksi bo‘ladimi? Esiz shuncha harakat, shuncha xarajat. Qanday bo‘lishi kerak edi? • Bunday/Bu kabi arzon narxdagi taksi xizmati haqida jim turib bo‘lmaydi. • Sizning variantingiz... *Rasm obunachilarimizdan @xatoliklar @xatoliklar_lotin