ليطمئن قلبُك😍

عايز الخير والبركة يملو بيتك عايز لما تخرج من بيتك تكون في حفظ الرحمن ♥️ مفيش قدامك غير هدي النبي صلى الله عليه وسلم وانت داخل البيت 🚶 النَّبِيَّ -صَلَّى اللهُ عَلَيْهِ وَسَلَّمَ- يَقُولُ:( إِذَا دَخَلَ الرَّجُلُ بَيْتَهُ فَذَكَرَ اللَّهَ عِنْدَ دُخُولِهِ، وَعِنْدَ طَعَامِهِ، قَالَ الشَّيْطَانُ: لَا مَبِيتَ لَكُمْ وَلَا عَشَاءَ. وَإِذَا دَخَلَ فَلَمْ يُذْكَرِ اللَّهَ عِنْدَ دُخُولِهِ قَالَ الشَّيْطَانُ: أَدْرَكْتُمُ الْمَبِيتَ. فَإِذَا لَمْ يَذْكُرِ اللَّهَ عِنْدَ طَعَامِهِ قَالَ: أَدْرَكْتُمُ الْمَبِيتَ وَالْعَشَاءَ.) يعني مجرد بس إنك تذكر الله وتقول تحية الإسلام : "بسم الله السلام عليكم ورحمة الله وبركاته " يتنحى عن بيتك الشيطان عَنْ أَنَسِ بْنِ مَالِكٍ، قَالَ: قَالَ لِي رَسُولُ اللهِ -صَلَّى اللَّهُ عَلَيْهِ وَسَلَّمَ-:(( يَا بُنَيَّ، إِذَا دَخَلْتَ عَلَى أَهْلِكَ فَسَلِّمْ يَكُونُ بَرَكَةً عَلَيْكَ وَعَلَى أَهْلِ بَيْتِكَ)) طيب وانت خارج 🧍 عن النبي صلى الله عليه وسلم قال: «إِذَا خَرَجَ الرَّجُلُ مِنْ بَيْتِهِ فَقَالَ: بِسْمِ اللَّهِ تَوَكَّلْتُ عَلَى اللَّهِ، ولاَ حَوْلَ وَلاَ قُوَّةَ إِلاَّ بِالل

الصحابة - رضوانُ الله عليهم - كانوا يقيسونَ المسافات بالتسبيح وذِكر الله ، اغتنامًا للوقت وزيادةً للأجرِ والقُرب منه سبحانه . فكونوا كالصحابة ، وعليكم بِسُنَتِهم بعد سُنَّة النَّبي ﷺ ، واقتدوا بهم . وأنتم تسيرونَ في الطريق اذكروا الله ، استمعوا للقُرآن . كل مكان تذكُر فيهِ اللّه عزَّوجلّ ، يشهَدُ لكَ يومَ القيامة، وكذا أيضًا لو سمعت أغاني ، تشهد عليكَ في كل مكانٍ عصيتَ فيه الله ، ويكُن ضِدّك . فاستَكثِروا من الشّهود ليومِ القيامة ، شهودًا لكم لا عليكم . اذكُروا الله علىٰ كُل حالٍ لا تُلهِكم معصيةً ..🌿❤️

- لو بتحب النبيﷺ ماينفعش تعلق كف ولا خمسة وخميسة ولا تلبسي خرزة زرقاء في سلسلة أو أسورة🧿 - لو بتحب النبي ماينفعش تعتقد في أي حاجة غيبية نفع أو ضرر طالما النبيﷺ ماقالش عليها لأن النبيﷺ قالنا: "من علَّق تميمةً فقد أشركَ" ✋هتقولي بس أنا مش معتقد فيهم حاجة دول بس حاجة شكلها حلو وخلاص والمهم نيتي 👈هقولك اه نيتك مهمة بس كمان الفعل نفسه مهم ماينفعش أجيب حاجه ناس بتعتقد نفع وضرر فيها وأقول مش في نيتي يلا لو معلق أي حاجة منهم في بيتك او في العربية أو المحل روح شيليها بسرعة وتأكد إن ربنا بس اللي يدفع عنك الضر فحافظ على أذكارك وماتخافش من أي حاجة👍 #النبي_يعلمنا_العقيدة #رسايل_في_حب_النبي ﷺ

س/ هو ايه الصح أصوم يوم المولد النبوي ولا لا ؟ ** ج/ صيام يوم المولد النبوي اللي هو يوم ١٢ ربيع الأول ماوردش عن النبي ﷺ ولكن ورد إنه ﷺ كان بيصوم كل اثنين طول السنة "وَسُئِلَ عن صَوْمِ يَومِ الاثْنَيْنِ، قالَ: ذَاكَ يَوْمٌ وُلِدْتُ فِيهِ، وَيَوْمٌ بُعِثْتُ، أَوْ أُنْزِلَ عَلَيَّ فِيهِ." يعني لو بتحب النبي ﷺ وفرحان بيوم مولده ويوم بعثته نبي للعالمين .. يبقى ببساطة احتفل بتطبيق سنته اللي هي صيام كل إثنين وخميس كمان لأنه يوم رفع الأعمال وماتربطش صيامك بيوم واحد في السنة 💙 #رسايل

"وَاللَّهُ غَالِبٌ عَلَىٰ أَمْرِهِ وَلَٰكِنَّ أَكْثَرَ النَّاسِ لَا يَعْلَمُونَ" هو وحده جلّ في عُلاه كان يرعى يوسف في البئر، يدبّر لهُ الأمر، ويسُوسُ إليهِ المُلك، ويحفظهُ بعينه التي لا تنام. الله غالبٌ دائمًا، في كل الأمور، وفي كل بئرٍ نسقط فيه، الله غالبٌ وحافظٌ ومُعين. ولكنّ أكثر الناس لا يعلمون. فاللهم علّمنا ما لم نعلم، ونجّنا من كلّ بئر، وذكّرنا ما نُسّينا، واحفظنا بعينك التي لا تنام.

أى قرار تاخده عشان ترضى ربنا ماتفكرش فيه مرتين بالعكس.... سارعوا ، سابقوا ..ده اللي ربنا وصانا بيه - أخذتي قرار الحجاب .... يلا فوراااا أوعي تأجلي - أخدت قرار تسيب شغل حرام ...يلا ع طول ماتتأخرش وخليك واثق إن.. " من ترك شيئًا لله عوضه اللّٰه خيرًا منـه" - أخدت قرار هتصلي ..ماتقولش أبدأ من بكرة ..لا قوووم صل دلوقتي أول فرض وعاهد ربنا تكمل ماتفرحش فيك الشيطان هو بيقولك من بكرة عشان يكسلك وتكمل نووم خلي دايما هدفك واضح قدامك عشان ماتتأخرش... "سَابِقُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ" #رسايل

انت ممكن حد يشتكي منك وتطلع منها عادي .. حد صاحبك يشتكي منك ، شكوى لأهلك شكوى في الشرطة 🚓 ممكن تتعدد الشكاوى .. وممكن تخرج منها كلها بلا أي خسائر تذكر .. لكن أن يشتكيك رسول الله صلى الله عليه وسلم ! ويشتكيك لله عزوجل !! فدي شكوى عظيمة جدًا في حقك ولازم تنتبه.. قال الله عزوجل "وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا" شكوى اسمها #هجر_القرآن ! أوعى تحسب ان الآية دي خاصة بالكفار اللي بيكذبوا القرآن بس ❌ ▪️ هجر القرآن .. بترك قراءته أيام وليالي وشهور ▪️ هجر القرآن .. بعدم العمل باللي فيه من كلام الله ▪️ هجر القرآن .. بعدم تدبر آياته سيدنا خباب ابن الأرت بيقول : "تقرب إلى الله ما استطعت ، واعلم أنك لن تتقرب إليه بشيء هو أحب إليه من كلامه" يا ترى انت ليك ورد يومي ثابت تقرأ فيه كلامك ربك ؟ ولا بتهجره وتفتكره حسب التساهيل ؟! #رسايل

س/ ينفع اقرأ قرآن وأنا حائض أو وأنا مش متوضيه ؟ ج/ يجوز قراءة القرآن دون وضوء ولكن لا يجوز لمس المصحف دون وضوء، ممكن تقرأ من تليفون أو آيباد أو كمبيوتر أو كتاب تفسير، ويجوز الأمر نفسه وأنتِ حائض على الراجح من أقوال العلماء ** س/ هل لازم حجاب أو لبس معين للبنت عند قراءة القرآن ؟ ج/لا مش لازم ...تجوز القراءة بأي لبس حتى لو خفيف ولو كاشفه الشعر ** س/ هل قراءة القرآن من المصحف لها فضل أو ثواب أكتر من القراءة من موبايل أو تابليت مثلا؟ ج/ نفس ثواب القراءة واحد، ولو قرأت غيبًا من غير نظر في شيء اقرأ القرآن حسب ما يتيسر لك: 👈لو كنت متوضي وعلى طهارة وسهل تقرأ من مصحف...فالقراءة من المصحف أحق وأولى، 👈أما لو كنت مش متوضي أو مش متيسر ليك القراءة من مصحف فاقرأ من غير مصحف ** س/ ينفع أقرأ قرآن وأنا نايم مثلاً ..ولا لازم أكون قاعد ؟ ج/ تجوز قراءة القرآن مع الوقوف أو القعود أو الاتكاء أو الاستلقاء (( يعني ينفع تقرأ وأنت واقف أو قاعد أو نايم )) #جعلناه_نورًا #رسايل_القرآن

الموت قريب أوي يا شباب ويا بنات.. "قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ" الموت ممكن يكون أقرب لينا من أي خطوة عوزين ناخدها.. ممكن يكون هو الحدث اللي عليه الدور وانت مش واخد بالك.. الموت ملووووش مواعيد والله ما له مواعيد.. ممكن يجي في أي لحظة وانت عريس بالبدلة أو عروسة ليلة دخلتها.. مبيفرّقش بين كبير وصغير وممكن ياخد الصحيح قبل المريض.. فمتخاطرش بخاتمتك إنك يجيلك فجأة في وقت انت مش جاهز فيه ولا مستعد أو بتعمل حاجة غلط.. اوعى تنسى انك معرض للموت في أي لحظة.. فخليك دايما مستعد.. #رسايل

تعرف إن فيه واحد راح للنبيﷺ مرة يقوله ... ائذن لي بالزنا!!!!😱....بيقول للنبيﷺ اسمحلي بالزنا ؟؟!....معقول ..؟؟! ..طب تفتكر إيه اللي حصل لما قال كده.؟؟! الصحابة طبعا استغربوا كلامه وحاولوا يسكتوه.... بس النبيﷺ ماعملش كدة ... النبيﷺ كان حاسس بيه وعارف إنه في صراع بين شهوته ودينه طيب عمل ايه..؟؟ ..النبي ﷺ خلاه يقعد جنبه وبدأ يتكلم معاه ويقوله أترضاه لأمك ؟؟أترضاه لأختك؟ أترضاه لابنتك ؟؟وهو يقول ..لا ..والنبيﷺ يقوله : وكذلك الناس - وعشان كدة ...بقول لكل شاب بيتفرج على الأفلام الإباحية ....ترضاه لأمك ؟؟ترضاه لأختك؟؟ترضاه لابنتك؟؟ ترضى انهم يتفرجوا على حاجة زي دي .. ؟! ممكن تقولى بس اللي صوروا الحاجات دي راضيين صح ؟؟ طيب لو هم راضيين عشان باعوا دينهم تروح تبيع دينك زيهم ؟! ماهما بيعملوا كدة ومنتظرين "الزبون" اللي هيتفرج .. ماهي صناعة انت ترضى تكون انت الحلقة الأهم اللي بتكمل السلسلة القذرة دي من صناعة الإباحية .. ؟! ⏪أنا راضي حكمك ... تحب لما تقابل النبيﷺ على الحوض تقوله انا كمان سمعت كلامك زي الصحابي ده؟؟ ولا......سمعت كلام شياطين الإنس والجن ؟؟ خد قرار.....واقبل التحدي ضد الشياطين إنت قد التحدي 💪 #رسايل