ዶ/ር ኃይለልዑል-ሀኪሙ

እንኳን ለ2017 ዓ.ም አዲስ ዓመት በዓል አደረሳችሁ!

አቦጊዳ ሮትራክት ክለብ ከብሄራዊ ደም ባንክ እና ከኢትዮጵያ ቀይ መስቀል ማህበር ጋር በመተባበር ለ65ኛ ዙር የደም ልገሳ ኘሮግራም በመስቀል አደባባይ በሚገኘው የቀይ መስቀል ማዕከል  የፊታችን እሁድ ነሀሴ 19 አዘጋጅቷል። እርሶ የሚለግሱት ደም የ3 ሰዎችን ህይወት ያድናልና ለብዙ ታካሚዎች በህይወት መኖር የእናንተ ደም አስፈላጊ ነው። ስለዚህ በዚህ ታሪካዊ ቀን ተገኝተው ደም በመለገስ በየጤና ተቋማቱ በተለያየ ህመም የሚሠቃዩትን ህጻናት እና አዋቂ ህሙማን ፣ ወላድ እናቶችን እንዲሁም በካንሠር ህመም የተጠቁ ወገኖችን ህይወት እንዲታደጉ ተጋብዘዋል። #BloodDonation #RACAbugida

#Mpox_Update የዝንጀሮ ፈንጣጣ (Mpox) የዓለም የህብረተሰብ የጤና ሥጋት ተብሎ ከተበየነ በኋላ ለመጀመሪያ ጊዜ ከአፍሪካ ውጪ በስዊድን በበሽታው የተያዘ ሰው መገኘቱ ሪፖርት ተደርጓል። የሀገሪቱ የህብረተሰብ ጤና ኤጀንሲ እንዳስታወቀው የተያዘው ግለሰብ በሽታው ሪፖርት በተደረገበት የአፍረካ ሀገር የጉዞ ታሪክ ያለው ሲሆን አሁን ላይ በስቶክሆልም የማገገሚያ ሥፍራ ክትትል እየተደረገለት ነው ተብሏል። ይህ በስዊድን የተገኘው የMpox ዝርያ  በአፍሪካ ሀገራት ሥርጭቱ የጨመረው  #ክላድ1 (Clade_1) ቫይረስ ዝርያ መሆኑ ተገልጿል።

3ኛ ማስተርሴን በትላንትናው እለት ከአዲስ አበባ ዩንቨርስቲ በካዉንስሊንግ ሳይኮሎጂ በከፍተኛ ማዕረግ አጠናቅቄያለሁ። Master of Art in Counseling Psychology ዶክተር ኃይለልዑል መኮንን

የጭንቅላት ካንሰር(Brain Cancer) (በ ዶክተር ኃይለልዑል መኮንን) በአመት በካንሰር ምክንያት ከሚሞተው ሰው በጭንቅላት ካንሰር ብቻ 3% የሚያህሉቱ ህይወታቸውን ያጣሉ። ብዙ አይነት የ ጭንቅላት እጢዎች አሉ የተወሰኑቱ በፍጥነት ሲያድጉ የተወሰኑቱ ደሞ በዝግታ ያድጋሉ:: የካንሰር ሴሎች ቁጥራቸው ሲጨምርና በመጠንም ሲያድጉ ወደ ጤነኛው ሴል ይዛመታሉ::በተጨማሪ ጭንቅላት ውስጥ እብጠት በመፍጠር ምልክቶችን ሊያሳይ ይችላል:: የጭንቅላት ካንሰር ምልክቶቹ ምንድናቸው? 🔻ብዙ ጊዜ የመጀመሪያው ምልክት ሰውነት #ማንቀጥቀጥ(seizure) ነው:: 🔻ከማቅለሽለሽ እና ማስመለስ ጋር የሚከሰት ተደጋግሞ የሚመጣ #ራስ ምታት 🔻የ ዕይታ ለውጥ ፦ የምስል መደብዘዝ እና ለእይታ መቸገር 🔻የማስታወስ ችሎታ መቀነስ 🔻የሰውነት መስነፍ(paralysis) 🔻የባህሪይ ለውጥ ማምጣት ለጭንቅላት ካንሰር የሚሆን ምርመራ አለ? ኢሜጂንግ ከምንላቸው ውስጥ እንደ MRI እና CT SCAN በብዛት በሽታውን ለመለየት እንጠቀማለን::እንዲሁም ከ ኢሜጂንግ በኋላ እንደየ አስፈላጊነቱ የናሙና(Biopsy) ምርመራ ይደረጋል:: የጭንቅላት ካንሰር ህክምና አለው? የተለያዩ የህክምና ዘዴዎች አሉት ከነዚህም ውስጥ ቀዶ ጥገና ፣ የጨረር ህክምና፣ ኬሞቴራፒ ይጠቀሳሉ። ከ ህክምና በኋላ ምን መደረግ አለበት? 💠የካንሰር ሴሎቹ ድጋሚ እንዳይከሰቱ የህክምና ክትትል ያስፈልጋል::እንዲሁም በተጨማሪ ከሃኪሙ የሚሰጡትን የትኛውንም መልክት እና ትዕዛዝ መተግበር አስፈላጊ ነው:: እነዚህ ምልክቶች ከታዩ በቀላሉ በሽታው ስር ሳይሰድ የጤና ባለሙያዎችን ማማከር ብልህነት ነው:: @Dr_Haileleul_Mekonnen

ለተመረዘ ሰው ምን ማድረግ አለብን? 🔹የሚጠጣ/ የሚዋጥ መርዝ (ምሳሌ፡ የቤት ውስጥ የፅዳት ፈሳሾች፣ ፀረ-ነፍሳትና ፀረ -ተባይ መድሃኒቶች ፣ የሥራ ቦታ ኬሚካሎች፣ መድኃኒቶች…ወዘተ) •የህክምና ዕርዳታ እስከሚመጣ ድረስ ግለሰቡን በግራ ጎኑ አስተኝተው መከታተል ÷ ማስመለስም ሆነ ማንቀጥቀጥ ከተከሰተ ትንታ እንዳይፈጠር ይከላከላል። •የተመረዘው ሰው ካስመለሰ ወይም በአፉ ውስጥ የቀረ መርዝ ካለ በጣት ላይ ጨርቅ በመጠቅለል የግለሰቡን አፍ ማጽዳት ይገባል። •የመርዙ መያዣ ዕቃን በማንበብ ለድንገተኛ መመረዝ ማድረግ የሚገባዎትን መመሪያዎች ከያዘ በመከተል÷ የመርዙን ዕቃ የጤና ባለሙያ እስኪያየው ድረስ በቅርብ ማቆየት። •ራሱን ለሳተ ሰው በአፍ ምንም ነገር አለመስጠት! •ለሁሉም መርዞች በተለምዶ ‘ፈውስ ናቸው’ ተብለው የሚታሰቡ ማርከሻዎችን (እንደ ወተት ያሉ) አለመጠቀም! 🔹በፍጥነት ወደ ህክምና ቦታ በመዉሰድ የአንድን ሰዉ ህይወት መታደግ እንችላለን ። www.doctorhaileleul.com

በመላው ዓለም ሆናችሁ 1445ተኛውን የኢድ-አላድሃ (አረፋ) ክብረ-በዓል በማክበር ላይ ያላችሁ ሙስሊም እህት ወንድሞቼ እንኳን አደረሳችሁ። አደረሰን። ኢድ-ሙባረክ!

ለመላው የክርስትና እምነት ተከታዮች! እንኳን ለትንሳኤ በዓል በሰላም አደረሳችሁ!

ሻወር በየስንት ጊዜ ይወሰዳል? የቆዳን ጤንነት ለመጠበቅ የሚመከረዉ ?