Vizier | Biznes va Iqtisod

Henley & Partners tahlilchilari tomonidan o'tkazilgan tadqiqotga ko'ra, Xitoy AQShni ultraboy odamlar soni o'sishi bo'yicha ortda qoldirdi. So'nggi o'n yil ichida aktivlari $100 milliondan oshiq bo'lgan, ya'ni "centimillioner" deb ataladigan odamlar soni 54% ga oshdi va 29 350 kishini tashkil qildi. Asosan ular xitoyliklar va amerikaliklar. Britaniya, Germaniya va Fransiyada bunday ultraboy odamlar nisbatan kamroq. Dunyo bo'yicha barcha ultraboy odamlarning uchdan bir qismi 50 ta asosiy shaharda istiqomat qiladi, lekin eng ko'pi Nyu-York, Bay-Eriya (Kaliforniya) va Los-Anjelesda yashaydi. Telegram | Instagram

Tekin pishloq - qopqonda bo'ladi! Yaqinda fuqarolarimiz qandaydir AIF piramidasi tuzog'iga ilingan edilar, endi bo'lsa NHK ga. Barchasining maqsadi bir - aldab, pulingizni shilish, cho'ntagingizni qoqish. Bizningcha, ba'zilar sezgan, his qilgan, lekin baribir qarmoqqa ilinganlar. Sxema bir xil: guruh a'zolariga ozroq pul tikib, video ko'rib, layk bosib, arzimas topshiriqlarni bajarib, pul topishni taklif qilishadi. Yakunda esa pul ham, kompaniya ham yo'q. Kelgusida shunga o'xshash firibgar "moliyaviy piramidalar" paydo bo'lishi mumkinligi va aldanib qolmaslik uchun moliyaviy piramidalar qanday ishlashini tushuntiramiz. Umuman olganda, ular ikki xil usulda ishlaydi: ▎Birinchi usul: Standart shaklda pul yig'ish va taqsimlash bilan ishlaydilar. Ya'ni har a'zo badal tolab sxemaga kiradi va badalni chiqarish uchun yangi a'zoni jalb qilish kerak. Yangi a'zo badali hisobiga daromad ola boshlaydilar va qancha ko'p a'zo jalb qilinsa, daromad ham oshaveradi. Daromadlari manbai sifatida avtomobil oldi-sotdisi, oltin va h.k. deb ertak to'qiydilar. Tashqaridan chiroyli ko'rinadi, lekin yangi a'zolar kirishi kamaysa, sxema buzila boshlaydi. Statistika bo'yicha bunday usulda 10-15 foiz yutuqda qolsa, qolgan 85-90 foiz quruq qolishadi. ▎Ikkinchi usul: O'sha mashhur Ponsi usuli (Ponzi scheme) boshqacha ishlaydi. Bunda yangi a'zolar jalb qilish so'ralmaydi, balki mablag' tikish va ma'lum vaqtdan so'ng ajoyib foizlarga ega daromadli bo'lish taklif qilinadi. Hatto yillik 400 foiz ham taklif qilishadi, vaholanki banklarda eng yuqori depozit 27 foizga teng. Tan olish kerakki, boshida tashkilotchilar dastlabki a'zolarga foiz va daromad berish uchun o'z mablag'larini tikadilar. Keyin esa yangi qo'shilganlar hisobiga to'lab borilaveradi. Buning yaqqol misoli - Axmadboy piramidasi. Bu usul yakunida ham oxiridagilar chuv tushadilar. Chunki bu yerda hech qanday biznes modeli yo'q, daromad yo'q, faqat a'zolar tikkan mablag'lar bor xolos. Moliyaviy savodxonligingizni oshirib boring va o'zingizni hamda cho'ntagingizni ehtiyot qiling! Telegram | Instagram

IT-giganti Oracle Larry Ellison Amazon egasi Jeff Bezosni ortda qoldirib, $206,5 milliardga teng boyligi bilan dunyodagi eng boy odamlar reytingida ikkinchi o'rinni egalladi. Telegram | Instagram

Finlyandiya restoran biznesi: inqiroz fonida rekord darajadagi bankrotlik Pandemiya va Ukraina mojarosi tufayli xarajatlar oshishi natijasida Finlyandiya restoran biznesi misli ko‘rilmagan bankrotlikka duch kelmoqda. 2023 yilda 630 restoran bankrotga uchradi, bu 2022 yilga nisbatan 35% ko‘p. Bu ko‘rsatkich so‘nggi 20 yildagi eng yuqori darajaga chiqdi. Asosiy sabablardan biri — energiya va oziq-ovqat mahsulotlari narxlarining oshishi, bu esa foyda kamayishiga olib keldi. Finlyandiya sohada vaziyatni barqarorlashtirish uchun yordam choralari izlashda davom etmoqda. Telegram | Instagram

🎉 Vizier jamoasi 10,000 obunachiga yetdi!🎉 Aziz do'stlar! Barchangiz bilan bu ajoyib yutuqni nishonlash uchun kichik bir giveaway o‘tkazmoqchimiz. Sizlar bilan birgalikda erishgan ushbu muvaffaqiyat biz uchun juda qadrli va bu barchamizning kuchli hamkorligimizning natijasi! 🌟 G‘oliblar uchun 3 ta ajoyib kitob: 1. Boy ota, kambag'al ota – moliyaviy ongni oshirishga yordam beradigan muhim darslar. 2. O'yla va boy bo'l – muvaffaqiyat va boylikka erishish yo‘lidagi ajoyib maslahatlar. 3. O'lsang, kim yig'aydi – hayotimizning qiymatini anglashga yordam beruvchi chuqur fikrlar. 🔑 G‘olib bo‘lish uchun yagona shart: • Bizning Telegram kanalimizga obuna bo‘lish xolos! • Instagram sahifamizga obuna bo'lish! G’oliblar random tarzda, obunachilarimiz orasidan aniqlanadi. O’zingizni qiziqarli bilimlar va ilhom bilan boyitish imkoniyatini qo‘ldan boy bermang! Har biringizning ishtirokingiz biz uchun muhim. O‘z imkoniyatlaringizni sinab ko‘ring va ajoyib kitoblardan birini qo‘lga kiriting! 📅 Giveaway 21-Sentabrgacha (3 kun) davom etadi. G‘oliblar e'lon qilinadigan sana 22-Sentabr. Barchangizga omad tilaymiz!🎊 Telegram | Instagram

🚘 BMW zavodlaridan bo'yoq postlari yo'qolishi mumkin. Avtomobil konserni muhandisi Stella Klarkning aytishicha, tez orada BMW E Ink texnologiyasi bilan avtomobillar ishlab chiqarilishi boshlanadi, bu esa tugmani bosish orqali ranglarni o'zgartirish imkonini beradi. Mish-mishlarga ko'ra, bunday birinchi avtomobillar 2027 yilda chiqishi kutilmoqda. Telegram | Instagram

▎Biznes ochish: Qurilish materiallari savdosi O'zbekistonda qurilish do'konini ochish — bu barqaror daromad keltirishi mumkin bo'lgan istiqbolli g'oya. Quyida bir nechta muhim raqamlar va faktlar keltirilgan: - Qurilish materiallari bozori: O'zbekistondagi bozor hajmi taxminan 2,5 milliard dollarni tashkil etadi, har yili 10-15% o'sish bilan. - Ta'mirga talab: Statistika ma'lumotlariga ko'ra, o'zbeklarning 60% dan ortig'i kelgusi 2 yil ichida ta'mir qilishni rejalashtirmoqda, bu esa doimiy mijozlar oqimini yaratadi. - Assortiment: Keng turdagi mahsulotlarni taklif qilish muhim: - Kiruvchi joylar uchun qoplamalar — keksa insonlar orasida talab yuqori. - Linoleum — oilaviy juftliklar orasida mashhur. - Santexnika buyumlari — suv ta'minoti sifatidan kelib chiqib, doimiy talab mavjud. - Onlayn savdo: Mijozlarning 40% dan ortig'i qurilish materiallarini internet orqali buyurtma berishni afzal ko'radi, bu esa yangi savdo kanallarini ochadi. - Marja: O'zbekistondagi qurilish materiallari bozorida o'rtacha foydalilik 20-30% ni tashkil etadi, bu esa biznesni jozibador qiladi. Mijozlarning ehtiyojlarini inobatga olgan holda do'kon ochish doimiy daromad va barqaror rivojlanishni ta'minlaydi, hatto qiyin davrlarda ham! Telegram | Instagram

O'zbekistonning IT kelajagi: Bepul ta'lim yo'lining muhimligi va imkoniyatlar! O'tgan 2023 yili Twitter (hozirda X) platformasida bir juda muhim jadval muhokama qilindi. Ushbu jadvalda Hindistonning 2 yillik kompyuter dasturlarining eksporti hajmi Saudiya Arabistonining yillik eksporti hajmiga tengligi ko'rsatildi. Biroq, Arab davlatlari bu ma'lumotni e'tiborsiz qoldirmadi. Ular "Nigoh-2030" megaloyihasi doirasida dunyodagi eng kuchli kompyuter o'yinlari yaratuvchilarini o'zlariga jalb qilish uchun 1 milliard dollar sarflashni rejalashtirmoqdalar. Bizda ham, "O'zbekiston -2030" strategiyasiga ko'ra IT xizmatlar va dasturiy mahsulotlar eksporti hajmini 5 milliard dollarga etkazish va 100 mingta ishchi o'rin yaratish maqsad qilingan. Biroq, eng asosiysi, kadrlar tayyorlashda kamharjli va nochor oilalar farzandlari chetda qolib ketmoqda. Har qanday IT sohasidagi kurs yoki o'quv markazlarini ko'rib chiqsak, narxlari osmonda. Ya'ni, puli borlar o'qiydi, kambag'allar esa eski gaplar bilan qolmoqda! Birortasida bepul ta'lim haqida ishora yo'q! Bu sohada qo'shni Qozog'istondan o'rnak olish kerak. Yaqinda, 2024 yil sentabr oyida Atyrau viloyatida Samsung Elektroniks tomonidan dasturlashning bepul kurslari maxsus jihozlangan IT kampusda 13 dan 25 yoshgacha bo'lgan bolalar uchun boshlandi. Bu respublikadagi oltinchi IT kampusdir (Olmaota, Ostona, Aqtobe, Qustanay, Toldiqo'rg'on). Bizda esa bunday imkoniyat yo'q! Eshityapsizmi, KarL? Birorta ham yo'q! Yaqinda Telegram asoschisi Pavel Durov Ostonada bo'lganida, Qanat High School xususiy maktabiga 12 ta qishloq bolalarini bepul o'qishi uchun 300 ming dollar hayriya qildi. Chunki bu maktab 300 o'rinli bo'lib, 100 nafar qishloq bolalari bu yerda bepul o'qiydi. Toshkentga kelganda esa birorta maktab, kurs yoki o'quv markaziga homiylik qilmadi. Nega? Chunki xorijliklar ham anoyi emas, ular bepul ta'lim borligini ko'rib, homiylik qilyapti va grantlar ajratyapti. Bizda esa hatto birorta xususiy maktabda ham bepul o'rin kvotasi yo'q. Demak, sizni ta'limga bo'lgan e'tibor va homiylik masalalarida jahon tajribasidan foydalanishga chaqiraman. Bizning tadbirkorlarimiz, xususiy maktablar va o'quv markazlari rahbarlari ham bu holatdan xulosa chiqaradi degan umiddamiz. Axir aytishadiku, "Alloh ham bir qo'lingda bersang, ikkinchi qo'lingga beraman!" Telegram | Instagram

Yashil — ofis interyeri uchun eng samarali rang. Bu haqda so'rovda ishtirok etgan ishchilarning 34% ma'lum qildi. Shuningdek, 28% odamlar ko'k va moviy tonlarda ishlashni afzal ko'rishadi, 12% uchun to'q sariq palitra yoqadi, 11% binafsha rangni tanlaydi, 10% — qizil, va 5% — sariq rangni afzal ko'radi, deb aniqladi Rokfon. Telegram | Instagram

▎Intellektni rivojlantirish 1. Qiziquvchan bo'ling. Qiziquvchanlik har doim barcha geniylarning ajralmas xususiyati bo'lib kelgan. Qiziquvchi aql yangi g'oyalarni yaxshiroq ishlab chiqaradi. O'z aqlingizni ochiq tuting va har doim yangi narsalarni o'rganishga tayyor bo'ling. 2. O'z sohangizga aloqador bo'lmagan kitoblar va maqolalarni o'qing. Qulaylik zonasidan chiqib, dunyo haqidagi bilimlaringizni kengaytiring. Bu nafaqat sizni aqlliroq qiladi, balki qiziqarli suhbatdoshga aylantiradi. 3. Miya mashqlarini bajaring. To'g'ri miya mashqlari aqliy qobiliyatlarni yaxshilashga yordam beradi. Oddiy mashqlardan boshlang va asta-sekin murakkablariga o'ting. Masalan, Android uchun miyaning ishini yaxshilaydigan o'yinlarni sinab ko'rishingiz mumkin. 4. Jismoniy mashqlar. Jismoniy mashqlar nafaqat tanangiz uchun foydalidir. Ilmiy nuqtai nazardan jismoniy mashqlar miya qon aylanishini oshiradi va neyron aloqalarining o'sishini rag'batlantiruvchi oqsillar ishlab chiqarishni ko'paytiradi. 5. Yangi narsalarni o'rganing. Ijodiy genius-ingizni rivojlantiring. Yangi narsalarni o'rganish — miyaning yaxshi stimulyatsiyasi. Qaysi bilimlar foydali bo'lishini hech qachon oldindan ayta olmaysiz. Shuning uchun yangi narsalarni o'rganishga intiling. 6. Haqiqatan ham foydali bloglarni o'qing. Agar siz ushbu maqolani o'qiyotgan bo'lsangiz, maqsadingizga yarmidan ko'prog'i yetib borganingizni anglaysiz. Siz samaradorlik, salomatlik, sport va gadjetlar haqidagi qiziqarli blogni o'qiyapsiz. Lekin buni to'xtatmang. Tarmoqda obuna bo'lishga arziydigan boshqa foydali saytlar ham mavjud. 7. O'z blogingizni yuriting va o'qiganlaringiz haqidagi taassurotlaringiz bilan bo'lishing. O'z blogingizni yuritish ijodkorlikni rag'batlantiradi. Siz biror narsani baham ko'rganingizda, bu sizning muloqot ko'nikmalaringizni yaxshilaydi. Blog sizning miyaning tonusini saqlab turadi va sizni ijodiyroq qiladi. Biror narsa haqida yozganingizda, bu haqida yaxshiroq tushuncha hosil qilasiz. Telegram | Instagram