İlqar Məmmədov

AŞPA ilə münasibətimizdə buzların əridilməsi üçün hər hansı fürsət bu qədər yaxın olmayıb. Azərbaycanın AŞPAdan kənarlaşdırılması haqda ədalətsiz qətnamənin baş müəllifi Frank Schwabe dünən “Amerikanın Səsi”nə deyib ki, parlament seçkiləri yaxşı keçsə bu fakt Assambleyaya qayıdış üçün "yeni şərait yarada bilər". Təcrübəli siyasətçilər bilir: adamın səsverməyə saylı günlər qalmış verdiyi belə bəyanatı fonunda ardınca səsləndirdiyi şəxsi qiymətləndirmələrinin əhəmiyyəti azdır. Məncə, indiyədək ciddi əngəllər qurmuş Schwabenin geriyə addım atmağa hazır olması haqda bu bəyanatından ölkəmiz tam həcmdə faydalansa problem tezliklə çözülər.

Yalnız sandıq başında verilən səs keçərlidir. Ona görə, 1 sentyabrda özünüz də gəlin, bugün və sabah dost-tanışı da yönəldin ki, Bazar günü səsverməyə gəlsinlər. "Like" və paylaşımlar bizə əlavə inam verir, çox sağ olun, amma seçki komissiyası ancaq bülletenləri sayacaq.

Seçkiyə 5 gün qalır. Səsverməyə gələcəyiniz təqdirdə böyük üstünlüklə qələbə qazanacağıma heç bir şübhəm yoxdur. İştirak səviyyəsi aşağı olsa üstünlüyüm daha az olacaq, amma yenə də qalibik. Qələbəni "qarantiyalamaq" üçün hər kəsi səsverməyə gəlməyə, sözü keçdiyi insanları da iştiraka fəal dəvət etməyə çağırıram. Çox sağ olun!

Bugünkü görüşlərimizdən bəziləri. Seçki kampaniyası davam edir.

Əvvəllər seçki kampaniyaları daha uzun çəkirdi. Yəni seçki elan olunduğu gündən sonra 3 ay, bəlkə də daha çox, yaxşı xatırlamıram. Bu müddət azaldılanda əvvəlcə etirazlar oldu ki, 2 ay azdır. İndi, texnologiyaların inkişafı hər sahədə olduğu kimi kampaniya işində də əmək məhsuldarlığını artırıb deyə, bu cür şikayətlər daha eşidilmir. Amma Seçki Məcəlləsinin digər elementləri həddən artıq köhnəlib. O, tam yenidən yazılmalıdır. Bu mövzuya 1 sentyabr Milli Məclis seçkisindən sonra qayıdacağıq. Hələlik bütün diqqət səsvermə günündədir.

Bugünkü görüşlərimizdən. 1 sentyabr ərəfəsində 22 saylı Nəsimi-Yasamal seçki dairəsində vətəndaşlarımız REAL partiyasının platformasını daha da yaxşı tanıyır.