MUTTENZERKURVE BASEL

FCZ DEHAI & LUZÄRN FRITIG – IISTIMME IM SAAL Am Fritig het dr Saal ab 19:00 offe. Näbem normale Barbetrieb gits au öpis kleins zÄsse. Stimme mir uns zämme uff e Samschtig ii! SAMSCHTIG – 18:00 UFF DR PLATTFORM Am Samschtig gits uff dr Plattform wieder Saisonkarte-Trikots. Witersage und d Saisonkarte nid vergässe – me git, was me wott! Verwandle mir s Joggeli in e Feschtig! BILLET LUZÄRN In Luzärn koschte Billet im erwiterte Gäschtesektor uff die Saison ane neu 30.- Einheitspris. Mir verkaufe zerscht d Billet für dr Gäschteblock (20.-/25.-) und drnoch s Näbesektorkontingänt für 30.- CHF. Billet gits am Fritigobe im Saal bim Iistimme und am Samschtig in dr Halbzitpause im Marathontor. D Zugzite folge näggscht Wuche. Alli uff Luzärn!

CUP CUP CUP Die zweiti Cuprundi fiehrt uns zum FC Stade Nyonnais – dr Extrazug fahrt folgendermasse: Basel SBB ab: 12:09 Nyon aa: 14:59 Prattele: 21:50 Zrugg in Basel: 22:01 Matchtickets (20.- Einheitspriis) gits im Zug und vor em Block.

SAAL ZUE Dr Saal het hüt Oobe zue.

FAHNEDAAG IM JOGGELI Am 28.09.24 ab de 11i am Morge macht s Joggeli sini Düüre uff. Kumm verbii, es git einiges z erlääbe. Dini eigeni Fahne näihe oder moole, sich sunsch kreativ uslääbe, Schutte in de Gäng vom Stadion oder eifach nur e schöne Daag mit de Liebschte im Joggeli verbringe. Es git e Kolläkte vor Ort und für Ässe und Dringge wird ebefalls gsorgt sii. Egal uff wellem Tabälleplatz – d FCB-Familie waggst witer!

HÜT MACHT SICH ROTBLAU UFF D REIS Samschtig-Oobe, Tourbillon, langi Zugfahrt, e FCB in Form, dr Shaqiri – alles wos brucht für e glatte Usflug ins Wallis. Vor dr Extrazugabfahrt wird zudäm no e neus Shirt (20.–) verkauft. EXTRAZUG: Basel SBB ab: 11:53 Sion aa: 16:17 Prattele: 00:38 Muttenz: 00:45 Zrugg in Basel: 00:51 Matchtickets (20.–/25.–) gits im Extrazug. Dr Räscht wird vor em Gäschteblock verkauft.

FUESSBALLQUIZ IM SAAL Maradona, Mila und Marque - mol luege was die sogenannte Fans vo Fuessball verstöhn. Kömmed mit maximal 6 Persone pro Team am *29. August* in Saal und bewieset eures (Un)Wüsse! Ahmälde unter [email protected]. Dr Saal het ab 18:00 offe und es git öpis z Ässe.

YVERDON DEHAI Me trifft sich am 14:00 uff dr Plattform. Ab Träffpunggt findet uff dr Plattformbar e Ticketusstellig statt. D Usstellig losst iidauche in e Wält vo de unterschiedligschte Billet: Gwüssi erinnere an grossi Spiel, anderi wegge Gedangge an Näbeschauplätz und nomol anderi stäche scho nur durch ihri Gstaltig ins Aug. Es wird au öpis zÄsse gäh. SAISONKARTE–TRIKOT Nach em grosse Aasturm bim letschte Heimspiel sin fast alli Grössene usverkauft. Es sin aber Trikots nochebstellt – geege dr FCZ gits wieder alli Grössene. SION USWÄRTS In dr Halbzitpause wärde im Marathontor Tickets (20.–/25.–) für s Usswärtsspiel in Sion verkauft.

CUP CUP CUP Für s Cupspiel in Subinge wärde mr mit em Extrazug uff Deitige fahre und denn vo dört zämme zum Fuessballplatz in Subinge laufe. Basel SBB ab: 12:53 Deitige aa: 13:45 Prattele: 20:00 Zrugg in Basel: 20:16 Matchtickets (15.-/20.-) gits am Samschtig am Bahnhof vis à vis vom Coop. Dr Räscht wird vor em Gäschteblock verkauft.

Celestini & Matchtickets Hüt Oobe kunnt dr Fabio Celestini in Saal. Zudäm wärde Tickets für Gänf (20.-/25.-) und Subinge (15.- U16 / 20.-) verkauft.