Крипто Доогтэр

Saga.Day chart. Tp2 hit +150% spot

BTC.4h chart. 64-65K RES сэтлэх эсэхийг харна..... сэтлэхгүй бол SUP ирэх магадлалтай. Одоо 63800-65100 бүсийн OB тулсан бгаа

First Neiro On Ethereum (NEIRO) койнд хөрөнгө оруулалт хийснээр 2.25 сая долларын ашиг олж чадсан, нэрээ нууцалсан арилжаачин койноо заралгүй эзэмшсээр байна. Тэрээр уг дижитал хөрөнгийг Binance крипто бирж жагсаалтдаа оруулахыг зарласны дараагаас худалдаж авч эхэлсэн ба нийтдээ 0,0001 ам.долларын дундаж ханшаар 3,37 тэрбум NEIRO худалдан авч, 337,000 долларын хөрөнгө оруулалт хийгээд байгаа ажээ.

Дональд Трамп, Нью-Йоркт сонгогчидтойгоо уулзахын өмнө Трамп криптовалютаар төлбөр хийх боломжтой PubKey бааранд орж үйлчлүүлсэн байна. Тэрээр, баарны эзний тусламжтайгаар өөрийн түрийвчний QR кодыг уншуулж, биткойноор төлбөрөө хийн, нэлээд хэдэн ширхэг бургер авч дэмжигчдэдээ тараажээ.

Crypto All-Stars ($STARS) урьдчилсан худалдаагаар 1.3 сая доллар цуглуулаад байгаа бөгөөд Binance биржийн бүртгэлд орж арилжаалагдах боломжит нэр дэвшигч гэж аль хэдийнээс тооцогдох болоод байгаа ажээ.

9-р сарын 24-нд, Үнэт цаас биржийн комисс (SEC)-ийн таван гишүүн бүгд Сенатын Санхүүгийн үйлчилгээний хорооны хуралдаанд оролцохоор болсон байна. Энэ нь 2019 оноос хойш анх удаа тус комиссын ганц дарга гэлтгүй бүхэл бүтэн комисс хуралд хамтдаа орсон анхны тохиолдол болох болно.

Канадын крипто арилжааны DeFi Technologies компани SEC-д хандан Nasdaq-хөрөнгийн биржид хувьцаагаа гаргах хүсэлтээ гаргасан байна. Тус компани нь Bitcoin, Solana, CORE койнуудыг эзэмшдэг бөгөөд 2024 онд 105 сая долларын ашиг олсон ба хувьцаагаа гаргаж илүү олон хөрөнгө оруулагчдыг татах зорилготой юм.

ОХУ-ын Гадаад хэргийн сайд Сергей Лавров, БРИКС нь ам.долларыг оруулаагүй, шинэ төлбөрийн систем боловсруулж байгаа гэж мэдэгдлээ. Энэхүү систем нь арилжаа, хөрөнгө оруулалт, төлбөр тооцоог зохицуулж, тус холбооны улс орнуудад ам.доллараас хамааралтай байдлыг тойрч гарах боломжийг олгох юм.

АНУ-д эмийн худалдаа эрхэлдэг “Cencora” компани, “Dark Angels” хакеруудад 75 сая ам.долларын хэмжээний мөнгийг биткойноор төлжээ. Тус компанид хийгдсэн кибер халдлагын дэлгэрэнгүй мэдээллийг хараахан зарлаагүй байгаа хэдий ч одоогоор мэдэгдэж байгаа зүйл нь түүний дижитал платформыг 2024 оны хоёрдугаар сард хакердаж үйлчлүүлэгчдийнх нь хувийн мэдээлэл, оношийг хулгайлж авсан байна.

Хамгийн том, нэрд гарсан тогтвортой зоос болох USDT койнийг гаргагч Tether компани, 2024 оны хоёрдугаар улирлын тайлангаа нийтэлсэн байна. Уг тайланд, компанийн нөөц хөрөнгө 118.4 тэрбум доллар байгаа нь түүний өр төлбөрөөс 5.3 тэрбум доллараар илүү байгаа ажээ.