467
Subscribers
No data24 hours
No data7 days
No data30 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
این کانال به دلیل حذف اکانت مالک به کانال جدید انتقال یافت دوستان عزیز تشریف بیاورید کانال جدید ما ❤️❤️✅
با تشکر تمنا ( دکلاماتور)
لینک کانال جدید 👇👇👇👇
@torksozlari2
بیرگون سنی اوُز جانیما جانان ائلهرم من
زولفون کیمی دونیانی پریشان ائلهرم من
چوُخ جورایله تاخدی ائورهیه خنجری دونیا
چوُخ چکمز اوُنوندا ائورهیین قان ائلهرم من
سارسیلماغا واخت اوُلسا ساریللام سینن اوسته
عاشیقلری بیر بیر سنه قوربان ائلهرم من
کوُنلوم ساراییندا قورارام من سنه بیر کاخ
اوُ کاخدا سنی قلبیمه سولطان ائلهرم من
ایندی نَقَدَر قاچسان الیمنن گوُزلیم قاچ
بیرگون سنی بو عشقیمه حئیران ائلهرم من
داغدا آچیلان گوللره دوُننم گئجه گوندوز
هر یارپاغیمی سئوگینه احسان ائلهرم من
یازدی ریضا بو بیر غزلین داملادان اوُترو
اوُنسوز بو یانان باغریمی شانشان ائلهرم من
#تورکیشرضااشرفی
▫️سن تک قالاجاقسان، اؤزون اؤز باشینی دولاندیرمالی اولاجاقسان، باشا دوشورسنمی؟
بلی، مسئله بودور. اونا گؤره ده ایندیدن اؤزونو ایشه اؤیرت، باشقالارینا بئل باغلاما! ساکین و آرخایین یاشا، هم ده عینادلی اول! هامییا قولاق آس، آمّا سنین اوچون نه جور یاخشیدیرسا، همیشه او جور حرکت ائله!
📚 اوشاقلیق
#ماکسیم_گورکی
گلن اولسا،
گؤرن اولسا،
چیخ آرادان
بیلن اولسا،
دیللهنن اولسا،
یوخ اول آرادان
چووغون ایچره،
چیلپاق اوینایان بیر اورک جنازهسینی
یئردن گؤتورمهیه نه وار کی...؟!
#نیگار_خیاوی
من اؤز وطنیمی اؤز دیاریمی
آزاد اؤلکه لره قاتا بیلمه دیم
آرزو یوخولاریم منی آییلتدی
یوخولار ایچینده یاتا بیلمه دیم
آزادلیق یوردومدا دولاشدی یاد یاد
من آزادلیق اولدوم اؤزگه لر آزاد
دیلیمی قیلینجلا دوغرادی جلاد
دوغرانمیش دیلیمی آتا بیلمه دیم
آه چکدیم دردلر دیندی دریندن
قوپدوم مهره مهره اؤز تملیمدن
اللریم اوزولدو قارداش الیندن
سونرادا قارداشا چاتا بیلمه دیم
گونش اوینامادی قارا بختیمده
آرزومون قیلینجی پاس آتدی قیندا
ان عیناد واختیمدا گوجلو واختیمدا
گوجسوز دوشمنیمه باتا بیلمه دیم
هامی اؤز سسینی سسلره قاتدی
منیم قیشقیریغیم آغزیمدا باتدی
اؤلکه لر بؤیودو بیرلشدی آرتدی
من ایسه بؤیویوب آرتا بیلمه دیم
سهراب طاهیر
کونول بو دونیایا ائتمه اعتبار
شیرین دیله توتوب گه ل دییه جکدیر
بیر گون شنلیگینی ائدیب تارو مار
دوشمنلری سنه گولدوره جکدیر
کیمی آلداتماییب وفاسیز حیات
منزیله چاتماییب چوخ قارتال قاناد
سن ائل اوچون چالیش ائل اوچون یارات
زامان بیلمه سه ده ائل بیله جکدیر
جهان جهانگیره وئرمه ییب باجی
کیمنه شیریندیر کیمینه آجی
گدانین باشینا قویساندا تاجی
یئنه گدالیغین بیلدیره جکدیر
جانلی بیرتورپاقدیر دوشونسه انسان
کوُچری قوش کیمی امانتدیر جان
معناسیز شهرتی حوُکمویله زامان
تاریخ لوحه سیندن سیلدیره جکدیر
داشقین دهشتلره شاهیدسن اوُزون
دئ نه لر قالدی کی گوُرمه یه گوُزون
چالیش ائل دیلیندن دوشمه سین سوُزون
بو دونیا سنی ده اوُلدوره جکدیر
مظاهیر داشقین
▫️ایندی کی سئومیرسن،
بس صاحیب چیخ گؤزلرینه،
دؤنوب دولاشیب دَیمهسینلر گؤزلریمه!
✍#جمال_ثریا
Choose a Different Plan
Your current plan allows analytics for only 5 channels. To get more, please choose a different plan.