Makaryan News

❗️Ռուբեն Վարդանյանը Բաքվի բանտից հայտարարություն է տարածել Յուրաքանչյուրն ուրիշի գործողությունների մասին դատում է՝ ելնելով իր կյանքի մոդելներից և սկզբունքներից. Ռուբեն Վարդանյանի արձագանքը Բաքվի բանտից Բաքվի բանտում հարցաքննության ժամանակ Ռուբեն Վարդանյանին հարցեր են ուղղել Հայաստանի վարչապետի վերջին ասուլիսի ժամանակ Վարդանյանի հասցեին հնչեցված հայտարարության կապակցությամբ: Ընտանիքի հետ հեռախոսազանգի ժամանակ ստանալով հաստատում, որ նման հայտարարություն իսկապես հնչել է, Ռուբեն Վարդանյանը խնդրել է հանրության համար բաց ձևաչափով փոխանցել իր հետևյալ խոսքը. «Առաջին հերթին՝ յուրաքանչյուր մարդ ուրիշի գործողությունների մասին դատում է՝ ելնելով իր կյանքի մոդելներից և սկզբունքներից: Երկրորդը՝ եթե վարչապետն ինձ ինչ-ինչ հարցեր ուներ, նա հնարավորություն ուներ դրանք ինձ ուղղելու 2022 թվականի նոյեմբերին մեր վերջին հանդիպման ժամանակ, երբ ես նաև պետնախարարի պաշտոնն էի զբաղեցնում: Ամեն դեպքում, ես անգամ հիմա եմ պատրաստ, իմ ներկայիս հնարավորությունների իրավիճակում, պատասխանել նրա ցանկացած հարցի: Երրորդը՝ ցանկանում եմ վարչապետին հիշեցնել, որ 2018թ. գարնանը, երբ մենք առաջին անգամ գործընկերներով, չորս հոգով հանդիպեցինք նրա հետ, ես անկեղծորեն նրան երեք կետ ներկայացրեցի, որոնք պահպանել եմ ու շարունակելու եմ պահպանել. 1. Մենք գործընկերներով չենք ցանկանում և չենք միջամտի Հայաստանի քաղաքականությանը: 2. Մենք զբաղվում ենք բարեգործությամբ՝ անկախ Հայաստանի իշխանությունների նկատմամբ վերաբերմունքից, քանի որ մենք դա անում ենք ժողովրդի համար: Ինձ համար մարդկանց օգնելը մնում է կարևոր հարց և կարևոր մարդասիրական առաքելություն: 3. Միակ բանը, որ կարող է փոխել իմ այդ մոտեցումը, Արցախի ճակատագիրն է: 2020 թվականի պատերազմն ու Արցախի նկատմամբ շարունակվող սպառնալիքը ինձ համար շրջադարձային եղան, ինչի մասին ես բազմիցս բաց ու հետևողականորեն հայտարարել եմ: Այդ ժամանակից ի վեր իմ բոլոր գործողությունները թելադրված էին Արցախի և նրա ժողովրդի ճակատագրի նկատմամբ մտահոգությամբ: Հիմա մեր ժողովուրդն ապրում է իր պատմության ամնենաբարդ ու ծանր շրջափուլերից մեկը, բայց ես շարունակում եմ հավատալ, որ չնայած դժվարություններին ու տարաձայնություններին, մենք կկարողանանք հաղթահարել այս փուլը ևս ու կառուցել խաղաղ ու լուսավոր ապագա»:

Հուսով եմ՝ այդ պատճառով չի փակվել Comedy Club-ը: Մարիա Զախարովան հեգնանքով է արձագանքել Հայաստանում ՌԴ-ից իշխանության յուրացման փորձի մասին հարցին:

Եղնիկը` Դիլիջանի անտառներում Բարի լույս, մարալներ

🔥Իսրայելը ռմբակոծում է Լիբանանը Վերջին 30 րոպեների ընթացքում Լիբանանում առնվազն 70 ավիահարված է հասցվել:

Հենց հիմա` «Ֆլորենս» ռեստորանում Արցախի հանձնման օրը արցախցի երգչուհի Գայա Ազումանյանը հյուրերին ուրախացնում է հանրահայտ «Ղարաբաղցին» երգով @Makaryan News

-Կուզեի՞ք Արցախը մերը լիներ, հանձնված չլիներ Ադրբեջանին,-այսօր հարցրի Անահիտ Ավանեսյանին: Ու նա հարցս համարեց ոչ կոռեկտ: Փաստորեն, իրենց իշխանության կողմից Արցախը թշնամուն հանձնելը կոռեկտ է, իսկ իմ հարցը` ոչ կոռեկտ)))

ՇՈւՏՈՎ. Միհրամ Պողոսյանի բացառիկ հարցազրույցը` Մոսկվայից

🇦🇲🇳🇱Քննարկվել են Հայաստանի և Նիդերլանդների միջև համագործակցության հիմնական հեռանկարային ուղղությունները Փոխվարչապետ Մհեր Գրիգորյանն ընդունել է Հայաստանում Նիդերլանդների դեսպան Մարիկե Հարիետ Մոնրո-Վինտերին: Երկուստեք ընդգծվել է Հայաստանի և Նիդերլանդների միջև առկա առևտրատնտեսական հարաբերություններում մեծ ներուժը: Անդրադարձ է կատարվել նաև ՀՀ-ԵՄ հարաբերություններին և ՀԸԳՀ ամբողջական կիրարկման կարևորությանը:

Աբովյան փողոցում ծառն ընկել է մեքենայի վրա

ՀԱՊԿ-ից ինքնիշխանությանը սպառնացող վտանգի մասին Փաշինյանի հայտարարությունը հակասում է ողջախոհությանը․ Մարիա Զախարովա