صياح بلا هدف❤️😅(تالته ثانوي)

●الكيمياء محتاجه 3 حاجات 1/ ربط معلومات وده هيكون واضح فى العضوية يعنى بيسأل ع مركب مثلا بتمشى معادلات وخطوات من اول درس لحد ما توصلو وممكن يكون فى الاسترات اللى هى اخر درس وعايزه م الميثان اللى هو الدرس التالت عشان كدا اهم حاجه ترلطى معلومات ببعضها 2/ تعميم قواعد يعنى مثلا المعادلة دى عملتيها كدا مش هيجى فى الامتحان المعادله دى لا هتيجى زيها نفس الفكرة اللى طبقتيها هطبقيها تانى فى المعادله اللى معاكى وده اسمه تعميم قاعده اللى عملتيه هنا تعمله هنا مش تحفظى شكل واحد للسؤال 3/ملخص ومخطط بايدك بجد اكتر ماده هتستفادى منها م الملخص اللى هتعمليه لنفسك هترجعيله فى اى وقت مش لازم خالص تذاكرى بسرعه دى بالذات لو معلومه وقعت هتلاقى مترتب عليها حاجات تانى لان كلها يعتبر مربطه ببعضها ذاكرى وافهمى كويس وخدى وقت احسن ما تذاكر بسرعه وترجعى تنسى اللى ذاكرتيه ركزى فى الشرح كويس اووى وافهمى كل كلمه كل كلمه بمعنى الحرف وهتبقى بالنسبالك الماده كويسه

♤الانجليش ومشاكله♤ عامل ازمه عند الاغلبية وانا كان اكتر ماده بالنسبالى عاملالى ازمه بس قدرت احلها 1/لو المشكله فى المذاكرة الجرامير هتحاول لما تاخد الدرس تلخصه انت وضيف المعلومات المهمه كدا هيثبت اكتر وهترجع للملخص فى الوقت اللى انتى عايزه وهتكون عارف الحاجات اللى انت كاتبها +الحل الكتير هتقول بخل غلط هقولك حل كتير لان ده اكتر ماده بتيجى بالحل 2/ لو المشكله حفظ الكلمات حاول تغير طريقة حفظك يعنى وانت بتحفظ اقرأ الكلمات كلها الاول مجرد قراءة سريعه عشان تنبه مخك انه فى كلمات انجليش جديدة وقسمهم وانت بتحفظ يعنى 10 كلمات مثلا او 5 كلمات ع حسب قدرتك واقرأهم تانى بس براحه خالص عربى وانجليش وبعدها خبى الكلمات الانجليش وسمع العربى وخبى العربى وسمع الانحليش هى طريقه ممكن تحسيها تقيله شوية بس دى اكتر حاجه تخلى الكلمات تثبت لأكبر وقت 3/ لو المشكله فى الترجمه حاول. وانت بتحل تستعمل التخمين مش اى كلمه تستخدم جوجل يترجمها او القاموس لا حاول تخمن ولو فى الاخر خالص خالص مش عارف توصل ليها يبقى ترجمها ووقتها اكتبها فى كشكول او stick note او فى الكتاب اى كان واقرأها كل يوم وده برضو بجانب حاجه انك وانت بتحفظ الكلمات حاول تخبى العربى يعنى شوفى الكلمه الانجليش وقول انت معناها بالعربي 4/لو المشكله فى القطعه عادى جدا بتيجى مع الصبر والتدريب والوقت اعمل مثلا كل يومين حل قطعه وخلى المستر يعلمهالك 5/لو المشكله فى المقالي برضو نفس نظام القطعه محتاج تدريب كتير حاول برضو كل يومين اللى هو اكتب واحد او اكتب واحد فى الاسبوع وخلى المستر يصححه بس كدا اظن انا اتكلمت كتير وحاولت اجمعهم كلهم اتمنى اكون قدرت افيد ولو جزء بسيط☺️🤎 ☆Sara✍️

●الفيزياء : ازاي اذاكر الماده الصعبه دي ؟! و ازاي اقدر ابقي بيرفكت فيها ؟! ○انا بذاكر كويس بس لما باجي احل مش بعرف احل هل انا مش فاهم ؟! هل انا مش عارف اطبق اللي فاهمه ؟! ●كل دي اسئله بتتسال كتير منكم و انا كنت طبعا مريت بالتجربه دي بس هقولك ازاي اتخطيتها الحمد لله و كانت الفيزياء بعدها من اسهل المواد و احبها الي قلبي ●اولا : حضرتك لو بتحضر درس و المدرس مخلكش وانت في المحاضره تحل بايدك اعرف ان كده في مشكله لازم يعودك علي طريقه الحل في المحاضره لو مش بيحصل يبقي هنعمل الاتي حضرتك هتروح لليوتيوب هتسمع من المدرس اللي تستريح معاه في الشرح و هنعمل الاتي : ○١- هنسمع الكلام النظري و نفهمه كويس و نرجع نقرأه من الكتاب مره و بعدين تلخصه في ورقه و تحطها في الكتاب عشان تبقي عارف كل مره اللي انت لخصته هتلاقي نفسك ان شاء الله بيرفكت في النظري ٢- بعبع الفيزياء هي المسائل بنبقي فاهمين كويس اوي في الدرس و لما بنحل مش بنعرف لان حضرتك مجربتش تحل بايدك فانت تعمل اللي هقولك عليه __ ورقه وقلم ●المدرس في اليوتيوب هتلاقيه بيشرح امثله كتير جدا علي الدرس نفهم فكره اول سؤال و طريقه الحل امسك القلم و الورقه اوقف الفيديو و احل انا السؤال التاني و التالت و الرابع ●مش مهم عندي اغلط المهم ابقي فاهم انا غلط ووقعت في ايه مره. مع التانيه هتلاقي نفسك برفكت في حل المسائل بتاعت الفيديو و لما تيجي تحل في اي كتاب خارجي الموضوع هيبقي اسهل بكتير☺️🤎

♡ازاى ننظم وقتنا♡ ●الاول طبعا هنام المكتب قبل ما ننام ○أخرنا اووى ننام 10 او 11 عشان نصحى 4 ○التاسكات بتاعتنا هنكتبها قبل ما ننام عشان نكون عارفين احنا هنذاكر اى ومنضيعش وقت ●أفضل حاجه طبعا نبدأ يومنا قبل الفجر بنص ساعه ○نصلى ركعتين قيام ليل ○نقرأ ورد القرآن ○نصلى الفجر. ○نقول اذكار الصباح ○هناكل حاجه خفيفه ونعمل كوباية القهوة او الشاى او النسكافيه الجميلة بتاعتنا هنكون فوقنا ونبدأ مذاكرة ●هنبدأ بالمادة اللى محتاجه تركيز اكتر زى الفيزياء او الكيمياء زى الجغرافيا او التاريخ ●هنذاكر بطريقة ال 50 دقيقه و 10 ريست ال 10 دول ممنوع نمسك فون لأننا هنسرح عليه وننسى نفسنا ●ع الساعه 9 هناخد ريست من 9 ل 9.30 وبعدها نكمل لحد الظهر زى ما احنا ●طب لو حد عنده درس فى الوقت ده هيبدأ م الفجر لحد ميعاد الدرس هيروح الدرس ويرجع يكمل ●طب لو حد عنده دروس كتير هيرجع يريح ساعتين وياخد شاور وياكل ويبدأ مذاكرة ●التاسكات هتظبطوها ع حسب الدروس بتاع كل يوم ♡موفقين أن شاء الله ي شباب☺️💗 ☆Sara✍️

♡ازاى نذاكر صح♡ ●طب انا بذاكر كتير وإنتاج قليل يبقى عندك مشكلة فى طريقة مذاكرتك اهم حاجه وانت بتذاكر 1/ مكان هادى جدا ولو فى أولى لوحدك ومحدش يكون جمبك عشان تقدر تركز . 2/تبعد عن كل المشتتات وأولهم الفون هتقولى اصل بذاكر من عليه وبسمع فيديوهات يوتيوب وكل الجو ده هقولك نزل الفيديوهات الاول اللى انت عايزها وبعدها اقفل النت عن الفون خااالص عشان لو فكرت تفتح حاجه يكون النت فاصل . 3/مكان مناسب للمذاكرة متروحش تذاكر ع السرير او جمب السرير لان كلنت عارفين اى اللى بيحصل فى الاخر 🙃 . 4/هتذاكر بطريقة 50 دقيقة و10 دقايق ريست بس مش ع الفون هتاخد ال 10 دقايق تقوم تفك رجلك مثلا او تشرب حاجه واحلى حاجه بقى او خظته فى قراءة 5 صفحات قرآن ربنا هيبارك فى وقتك وهتبقى عندك تركيز بطريقة رهيبه . 5/اعمل لنفسك مكافأة لو خلصت مثلا كذا تاخد مثلا شوكولاته شيبسي اى حاجه بتحبها بس تكون بعيده عن الفون🙂 . 6/لو وقتك بيضيع فى التلخيص وكل ده حاول قبل ما تسمع فيديو الشرح اقرأ الدرس ع السريع فى 5 دقايق مجرد قراءة ولما تسمع الشرح ضيف اى معلومه جديدة او زيادة فى الكتاب او اكتبها فى stick note وحطها فى الكتاب لو معلومه مهمه علم عليها بال Highlighter هيكون شكلها ملفت وتركز عليها وانت بتراجع الدرس تانى . 7/لو معلومه بتنساها بسرعه او سؤال غلط فيه او فكرة جديدة اكتبهم فى كشكول عشان متنساشهمش وراجعهم كل فترة حاولت اجمع كل الحاجات اتمنى تفيدكم ولو جزء بسيط بالتوفيق ان شاء الله ❤️ ☆Sara✍️

الكتاب الجديد للأحياء

شبااااب نظرا للعبث اللى حصل وقرارات الوزير ●المضاف للأحياء لسه محدش يعرف هو اى ●لكن المحذوف م الكيمياء اهو....

●المحذوف من كيمياء ثالثة 3 ثانوي 1️⃣ الباب الاول 👈 حالات التاكسد الشائعة 👈 خاصية الايونات الملونة .. 2️⃣ الباب الثالث 👈 جدول الرقم الهيدروجيني 👈 جهاز pH 👈 التميؤ .. 3️⃣ الباب الرابع 👈 الرمز الاصطلاحي .. 4️⃣ الباب الخامس 👈 هاليد الاريل D.D.T 👈 تكوين المنظفات وطريقه عملها 👈 المركبات عديدة الهيدروكسيل الجلوكوز والفركتوز

لما اوصل الباقي لـ بنت ف المواصلات والاقي بنت تانيه بتقولي وانا كمان ليا باقي: