DW Amharic

ህወሃት ውስጥ የተፈጠረው ውዝግብ እያደር እየጋለ መሄዱ እየታየ ነው። ከክልሉ ጊዜያዊ አስተዳደር በተቃራኒ በቅርቡ ስብሰባ ያካሄደው ህወሃት አቶ ጌታቸው ረዳን ጨምሮ የተወሰኑ የፓርቲው ማዕከላዊ ኮሚቴ አባላትን ማገዱን ይፋ አድርጓል። አቶ ጌታቸውም ህወሃት የክልሉን ጊዜያዊ አስተዳደር ከሥልጣን ለማውረድ እየሠራ ነው በማለት ከሰዋል።

የኢጋድ ዋና ፀሐፊ ከሶማሊያው ፕሬዝዳንት ጋር በቀጣናዊ ሰላም እና ደህንነት ጉዳዮች ላይ ሰሞኑን ተወያይተዋል። ኢጋድ በሶማሊያን ሉዓላዊነት እና የግዛት አንድነት መከበር ላይ ግልጽ አቋም እንዳለውና ይህም የድርጅቱ አባል ሃገራት እና መንግሥታት መሪዎች ያረጋገጡት መሆኑን ዋና ጸሐፊው ተናግረዋል።

AFD ግዛቲቱን ለ34 ዓመታት የመራውን SPDን ሊያሸንፍ ይችላል የሚል ሰፊ ግምት አለ። ምሥራቅና ምዕራብ ጀርመን ከተዋሀዱአንስቶ ግዛቲቱን ሲመራ የቆየው የሶሻል ዴሞክራቶቹ ፓርቲ SPD በእሁዱ ምርጫ ለመጀመሪያ ጊዜ ስልጣኑን ሊለቅ ይችላል ተብሏል። የግዛቲቱ ጠቅላይ ሚኒስትር ዲትማር ቮይድከ ይህ እንዳይሆን የምችለውን ሁለ አደርጋለሁ ብለዋል።

በ2017 ዓ.ም. በኢትዮጵያ የዲጂታል ኢኮኖሚን መሰረተ ልማት ለመዘርጋት ከአንድ ቢሊየን በላይ የአሜሪካ ዶላር መመደቡን የኢትዮ-ቴሌኮም አስታወቀ። ኩባንያው የኔተዎርክ እና ኢንተርኔት አገልግሎት ጥራት ላይም በዚህ ዓመት አተኩሮ እንደሚሠራ አሳውቋል።

በሊባኖስ ባለፈው ማክሰኞ በአነስተኛ የኤሌክትሮኒክስ መልክት ማስተላለፊያ መሳሪይዎች ወይም ፔጀርስ፤ በትናንትናው ዕለት ደግሞ በመገናኛ የእጅ ሬዲዮኖችና ኮምፕዩተሮችና መኪናዎች ጭምር በደረሱ ፍንዳታዎች እስካሁን 32 ሰዎች ሞተዋል፤ 3,500 የሚሆኑ ደግሞ ቆስለዋል።

ከ4 ሚሊየን ብር በላይ ወጪ የወጣበት እና ከሁለት ዓመታት በላይ የምርምር ጊዜን የወሰደው “አቴቴ አያና ሐዎታ” የተሰኘ ዘጋቢ ፊልም ተመረቀ፡፡ ፊልሙ የገዳ ስርዓት አካል የሆነው አቴቴ የኦሮሞ ህዝብ ባህሉን፣ ትውፊቱንና ወጉን በአፈታሪክ እና በጽሁፍ እንዲሁም በዜማ፣ በስነቃል ከትውልድ ወደ ትውልድ ለማሸጋገሩ አንዱ ማሳያመም ተደርጎ ተወስዷል፡፡

*ባለፈው ማክሰኞ የተኩስ ድምፅ ሲያጓራባት የቆየችው የጎንደር ከተማ ማኅበራዊ እንቅስቃሴ በአብዛኛው ወደነበረበት መመለሱን ነዋሪዎች ተናገሩ ። በትንሹ 5 ሰዎች መገደላቸውንም አክለዋል  ።