Tert.am

🔹Իսրայելի պաշտպանության նախարար Յոավ Գալանտը հայտարարել է, որ իր երկիրը թևակոխել է պատերազմի նոր փուլ 📌««Հեզբոլլահը» զգում է, որ իրեն հետապնդում են։ Իսրայելը կշարունակի գործել շարժման դեմ», - ասել է Գալանտը:

🔹Իսրայելի ռազմաօդային ուժերը հրթիռակոծում են Լիբանանի հարավում գտնվող «Հեզբոլլահի» թիրախները 📌«Հեզբոլլահի» գլխավոր քարտուղարը հայտարարել է, որ այս հարձակումը Լիբանանի պատմության մեջ աննախադեպ է և, որ դա պատերազմական վիճակ է։ 📌«Հակառակորդը հատել է բոլոր կարմիր գծերը։ 2 օրվա ընթացքում նրանք մտադիր էին սպանել շուրջ 5, 000 մարդու։ Այս հանցավոր արարքը խոշոր ահաբեկչական գործողություն է և հավասարազոր է պատերազմ հայտարարելուն»,-հայտարարել է նա:

🔹Նիկոլ Փաշինյանի հայտարարությունները ՀԱՊԿ կողմից հանրապետության ինքնիշխանությանը սպառնացող վտանգի մասին հակասում են ողջախոհությանը, այս մասին հայտարարել է ՌԴ ԱԳՆ պաշտոնական ներկայացուցիչը 📌«Եթե ձեզ ինչ-որ բան «սպառնում է», հատկապես ազգային անվտանգությանը, ապա ի՞նչ իմաստ ունի ասել, որ[Հայաստանը դեռ մնում են ՀԱՊԿ-ում։ Եթե մնում են, նշանակում է սրա մեջ ինչ-որ նպատակահարմարություն են տեսնում»,-հայտարարել է Զախարովան։

🔹Իրանն առաջին երկրներից էր, որը ճանաչեց Հայաստանի անկախությունը, և այդ օրվանից երկրները լավ հարևաններ են, այս մասին ասված է Իրանի նախագահ Մասուդ Փեզեշքիանի՝ Հայաստանի անկախության տոնին ուղղված շնորհավորական ուղերձում 📌«Առաջիկա տարիներին երկու բարեկամ և հարևան երկրների հարաբերություններն ավելի կխորանան տարբեր հարթություններում, ինչը օգուտ կբերի երկրների ժողովուրդներին»,-ասված է ուղերձում: 📌Փեզեշքիանը նաև ուրախություն է հայտնել Իրանի և Հայաստանի միջև ամուր և կայուն կապերի կապակցությամբ, որոնք աստիճանաբար զարգանում են:

🎯Տնային գործերում անփոխարինելի օգնական Dreame «խելացի» ռոբոտ փոշեկուլները կարելի է մինչև սեպտեմբերի 30-ը ձեռք բերել մինչև 25% զեղչով 📌 Խոսքը Dreame D9 Max White, D9 Max Black, D10 Plus, D10s Pro մոդելների մասին է, որոնք վաճառվում են «Զիգզագ», VLV, «Վեստա», «ԷԼԴՈՐԱԴՈ», «Վեգա», «Դոմուս» խանութներում: 📌Դրանք իրականացնում են և՛ խոնավ, և՛չոր մաքրում, ենթարկվում ձայնային հրահանգներին, ակնթարթորեն հեռացնում կեղտը կամ բծերը: Ամբողջական հոդվածը կարող եք կարդալ այստեղ:

🔹Ոստիկանության անունից գովազդ է տարածվում, որով անհայտ անձինք գումար են պահանջում, իբր հանցագործությունն արագ բացահայտելու համար, հայտնում են ՆԳՆ-ից 📌«Հորդորում ենք զերծ մնալ անծանոթ կայքերում կամ էջերում անձնական տվյալներ լրացնելուց: Իսկ եթե արդեն դարձել եք խաբեության զոհ, ապա անհապաղ դիմեք Ոստիկանություն»,-ասված է հաղորդագրության մեջ:

🔹Հունգարիայում Դանուբը դուրս է եկել ափերից և հեղեղել մայրաքաղաք Բուդապեշտի փողոցները, որտեղ գտնվում է նաև խորհրդարանի շենքը

🔹Պուտինին Պետերբուրգում ցուցադրել են ռուսական արտադրության ԱԹՍ-ների օրինակները

🔹Մենք թույլ չենք տա, որ մեծ տերությունները մեզ օգտագործեն այնպես, ինչպես Ուկրաինային են օգտագործում, hայտարարել է Թբիլիսիի քաղաքապետ, իշխող «Վրացական երազանք» կուսակցության գլխավոր քարտուղար Կախա Կալաձեն 📌«Որքան էլ մեզ սպառնան պատժամիջոցներով, միևնույն է, խաղաղությունը Վրաստանում պահպանվելու է։ Մենք մշտապես առաջ ենք տանելու մեր երկրի ու ժողովրդի շահերը»,- ասել է Կալաձեն։

🔹19 տարի եթեր հեռարձակվող «Comedy Club» հումորային հեռուստաշոուն փակվում է։ Վերջին անգամ այն եթեր կհեռարձակվի սեպտեմբերի 20-ին, ժամը 21։00-ին, լուրը ռուսական լրատվամիջոցներին հաստատել է Գարիկ Խառլամովը 📌Մինչ այդ ТНТ հեռուստաալիքը ռուսաստանյան մի քանի ԶԼՄ-ի հայտնել էր հեռուստաշոուն փակելու մասին։