"Hôpefull"🤍🇵🇸

كلام كل اجازة 🙂

هننام بدري ونتعلم الماني ونتعلم برمجه ونشتغل فريلانسرز ونقبض بالدولار ونلاقي الحب الحقيقي

الحقيقة أنا مش مقتنع إن فى حد عارف دينه كويس سواء كان شاب أو بنت ويقبل إنه يعمل (فرح) مختلط فيه أغانى ورقص وإختلاط وعرى فكرة إن الراجل أصلا يقبل إن مراته تظهر كده عادى أدام الرجالة ويبقى فى إختلاط ورقص وممكن العروسة تبين شعرها أو تقلع الحجاب سواء كان الراجل ده أب أو أخ أو حتى زوج . مفيش حاجة من دى أقرها الدين ولو كان الرسول حياً بيننا مكنش ده عمره هيحصل فكرة أصلا إنك كراجل تلاقى بنت شايفه إن ده العادى ولازم لو هتتجوزها تعمل كده فأنت راجع نفسك لو هتتجوز بنت عندها إستعداد تعمل كده وكذلك للبنات لو أدامك راجل عنده إستعداد يقبل بحاجة زى كده ففى خلل كبير فى الرجوله عنده وفى غيرته ومن الواجب علينا نبطل نقول كلمة (فرح) على حاجة كلها معاصى وذنوب بالشكل ده كده يبقى تتحول (لحزن) مش فرح لأن المسلم لا يفرح بمعصية الله (أتقى الله حيثما كنت) (ولا تكونوا كالذين نسوا الله فأنساهم أنفسهم) (من يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه)

‏يعنى الناس تصحى من النوم تلاقى انبوبه البوتاجاز زادت 50 % فيه بلد بتزود الاسعار 50 % مرة واحده الا اذا كان فيه انهيار فى الاقتصاد وفلوسها مجرد ورق بتطبعه المطبعه النتائج هتوصل لبيت المسنهلك ب 180 جنيه تكاليف نقل سعر سندوتش الفول والطعميه هيغلى فى المطاعم الشعبيه

حاولت احط 100 سبب علشان اكرها ومش عارف🙂 مش عاوز اعلق قلبي بغير ربنا وانا مش حمل كده والله ، مفيش بينا كلام ابدا والله ، سافرت بعيد اكتر من 50 يوم قولت الحمد لله أكيد كده هنساها لكن اول ما رجعت تاني رجعت تاني في تفكيري ، أتقدمتلها مرتين وقالولي لسا فاضلها سنة ، ف أهلي قالولي خلاص نشوفلك حد تاني ، بنات الناس كتيرر ، وشافوا اكتر من حد وكان مناسب جدا ، بس انا للأسف قولت لأ والموضوع مش في دماغي أصلا ، كل ده علشانها هي ، لو تعرف انا بحاول اتجنبها بكل الطرق علشان مصلحتها وعلشان تشوف مستقبلها يمكن ميكونش لينا نصيب لبعض ، انا بحاول بكل الطرق ابعد عنها يمكن تكهرني وألاقي انا كمان سبب علشان أبطل تفكير فيها عارفين هي ممكن تكون بنت عادية جدا وفيه الاجمل والأحسن بس هي دي اللي دخلت قلبي وملكت مفاتيحه ، انا عاوز ابعد وأبطل تفكير فيها يمكن ميكونش لينا نصيب لبعض وهيبقا حررام علي ان اي بنت تكون من نصيبي متلقيش نصيب من الحب ده ، مش عارف اعمل ايه 🥲 دعيت ربنا كتيير والله وربنا اللي عالم بيا ، انا عاوز زوجة صالحة وممكن متكونش هي علشان كده مش عاوز اعلق قلبي بيها 💔

والله لو جلستَ ألفَ عامٍ لإعداد الخطط ، وألفًا ثانيةً لتدبير تفاصيل يومك ولحظاتك وما بينها ، فإنّك تقف عاجزًا أمام تدبير الله لك . كم من مرّةٍ أهداكَ الحياة وسط الغرق ، و لو كُنتَ على مركبٍ من ورق . . عليكَ الدّهشةُ ومنه الكرم ، استعن بالله ولا تيأس 🤍.

بالله يا جدعان اللي بتدعي ابقا من نصيبها ، تخِف شويه عشان مش عارف اخد اللي انا عاوزها !

‌‎من عيوب المرأة التسرع والوقوع في الخـطأ. ومن ذلك أن رجلًا وزوجته اختلفا فاحتكما إلى شيخ فلما سمع منهما قال للزوج: زوجتك مُصـيبة ( أي علىٰ صواب) اسم فاعل من أصاب.. فقالت الزّوجة للشيخ: مصيـبة تاخـذك أنتَ واللي جابـك ..!