Аслан Орақбай

Көп ойға салынып өз-өзіңді жей берме.   Қанша есік жабық, жол қараңғы болса да Алланың әмірі күмәнсіз орындалады.   Сенің міндетің тек қозғалу, алға жылжу, бір орында тоқтап қалмау ғана.   Ал мақсатқа қашан жетесің, қалай жетесің ол Алланың Өзі ғана білетін дүние.     Жақыным, бір нәрсені ұмытпа.   Кейбір жауапкершіліктер таңдаудан кейін болады.   Алла Өз жолына тазаларды ғана таңдайды.   Біз өз қажеттіліктерімізді атқару үшін қолданған не кірленген нәрселерді пайдаланбаймыз ғой ...!   Біз адамдар сондаймыз, ал Алла өз жолына кім болса соны таңдайды, салады деп ойлайсың ба?   Алла сені өз жолына пайдаланып жатыр екен, онда Ол сенің жүрегіңе, кіршіксіз көңіліңе қарап таңдаған. Осыдан кейін сенің көңіліңде не нәрсе құлазытуы мүмкін?!   Жақыным, күресу өте ауыр.   Бірақ мен жақсы білетін нәрсе «Алла мықтыларды ғана ауыр нәрсеге салады».   «сенің қамқор ағаң» кітабынан

Досым! Кейде өмірде бір нәрсені ұстап қалудан гөрі сол нәрсені қолдан шығарып алу үлкен күшті қажет етеді. Біз нәрселерді жоғалтып алудан қорқамыз. Себебі онсыз қалай өмір сүретініміз бізге беймәлім. Бірақ, маған сенсең, қашан қолыңды бір сілтеуге шешім қабылдап, солай жасасаң, алдын сезбеген күштілікті сезесің. Сен «нағыз бақытты таппаймын» деп ойлаған едің. Қазір оны тауып отырсың, себебі сен өзіңді таптың! 📘 “сенің қамқор ағаң” кітабынан

Шәкіртім ғой😻 Дем салып жатыр😸 Скрытая съемка

Өмірін жүрекжарды дұғасымен өрнектейтін адам тәуекелшіл әлі батыл келеді. Басқаның көзі қорқып, қолы бармаған істеріне қорықпастан қадам басып, батыл шешімдер қабылдайды. Себебі Жаратқанға еткен дұғасынан күш пен сенімділік алады. Жетпесін Жаратушының жеткізетінін, ниетіндегі істің берекесін кіргізетінін біледі. Күйзеліс пен терең уайымнан алыс болады. Бір кедергіге бола томсырайып, өмірдің басқа жақсылықтарын сезінуден тосылып қалмайды. Өйткені Жәббардың жақын арада жанына ауыр батқан істің шешімін тарту ететінін сеніммен күтеді. Жамандықтың жолын дұғамен кесіп, мәселесін дұғамен шешкен адамның өмірі қандай жеңіл әрі жайлы еді! Алладан біздің де олардың қатарынан болуын сұраймыз.

Шексіздің мүмкіндіктерін шектеулі санаңмен шектеме 📖”40:60” кітабынан үзінді

Сары уайымға салынып, уайымға шомып кете беретін болсаң, дүниеде қиналып, жүрегің қысылса Алланың өте жақын екенін есіңе ал. Есігінің алдында тұрып, табалдырығын тоздыр. Күнә-қателігіңнің көптігін айтып, шайтанның арбауынан пана тілеп жатып жалбарын. Шәһәуатқа беріліп, шектен шығып, нәпсі қалауыңа ілесіп кеткеніңді мойыныңа ал. Алланың жақындығын сезінген сәтте пендеде жалындаған үміт, сөнбес сенім, ерекше ар-ұят пайда болады. Ал дұғаңды қабыл етуі саған үмітсіздік қабырғасын жарып шығуға көмектеседі. Аллаға қарай бет бұрып, Оған қарай жүру адамның жүрегіне берік иман дәнін егіп, нәтижесі мен жемісін көруге септігін тигізеді. "компас" кітабынан үзінді

Қазақтың маған мүлдем ұнамайтын, сасып, шіріп кеткен менталитеті бар: • Қашан үйленесің? • Көтермеді ма? • Өзі босанды ма, пышаққа түсті ма? Әлде де көп. Дәл қазір есіме түспей тұр. Тағы бір түрі бар: «Мына бала сөйлей ма?» — Ау, ақұдай! Адам боп жаралған соң бір күні сөйлер, әйтеуір. Маймыл емес қой. Қазір сөйлемесе, ертең қартайғанда, өлер шағында сөйлер. Оның сөйлеп-сөйлемегенінен саған не пайда?! Жалпы, осындай менталитеттегі жұртты «мүгедек» деймін. Мүгедектіктің үш тобы болса, мен «IV топ мүгедек» деп әлдеқашан диагноз қойғам.

Мәуліт айы мүбарак болсын! Мәуліт жайлы жан-жақты, толық мағлұматты осы жақтан ала аласыздар.