علم | عائشة 🧠📚🪜.

‏" حاول أن يكون من ضمن قراراتك اليومية أن تعتني بقلبك ".❤️❤️!

لابد لكل مؤمن من حفظ هذه!!

موضوعنا اليوم عن( تحسين العادات )💗! بحاول اختصره لكم بشكل بسيط و خفيف بإذن الله🙏🏻❤️ كل شخص ممكن يلاحظ فيه عادات سيئه وسلبيه ويبغى يتخلص منها . . و يحولها الى عادات ايجابيه✅! اللي فيها عادة العصبيه وتقول صعبه اتخلص منها ! اللي فيها عادة التأجيل وتعبت منه وتبغى تتخلص من هالعادة ! اللي فيها عادة الجلوس بشكل طويل على الجوال بدون أي فائده ! والكثيير من العادات السلبيه اللي تضرك وتزعجك🙏🏻! بختصرها لكم في كم نقطة💡: ١- كل عادة ممكن تتغير مافي شي مستحيل ابداً💡! اولاً لا تقولين مستحيل اتغير هذي انا من انا صغيره عصبيه و لساني طويل😅!!! ممكن بكلمة ب فيديو ب نصيحه تتغيرين كلياً ! وبتكرار كلامك انا ماقدر اتخلص منها و صعبه بتصعبينها عليك اكثر😅! لو العادات ماتتغير ماشفتي لك ناس امس كيف كانوا واليوم كيف عاداتهم وتطورهم😉😎✅! ٢- اعرفي كم عادة سلبيه تبغين تتخلصين منها ؟ ولا تجمعين مره وحده بتتخلصين منهم بسرعه😅! مثل ما العادة طولت معك وجت بالتكرار ماراح تروح بلمح البصر يبغى لها استمرار وصبر و مع التكرار بتتخلصين منها بسهوووووله✅💪🏻 يعني خذي لك قلم و ورقه ضروررري واكتبي كم عاده بتتخلصين منها ممكن وحده ممكن ٣ ممكن ٥ عادي كل السلبيات اللي فيك فرغيها على الورقة💪🏻! بعدها ابدأ حبه حبه امسكي اول وحده وابدأي بكتابة كيف اقدر اتخطاها واتخلص منها ؟ مثلاً نحط العصبيه ؟ ايش الامور اللي تعصبني ؟ كيف اتجنبها ؟ كيف اقدر امسك نفسي وقتها ؟ ايش المكافأة بعد كل تخطي لموقف عصبي مسكت نفسي فيه ؟ وكم يوم احتاج اتخلص منها ؟ اغلب العادات ٢١ يوم وبعدها بتلاحظين خفت العادة عندك و بعدها ابدأي بالعادة السلبيه الثانيه مع التزااااااااااامك بالمحافظه على ترك العادة الاولى وهكذا كل ٢١ يوم زيدي عادة سلبيه بتتخلصين منها مع محافظتك على اللي طافوا😉💪🏻❤️! ٣- نقطه مهمة جداً جداً جداً استبدلي مكان العادة السلبيه عادة ايجااااابيه💪🏻! مثلاً انا اسمع اغاني وانا امشي ؟ استبدليها بفيديوهات مفيده او كتب صوتيه ؟ وبتلاحظين ماراح تفقدين الشي اللي استبدلتي فيه ومنها استفدتي في الاستبدال بالمُفيد😉❤️! ٤- كل انسان وتمره عادات سلبيه لا تفكرين انو انا بس السلبيه والناس ماعندهم عادات سلبيه وتحطين اللوم عليك هذا الكلام بيخليك تأجلين تحسن عاداتك ولا راح تتطورين🙏🏻! ذكري نفسك في كل مره تلاحظين فيك عادة سلبيه ( عادي اقدر اتخلص منها و استبدلها ب ايجابيه ) واذا لاحظتي برضوا انو جت فيك عادة سلبيه ماكانت فيك قبل ؟ مثلاً قبل ماكنتي انسانه عصبيه ولاحظتي الفتره الاخيره انك تعصبين كثيييير ! تداركي العاده قبل تزيد وشوفي ايش اسبابها و حطي لك خطة في تخطيها و ضروري اولاً تعرفين اسبابها علشان ماترجعين للاسباب مره ثانيه😎💪🏻! ٥- اهمممم نقطططططه و لازم تكون معك في كل خطواتك و ايامك .. الدعااااااااااااااااء❤️! بدون إعانة الله لك والله ماتقدرين تتخطين أي عادة او أي تصرف🙏🏻❤️! دايم خلي لك وقت محدد هذا الوقت يكون للدعاء والخلوة مع الله يعني اخر نص ساعه قبل الفجر اترك كل الناس والدنيا وادعي و اذكر الله و ادعي بكل مافي قلبك و حتى لو نايمه حطي منبه على هالتوقيت ( وقت عظيييم وينزل فيه الله سبحانه وتعالى و يقول هل من داعي استجيب له هل من سألً اعطيه ؟ ايش تبغين اكثر من كذذذذذا ؟ اعتبري امورك و حالك تحسن بعد كل دعوه تدعينها يقين بالله و في هالوقت وقت عظييييم جداً لاتطوفينه ابداً حتى بعد ماتستجاب دعوتك خليك دايماً محافظه على هالوقت ) واذكروا الاخرين في دعواتكم .. ادعوا للمهمومين .. ادعوا لممديونين .. ادعوا للأموات .. ادعوا لـ اهاليكم .. ادعوا لنفسكم في الدنيا و الاخره لاتنسونها .. ادعوا لكل شخص تعرفونه .. ادعوا من اعممممماق قلوبكم و صدقوني ماراح ترجعون خايبين دامكم محسنين الظن بالله وقلوبكم مليانه يقين❤️❤️❤️❤️! ولو تطلعين من هالفقرة بتمرين الاسئلة هذا يكفي🙏🏻💗! بوضحه لكم بشكل اكثر .. التمرين هو : اكتبي كل عادة في ورقه . . ١- و اعرفي ايش اسبابها💡! ٢- و حطي لك خيارات كيف اقدر اتخطاها واختاري الاسهل لك 💪🏻! ٣- و اهم حاجه تمشين على تركها لمدة لاتقل عن ٢١ يوووم و بعدها ابدأي بعادة ثانيه✅! ٤- استبدلي مكان العادة السلبيه عادة ايجابيه😎! ٥- ارجعي للورقه كل يوم وشوفي هل انتي ماشيه كويس ولا في لخبطه😉😎! أ: الجازي

قاعدة النجاح : ابدا .. استمر.. تصل

"لن تجد حلاوة العبادة حتى تجعل بينك وبين الشهوات سدًا"

دورة انجليزية رابط الانضمام للقروب لحضور الدورة 👇🏼 https://chat.whatsapp.com/GtYTqjfeRdILnHsUTRRPfv 🔆انضمامك للقروب يأكد تسجيلك ‏

‏"يقضيها اللهُ لك رغم الظروف والأبواب المُغلقة ، لتعلم أن الله إذا أراد شيئًا أتاكَ به"❤️.

"سماع الأغاني يسري في الإيمان فيفسده كما يسري السم في الأبدان" ‏- ابن عثيمين.

‏﴿ وَتَطمَئِنُّ قُلوبُهُم بِذِكرِ اللَّهِ ﴾