HƏRBİ XƏBƏRLƏR

🇦🇿Bu gün Xankəndi, Xocalı, Xocavənd və Ağdərə şəhərləri günüdür Azərbaycanda Xankəndi, Xocalı, Xocavənd və Ağdərə şəhərləri günü ilk dəfədir qeyd olunur. Prezident İlham Əliyevin bu il sentyabrın 18-də imzaladığı Sərəncama əsasən, hər il sentyabrın 20-də Xankəndi, Xocalı, Xocavənd və Ağdərə günü təntənəli şəkildə qeyd ediləcək. Bu əlamətdar günün təsis olunması Ermənistan silahlı qüvvələrinin qalıqları və qeyri-qanuni silahlı dəstələrinin tərk-silah edilərək ərazilərimizdən çıxarılması ilə bağlıdır. Belə ki, bu gün - sentyabrın 20-də Xankəndi, Xocalı, Xocavənd və Ağdərə şəhərlərinin erməni sepratçılarından təmizlənməsindən bir il ötür.

🇦🇿🇮🇹 Azərbaycan Ordusunun Baş Qərargah rəisi italiyalı həmkarı, admiral Cuzeppe Kavo Draqone ilə görüşüb.

🥀 Ötən il sentyabrın 19-20-də Azərbaycanın Qarabağ bölgəsində keçirilən antiterror əməliyyatlarında şəhid olan hərbi qulluqçuların məzarları ziyarət olunur.

VƏTƏN MÜHARİBƏSİNDƏN ANTİTERROR ƏMƏLİYYATINA APARAN YOL 03.08.2022-ci il. Azərbaycan Ordusunun “Qisas” əməliyyatı.

🇦🇿❗️24 saatlıq antiterror əməliyyatından bəhs edən sənədli film “Səbrin sonu”

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən daha dörd şəhid sentyabrın 20-si dəfn olunacaq. Bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb. Məmmədov Mübariz İlyas oğlu Bakının Nizami rayonu Keşlə qəsəbəsinin, Səfərov Səfəralı Alverdi (Allahverdi) oğlu Sumqayıt şəhərinin, Rüstəmov Tərlan Kamal oğlu Bakının Qaradağ rayonu Lökbatan qəsəbəsinin, Qəhrəmanov Bilal Qəhrəman oğlu isə Gədəbəy rayonunun Şəhidlər xiyabanında dəfn olunacaqlar.

🇺🇸❗️Livanda peycerlərlə əməliyyatı İsrail təşkil edib, The New York Times Amerika rəsmilərinə istinadən yazır. Onların sözlərinə görə, israillilər Tayvan istehsalı olan peycerlərin yeni partiyasında “partlayıcı qurğu yerləşdiriblər”. İsrail kəşfiyyat agentliyi Mossad, Hizbullah tərəfindən sifariş edilən Tayvan istehsalı olan 5000 peycerə partlayıcı yerləşdirə bilər, Reuters də Livandakı yüksək səviyyəli təhlükəsizlik mənbəsi də daxil olmaqla bir sıra mənbələrə istinadən xəbər verir.

🇹🇷 "Bayraktar AKINCI" TOLUN İİR ilə həyata keçirdiyi sınaq atışında hədəfini tam dəqiqliklə vurub

❗️🇷🇺 Ukrayna ordusu Mariupolda Neptun raketi ilə rusların böyük silah-sursat anbarını vurub