Sidaamu qoqqowi jireenyu paarte Sidaamu Afii Huuro

Sidaamu Daga Paartete Borro Mine Minate Assitanni Afantanno Beeqqora Jawu Galati Nooe- Kalaa Abrhaam Marshshaallo Sidaamu Daga Jireenyu paarte bo/mine ijaarsate assitanni noo beeqqora galatu noosita Sidaamu Qoqqowi Jireenyu Paarte Si/Bo/Mini Sooreessi Kalaa Abrihaam Marshaallohu huwachiishi. Daraaru woradi daga Jireenyu Paarte borro mine minate birru, saadatenna addi, addi uduunu irko assitino kalaa Abrihaam Marshshaallohu tenne yannara daga paartete borro mine minate ikkanno woxe fushshansanni jawu galati noosita coyi'rino. Barraho woradu daga 43 miliyoone aliidi birra, saadanna babbaxxino uduunni irko assate qaale e'ino. SBC

"Mitte arrishshonni 615.7 miliyoone chigginyubba kaasa dandiinoommo." Techoo arrishsho fulte e'a geeshsha lee xibbe miliyoone chigginyubba kaansammora Itophiyu daga baalu mixi'noommonkanni. Hendoommore gumullummokkinni arrishsho e'annonkere di-ikkinoommona mitte arrishshonni 615.7 miliyoone chigginyubba kaasa dandiinoommo. Ooso hexxonsa kaassino. Wedellu kaajjillensa leellishshino.Geerru ragge wortino. Itophiyu daga lowohunni shiimu geeshsha mininsanni fulte shaangannokki haruma wortino. Halamankenninna kaajjillinkenni kalqete wole basera mitte arrishshonni assinoonnikkire ninke Itophiyu daga assinoommo. Techo diilallote gadi soorro keenaancho agarate uurrine honsoommo. Bushshu hoshooshama gatisate diramme honsoommo. Sagalete wowe buuxisiisate daafurranni honsoommo. Baattonke haanja uddisiisate lato wirro qolate badhera hingummokkinni loonsoommo. Kaaliiqino kaa'leennanke techoo arrishshora hendoommore gumulloommo. Techo 29.1 miliyoone qansooti 318.4 hekitaarera jiospaashaaletenni mashalaqqe afi'noonninsa dargubba aana chigginyubba kaassino. Xaa geeshsha mashalaqqete hanqafonni borreessinoonniri gobbaanni kaasantino chigginyubba mashalaqqe aanchine xawinsanniha ikkanno. Maala'lisanno Itophiyu daga mittimmaranna kaajjilleho galata shiqinshanni seyoonkera mixote, harunsotenna mashalaqqete doogo ikkatenni jawaantetenni loossinoonni massagaano ogeeyyenna miidiyu uurrinshubba galatu hasiisanno'ne. Halchonke assootinke baalu woyyino Itophiya mittimmatenni ijaarre keeshshiishate. Konneno sunfeemmo.

Sidaamu Qoqqowi Pirezidaantichi Kalaa Desti Ladamohu Mittu Barri Chigginyete Kaashshi Amuraati Aana Saysino Sokka. Sidaamu Jireenyu Paarte Sinu Bo/Mine

Mitte arrishshonni 600 miliyoone chigginyete kaashshi faajjetenni hanafami. (IPU/Bakkalcho Gaazeexa) Quqquxamme agadhinoonnihu Woxawaajje 17, 2016M.D mitte arrishshonni haanju harumi chigginyete kaashshi Sidaamu qoqqowira Shabbadiini woradira Dila Afaraaru olliira techo guuratenni hananfoonni. Qoqqowu pirezidaantichi Desta Ledamo barete leelle kaashsho faajjetenni hanafisiisino. Qoqqowoho baalante olluubbara mitte yannanni hanafisiinsoonniha ikkanna; arrishsho fulte e'a geeshsha kaashsho mixote garinni gumulate qansootu iibbadu garinni beeqqitanno gede assinanni hee'noonnita kulloonni. Techo barrinni calla Sidaamu qoqqowira 10 miliyoone chiggiyne kaansanniha ikkanna 2.1 miliyoone daga beeqqitanno. Amsaalu Felleqe (Shabbadiino) Woxawaajje 17, 2016M.D

ilama kaassanni no! Mitte arrishshonni 600 miliyoone chigginye kaasate amuraate

Xaphoomu Ministerchi Abiyi Ahmed(Dr) beeqqino haanju harumi shigginyete kaishshi Hawaasa assinoonni amuraate Misiletenni!! Sidaamu Qoqqowi Jireenyu paarte Si/Bo/Mine woxawaajje-14/2016M.D Hawaasa

Xaphoomu ministirchi Abiy Ahimed (Dr) loosu hajora Hawaasa ei Xaphoomu ministirchi Abiy Ahimed (Dr) faajjete loosu hajora Hawaasa afamanno. Xaphoomu ministurchi Abiy hattono ledosi hadhino gaamo haanja harumi chigginye kaassannoha, maatete jireenyi loossa hattono wolootta latishshu loossa towaanyo assitanno yine agarrannita Qoqqowu Mootimmate Xaadooshshi Biiro odeessitino. Buicho: IPU/Bakkalcho Gaazeexa

"Haanju harumi latishshi dagganno ilamara ragisiinseemmo Jirooti:-" Ayirradu Kalaa Desita Ledamo Sidaamu Qoqqowi Pirezidaante

“Dagooma latishshunna danchu gashshootinni horonsiraano assate loonsanni” - Sidaamu qoqqowi pirezidaantichi kalaa Desta Ledamo Qoqqowu mereershinni; Hawaasi quchumi gashshootinni, shoolente zoonnanni, woraddatenna quchumu gashshoottanni fultinori jajjabbanna mereerima massagaano 2016 M.D loosu jeefishshi keeno hattono 2017 baajeetete diri mixo aana hasaawa assitanni afantanno. Ba’rete aana 2016 baajeetete dirinni gumulantino loossa aana leeltino jawaantenna foonqe bande aantete loosira deerru deerrunkunni noo massagaano baalunku handaarinni illacha tugge loosatenni luphiima guma borreessiisate qixxaambannite yinoonni. 2017 Baajeetete diri jeefonni dancha rosicho ikkitanno loossa gumulantinota kayinsoonniha ikkanna dagate horonsiraanchimmara ikkanno looso loossinorinna woyyaawino guma borreessiissino massagaano suffannoha ikkanna ajinoha loosu jeefishsha leellishshino massagaano massagooshshu aana sufa hooggara dandiitannota pirezidaantichu kalaa Desti hasaawu ba’re aana kaajjishe kayisino. Qoqqowu jireenyu paarte sinu borro mini sooreessi kalaa Abrahaam Marshallohu isi widoonni; mootimmatenna paartete loossa mixote garinni mageeshsha jeefinsoonnironna leeltino foonqe bande aanino diro illachinshe loosate qixxaambanni ba’re ikkase xawisino. Sidaamu Qoqqowi Jireenyu paa/Si/Bo/Mine