تشافي الأنوثة

أنوثتك عشان تنوّر محتاجة منك روّقان.. ولما أقولك روّقان مقصدش انك تتخلصي من المسؤوليات.. أقصد انك اعرفي تشيلي الشيلة التقيلة دي صح ومش بتكلم انك ممكن تفلت منك وممكن تنفعلي شوية وتغلبك مشاعرك بتكلم انك بتغالبي نفسك على قد ما تقدري على التخفف من المعاني اللي بتخلي المسؤوليات ضاغطة بشكل قاتل لأنوثتك حبي نفسك بانك تقدريها لما تتعب وبانك ترحميها وتشفقي عليها وتسمحي لها تضعف وتقع وتتعب ساعاها بالك والله هيروق لما تبقي عايشاها بقوة وضعف كده وعقلك مسيطرة على ترجمته للظروف والمواقف.. تبطلي تنتصري لنفسك تبطلي تبالغي في المعاني تبسطيها أوي اللي يجيلك هو رزق وبس مش بشطارتك واللي يروح منك هو قدر ووقع تتقبليه وتعرفي"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ " ساعتها بالك هيروق.. وهتعيشي منطلقة من قيمك وبس ومركزة على سعيك قابلتي ما حُبب لقلبك تشكري الله على رزقه وفضله قابلتي ما تبغضه نفسك.. تطمني نفسك ان ربنا يعلم وأدرى بالخير منك فتطمئن نفسك وتهدأ وروقانك ده هيخليك متصلة بأنوثتك.. ولما تتصلي بأنوثتك هتحسي بثبات نفسي وثقة تديك صلابة نفسية وقوة تقابلي بيها الحياة ♥️ روّق يا جميل 💋

كلام لكل ست بتقلل من "المُطلقة" على فكرة مش بشطارتك ان جوازتك كملت... ولا باخطاءهم جوازتهم هى اللي انتهت . دي أقدار ولا بد واقعة! . الواحد ياماا شاف علاقات زوجية في شغله فيها اخطاء فادحة رجالة بتغلط وبتزيد ف غلطها والجواز مكمل عادي وستات مش عارفة يعني ايه راجل وجوازتهم مكملة عادي . يعني بلاش عشان ربنا رزقكم بنعمة استقرار في علاقتكم تنسوا انها محض فضل من ربنا ونعمة عليك . "وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ ۚ إِن تَرَنِ أَنَا أَقَلَّ مِنكَ مَالًا وَوَلَدًا" . إحنا في دار بلاء... كلنا نمتحن على فكرة فمتفرحوش أوي كده وتشمتوا في غيركم . قبول القدر والتسليم له بدون الشعور بالفخر بنعمة ربنا علينا كأنها شطارة وخيرية بتتسلم لينا هو عين الابتلاء . وياما جوازات مكملة وهى اصلا طريق للجحيم! ما في حقوق وواجبات يا جماعة لو مقصرين في حق الزوج ولو تعلمون حقه عظيم دي بالظبط زى اللي قاطع تذكرة يروح في ستين داهية . فكل واحد يبص في ورقته وبلاش تنظير على أحوال غيركم سلوا الله العفو والعافية . وكل أقدار الله خير مش كفاية إن ربنا سبحانه قال "وإن يتفرقا يُغن الله كلا من سعته" وتيجوا انتوا يا بشر تيأسوا الناس من أقدار ربنا ؟ تواضعوا يرحمكم الله

يا مساء الخير🤍 إيه الخطوات اللي ممكن آخدها كست تحسّن من صحتي العامة وتخلي جسمي يشكرني حقيقي خصوصًا على المدى البعيد؟ هنقترح في البوست شوية حاجات على قد ما هي بسيطة، على قد ما بتفرق جدًا -تقوية عضلات الحوض، يفرق جدًا لو انتِ بنت بعد الزواج لما تمري بتجربة الحمل والولادة وفي لياقتك وصحتك عمومًا، ويفرق كمان لو انتِ متزوجة أو خلفتي بالفعل، وتقوية عضلات الجسم عمومًا. الطرق البسيطة والمتاحة بعيدًا عن التدخلات الطبية الخاصة بكل حالة واللي بيحددها الدكتور هي إننا: -نراجع تحاليلنا أولاً خاصة فيتامين د لو عندنا فيه نقص لازم نضبطه. -نلتزم بتمارين كيجل نكتب على اليوتيوب (kegel exercise for women) ونطبّق. -نحاول نقلل سكر مصنع على قد ما نقدر ويا حبذا لو نقطعه خالص. -نشرب من ٢-٣ لتر ماية يوميًا، مش متخيلين صحة جهازكم الهضمي هتروح في حتة تانية ازاي. - نحاول نحاول نحاول نمارس تمارين ولو بسيطة نكتب على اليوتيوب (Home workouts) وعيشي يا ست الكل، ونركز على تمارين المقاومة. - نحاول ناخد بالنا من قعدتنا طول الوقت، لو لقيت ضهرك محني اعدليه وشدي كتافك، تفصيلة بسيطة هتكون مؤلمة في الأول مع الوقت جسمك هيتشد ومش هيتألم زي قبل كدة. قولولي حابين نتكلم عن إيه كمان بخصوص الجوانب الصحية، وبإذن الله نعدي عليها الفترة الجاية🤍

هل أنا محتاجة كل أنواع المنتجات عشان أحس إني أنثى أو جميلة؟ في الحقيقة لأ، التنوع في المنتجات جزء منه بيحاول يلبي احتياجات عند ناس معينة، وجزء منه بيكون تسويقي. يعني مثلاً هتلاقي: زبدة مرطبة زبدة معطرة لوشن مرطب لوشن معطر كريمات خاصة بالإيد كريمات خاصة بالقدم كريمات مخصصة للركب والاكواع كريمات للجسم عمومًا كريمات مرطبة للمناطق الحساسة مرطب الشفايف هل أنا محتاجة يكون عندي كل الأنواع دي؟ لأ مثلا مرطبات الإيد معظمها في الأصل مرطبات مناسبة للجسم عادي، لكنها بتكون محطوطة في علب حجمها أصغر عشان تناسب التنقل، وهكذا نحاول نجيب الحاجات اللي هتساعدنا في كذا استخدام، يعني مثلاً الحاجات اللي بدون روائح وترطيبها كويس هتناسبنا جسم ومناطق حساسة، فمش هنحتاج منتج مخصص للمناطق الحساسة المنتجات اللي ترطيبها عميق ممكن تكفيني في الركب والأكواع والقدم فمحتاجش منتج مخصص ليهم، وهكذا. المهم تعرفي إنه مش بكتر الأسامي ولا المنتجات، إنما بحقيقة احتياجك للحاجة دي، ومتخليش حد أبدًا أبدًا يلعب على مشاكلك ويحسسك بالنقص، لو بتتابعي براند بيوصلولك الشعور ده قاطعيهم أساسًا، احترمي الشركة اللي بتحترمك، وبتسوق لنفسها بشكل ميجرّحش في أنوثتك. احنا هنا بنحاول نتشافى🤍

السلام عليكم يا أخوات ممنوع نقل أي بوست أو فيديو من جروب الفيس أو التليجرام

مفيش مسطرة واحدة للجمال .. ممكن تحبي نفسك زى ما أنتِ؟ فكرة الوزن المظبوط .. الشكل المحدد .. لون العين المعين .. شعرك .. شكلك .. كلك على بعضك بيكون جمال له طعم خاص .. كل الستات بتحب التطوير .. بتحب تبقى احلى نسخة .. بس ممكن تتعلمي تبقي احلى نسخة من نفسك ؟ يعني تطويرك لجمالك .. مش عشان توصلي لمسطرة اتقالك عليها .. طوري جمالك لغاية ما تحسي انك وصلتي للشكل اللي يريحك انتِ .. مناسب عليكي انت !! في جروبات اللي بيحطوا صور قبل وبعد .. بنوتة حاطة صورة ليها وهى ٨٥ وبعدين صورة وهى ٦٩ .. بغض النظر ان اكيد صورة جسمها في ال٦٩ حلوة .. بس حقيقي وهى ٨٥ كان جسمها برضو حلو لانها طويلة .. هى مبسوطة بتغييرها .. وده شىء جميل ليها طبعا .. بس انا استوقفني معنى .. مش مطلوب انه يتعمم .. بس مطلوب انه يتواجد داخل كل ست .. وهى بتحقق حلمها في شكل يرضيها عن جسمها ونفسها .. في بنات مبيكونش الرفع اوي حلو عليهم .. وفي بنات مبيكونش التخن الchubby حلو عليهم .. فالموضوع مش مقياس عام بنقيس عليه .. كل جسم وله شكله المناسب ليه هو .. عشان كدة وانتي بتحققي التغيير مهم اوي تثبتي انك بتعملي ده مش عشان تعجبي !! وانه ميكونش حتى بتعمليه لنفسك بس عشان نفسك متأثرة بتعليقات الغير!! لانك هتلاقي ممكن حد يهد تعبك في التغيير ويقولك كنت احلى الاول عشان كل شخص بيبص حسب مفهومه للجمال .. فمش معقولة مطلوب من الست تناسب مفهوم كل البشر!! beauty is in the eye of the beholder فمتربطيش احساسك بجمالك برؤية الاخرين ليكي .. حبي نفسك دلوقت .. بشكلها كدة .. وساعتها بس هتقدري توصلي بيها لاحلى نسخة منك وكلام لينا احنا .. يا ريت نبطل تصدير تعليقات للناس على الوزن المثالي والشكل المثالي .. لان حقيقي الستات بدأت تقرب انها تكون نسخة متطابقة من بعض !! #البرفكت_ويت #كلك_على_بعض_حلو 😏 #بحبني

ليه بطلت أبقى موجودة؟ ١. بفكر كتير ... والتفكير محتاج مساحة عزلة . ٢. بشتغل كتير أوي عن الاول في الجلسات مع الناس فبقيت مزحومة جدا . ٣. في كل مرحلة في حياتي بيتم اختباري من ربنا عزوجل في كل كلمة بنصحكم بيها وبفضل الله وحده كلامي متسق مع حياتي الواقعية وده شىء بهتم بيه جدا فبيخليني تلقاءيا بشيل هم الكلمة . ٤. الطاقة السلبية بتسحب الهوا من رئتي اقسم بالله 😄 والستات قادرة تموتني من كتر اسلوبها الصعب في التعليقات هنا .. انا مش بتأثر شخصيا بس بزهق من الجدل ومن التوجيه والادارة... انا دماغ اوي ومش بحب المشاكل .. فده بيخليني كل شوية بقفل وبشيل هم اكتر ان لازم يبقى عندي وقت كافي انضف التعليقات وارد عليها عشان متأثرش ع الجو العام . ٥. بقيت بخاف جدا ان حد ياخد الكلام على نفسه.. انا شغلي كله ادارة مشاعر وعلاقات... كل كلمة محسوبة عليا من الدواير اللي بتعامل معاها شخصيا او في شغلي.. فاى الهام هيجيلي للكتابة الاقي في منه شبه لشىء اتحكى لي او مريت بيه بطلت اكتبه فده عمل لي بلوك كبير انا قبل ٢٠٢٠ كنت عايشة ف السعودية لوحدي بعيد عن المجتمع كنت بشتغل قليل اوي اوي فكان عندي مساحة كبيرة اتأمل واكتب بدون خشية تماما ان كلامي حد يتصور اني بكتب عنه لكن دلوقت اختلاطي بالناس يوميا وبقى شبه مستحيل فصل الالهام عن الواقع فبقيت مبكتبش غير قليل . الفيديوهات بتحتاج وقت ودماغ واخر سبب ان عندي tension headache دائم بيزيد في هجمات شديدة وعندي fogs بتصيب عقلي فجأة فممكن من كتر الصداع مقدرش حتى افكر بكسل والله افكر ومن خوفي من الfogs بتجنب الكلام.. لاني فجأة بحس بضباب وبنسى الكلمة اللي المفروض اقولها احسبه ابتلاء الحمد لله على كل شىء احب شىء الى قلبي كانت الالقاء والكتابة . فكله خير لكن انتوا على بالي وانا عارفة اني مقصرة . بس بقالي فترة بفكر ف ترتيب يخليني متواجدة بشكل مش ضاغط عليا ومناسب ليكو ويبقى مستمر . ومحتاجة برضو فريق متطوع نزود المشرفات عشان الاضافات وادارة التعليقات وترويق المواضيع وكده . بس شروط الالتحاق متكونش عندك اى طموح فيا كشخص 🙆🏼‍♀️😄 عشان انا مش بتواصل اصلا تماما على الخاص .. انا بظهر وقت وبكون ماليانة كلام وقرب وبختفي كتير.. عاملة زى المد والجزر.. فلازم يكون هدفك الاول والاخير ربنا وانه باب خير واثر كبير باذن الله.. والشرط التاني متكونيش عندك نية تبقي كوتش ولا ثيرابيست ودي خطوة للشهرة لاني كل اللي حواليا الناس بتثق فيهم تلقاءي من ثقتهم فيا وانا فعلا مش بثق في حد بسهولة بعد كل اللي مريت بيه في الكارير ده ع مدار ١١ سنة ياما معالجين اشتهروا من اكونتي عشان بس كنت بعلق ع تعليقهم مثلا عندي وانا معرفهمش اصلا كويس... واكتشف انه متحرشين والبنات تقولي وثقت فيه عشان حضرتك كنتي بتتناقشي معاه! اللي هو ايه الرعب ده انا مرمي على كتفي حمل تقيل وامانة غالية وانا معنديش دلوقت المساحة اني اتأكد من شغل حد ولا اتابع حد عشان اطمن لتصدره . فلو حد حابب يبقى ف الاشراف وموافق على الشرطين وانه ممنوع ينشر باسمه تماما النشر باكونت تشافي الاانوثة وممنوع يكلم ع الخاص كلام شخصي باسم ادمن الجروب واستغلال المكانة يبقى يا هلا ♥️😄 . بس كده وحشتوني والله ♥️ شكرا انكم موجودين رغم قلة تواجدي وشكرا على ثناءكم على الجروب لدرجة ان البنات بتدور تدخله كل يوم رغم سكوتي الطويل انتوا سبب كل الخير وبتاخدوا ثواب معايا كبير كتر خيركم يا طيبات ♥️

أي حساب مجهول الأسم الهويه غير مقبول الانضمام

السلام عليكم يا قمرات ياريت الحسابات المنضمه تكون بأسم أنثى ميكونشي حسابك بأسم اخوكي ولا ابنك أو رمز كله ده مرفوض طلبه

. رفيو بعض حاضرات الخمس سنين اللي فاتوا https://m.facebook.com/story.php?story_fbid=10157144261985918&id=582470917 ريفيو عن بحبني https://www.facebook.com/596411815/posts/10156689791351816/ نظرة من داخل الكورس ال on ground https://www.facebook.com/reham.h.helmy/videos/10156790958655918/ https://www.facebook.com/reham.h.helmy/videos/10156793446830918/ https://www.facebook.com/582470917/posts/10156750329630918/ . رفيو ف الكومنتات لمجموعة اتخرجت https://m.facebook.com/story.php?story_fbid=10157535143625918&id=582470917 . وريفيو لمجموعة اتخرجت برضو .. https://m.facebook.com/story.php?story_fbid=10157810670940918&id=582470917 الكورس بيتكلم عن ايه؟ https://www.facebook.com/reham.h.helmy/videos/10157117097395918/ https://www.facebook.com/CoachRehamHelmy/videos/766106840191603/ دوسي ع الهاشتاج تعرفي أكتر عنه #كورس_بحبني