ហាក់ គីមថុង-Kimthong Hak

8យ៉ាងដែលអ្នកមិនត្រូវបង្ហោះលើFacebook ដើម្បីរក្សាកេរ្តិ៍ឈ្មោះខ្លួនឯងឲ្យបានល្អ!

តែមួយប៉ប្រិចភ្នែក 10ឆ្នាំកន្លឹងផុតទៅ! ថ្ងៃនេះ10ឆ្នាំមុន នៅលើឆាកតំណាងឲ្យនិស្សិតទាំងអស់ ឡើងថ្លែងពាក្យពេចន៍ក្នុងថ្ងៃបិទបញ្ចប់ថ្នាក់អនុបណ្ឌិត ដោយក្នុងចិត្តពោរពេញដោយក្តីសង្ឃឹម ជំនឿជាក់ ភាពវិជ្ជមាន និងចង់ក្លាយជាចំណែកមួយនៃការផ្លាស់ប្តូរប្រកបដោយភាពរីកចម្រើនពេលចូលប្រឡូកក្នុងជីវតជាក់ស្តែង។ ពេលវេលាផ្លាស់ប្តូរ តែចិត្តគំនិតនៅតែមិនផ្លាស់ប្តូរ៖ ❤️ ធ្វើអ្វីឲ្យអស់ពីបេះដូង និងធ្វើអស់ពីលទ្ធភាព ❤️ គិតវិជ្ជមាន មើលលើជ្រុងវិជ្ជមាន ក្នុងស្ថានការណ៍ណាក៏ដោយ តែត្រូវឈរលើការវិភាគ និងតក្ក ❤️ ធ្វើជាចំណែកសំខាន់មួយដើម្បីភាពរីកចម្រើន ធ្វើជាអ្នកនាំការផ្លាស់ប្តូរបែបវិជ្ជមាន ❤️ ភាពធន់ គឺជាចំណែកសំខាន់ក្នុងការដើរទៅមុខឥតឈប់ឈរ ហើយអរគុណបទពិសោធន៍ក្នុងសាកលវិទ្យាល័យទាំងនៅទួរគី និងប្រទេសចិន ដែលបានបំពាក់បំប៉នលក្ខណៈសម្បត្តិមួយនេះ ❤️ បើកចំហរ បើកស្តាប់ ដើម្បីទទួលបានគំនិតល្អៗ និងការអភិវឌ្ឍមិនថាពីក្មេងចាស់ប្រុសស្រី ឋានៈណា ឬជំនាញណាក៏ដោយ ❤️ អភិវឌ្ឍជាប់ជានិច្ច មិនថាជំនាញផ្នែកទន់ដូចជាផ្នត់គំនិត និងទំនាក់ទំនង ក៏ដូចជាជំនាញវិជ្ជាជីវៈ វិទ្យាសាស្ត្រ និងបច្ចេកវិទ្យា ❤️ ធ្វើជាអ្នកដឹកនាំដែលចង់ឃើញអ្នកជំុវិញមានការរីកចម្រើន និងភាពជោគជ័យ។ ប្រាកដណាស់ 10ឆ្នាំកន្លងទៅបន្ទាប់ពីបញ្ចប់ការសិក្សា ហើយជាង៣០ឆ្នាំនៃជីវិតមិនមែនជារឿងងាយស្រួល តែវាគឺជាហ្គេមជីវិត។ គ្រប់គ្នាប្រាកដជាមិនចង់លេងវគ្គដដែលៗនោះទេ ហើយពេលដែលចូលវគ្គថ្មី អ្វីៗរៀងពិបាកបន្តិច តែនៅពេលដែលយើងព្យាយាម ខិតខំ និងប្រើប្រាស់គ្រប់វិធីសាស្ត្រ ប្រាកដណាស់យើងនឹងអាចឆ្លងផុតវគ្គនោះ។ ពេលកំពុងរៀនគិតថាពិបាក រៀនចំរិតតែពិបាក តែប្រសិនបើយើងចេះរីករាយនូវអ្វីដែលយើងកំពុងមាន រស់ពោពេញដោយក្តីសង្ឃឹម រស់ពោរពេញដោយភាពជឿជាក់ រស់ពោរពេញដោយគោលដៅ ពីមួយថ្ងៃទៅមួយថ្ងៃ ពិតជាមានន័យណាស់! 1០ឆ្នាំក្រោយ ខ្ញុំជឿជាក់ថា ខ្ញុំនឹងនៅតែបន្តបេសកកម្មនេះ អាចចូលរួមចំណែកកាន់តែច្រើន អាចធ្វើរឿងកាន់តែច្រើន!

"If you're not part of the solution, you're part of the problem." - Eldridge Cleaver ប្រសិនបើអ្នកមិនមែនជាចំណែកនៃដំណោះស្រាយនោះទេ អ្នកគឺជាចំណែកនៃបញ្ហា" Eldridge Clever ធ្វើជាប្រភពនៃដំណោះស្រាយ ធ្វើជាប្រភពនៃថាមពលក្រុម ធ្វើជាគំរូល្អ ធ្វើជាអ្នកដឹកនាំដើម្បីសម្រេចកិច្ចការរួម នោះអនាគតនឹងត្រចះត្រចង់