НВК САХА

Балаҕан ыйын 20 күнүгэр -8°С кыраадыска диэри тымныйара күүтүллэр Күнү-дьылы кэтээн көрөөччүлэр сабаҕалыылларынан соҕуруу, арҕаа уонна хотугулуу-илин сорох сиринэн кыралаан ардыыра күүтүллэр. Салгын температурата түүнүн -3+2°С, сарсыарданан -3-8°С, соҕуруулуу-арҕаа 0+5°С. @nvk_sakha

Бастакы 13 тыһыынча ыал Россия ийэ хапытаалын ордугун ылбыт Россия социальнай пуондата 10 тыһ. солкуобайтан намыһах суумалаах ийэ хапытаалын ордугун бастакы ыалларга ыыппыт. @nvk_sakha

Дьокуускай 64-с кыбаарталыгар чинчийии үлэтэ түмүктэнэн эрэр. @nvk_sakha

Дьокуускайдааҕы 8-с №-дээх классическай гимназия история уонна обществознание учуутала «Учитель года России - 2024» куонкуруска кыттыаҕа Павел Гоголев - "Учитель года - 2023" куонкурус муниципальнай, итиэннэ өрөспүүбүлүкэтээҕи таһымын муҥутуур кыайыылааҕа. "Учуутал идэтин баһылыыр баҕа санаа оскуола саҕаттан баара. Чурапчы Алаҕарыгар үөрэнэ сылдьан оскуола олоҕор көхтөөхтүк кыттарым. Салгыы М.К.Аммосов аатынан ХИФУ историческай факультетыгар чиҥ билиини ылбытым. Устудьуоннуур сылларбар култуурунай тэрээһиннэргэ, билим эйгэтигэр кыттарым кэлин улахан олук буолбута",-диэн иһитиннэриигэ этиллэр. «Учитель года России» куонкурус түмүктүүр түһүмэҕэ балаҕан ыйын 21-29 күннэригэр Саратовскай уобаласка, иккиһэ алтынньы 1-5 күннэригэр Подмосковьеҕа буолуохтаах. Манна бэйэлэрин регионнарыгар кыайыылаах 90 учуутал кыттыыны ылыаҕа. @nvk_sakha

Агротехнологическай университет устудьуоннара уонна уһуйааччылара СВО байыастарыгар чыыр балыгы тууһаан ыытыахтара. @nvk_sakha

⏺Хаҥалас улууһугар «Хачыкаат» тыа хаһаайыстыбатын производственнай кээпэрэтиибигэр быйыл сайын курааннаан уонна күһүҥҥү өттүгэр ардах тохтообокко түһэн, туораахтаах култуура хомуйуута атахтанна. Сиһилии кэлэр сюжекка көрүҥ. @nvk_sakha

40-тэн тахса СВО кыттыылааҕа уонна дьиэ кэргэнэ дьиэҕэ күөх төлөнү киллэриигэ көмөнөн туһанна Манна киирэр: гаас турбатын дьиэҕэ диэри босхо тардыы, олорор дьиэҕэ гааһы киллэрии, гаас хочуолун, билиитэтин, счетчигын, радиатордары, тимир уонна пластик турбаны атыылаһыы, итиэннэ ититии систиэмэтин оҥоруу, оборудованиены туруоруу. @nvk_sakha

✅Ил Дархаҥҥа Норуоттар икки ардыларынааҕы сэлии киинин концепциятын көрдөрдүлэр Сэрэдэҕэ, балаҕан ыйын 18 күнүгэр, билимҥэ, үрдүк үөрэххэ уонна научнай-технологическай бэлиитикэҕэ Сэбиэт мунньаҕар Ил Дархан Айсен Николаевка Норуоттар икки ардыларынааҕы сэлии киинин концепциятын көрдөрдүлэр. Дьокуускай куоракка сэлии научнай чинчийиилэригэр аныгы аан дойду таһымнаах киини арыйары былаанныыллар. Манна криохранилище, научнай-лабораторнай корпус, «Парк ледникового периода» научнай-чинчийэр полигон, кэтээн көрүү ыстаансыйата, түмэл-оҥорон таһаарар комплекс баар буолуоҕа. Ил Дархан концепцияҕа сөбүлэҥин биэрдэ, ол эрээри бэйэтин этиилэрин киллэрдэ. Саҥа киин научнай кытары, туристическай эбийиэк буолуохтааҕын бэлиэтээтэ. Сиһилии: https://nvk-online.ru/new/il-darha-a-noruottar-ikki-ardylarynaa-y-selii-kiinin-kontseptsiyatyn-k-rd-rd-ler/ @nvk_sakha

⭐️Дьокуускайга «Юнармия» патриотическай сүлүөт арылынна Бүгүн, балаҕан ыйын 19 күнүгэр, Дьокуускай куоракка «Юнармия» бүтүн Россиятааҕы оҕо хамсааһынын өрөспүүбүлүкэтээҕи байыаннай-патриотическай сүлүөтүн үөрүүлээх арыллыыта буолла. Кадетскай оскуола-интернакка улуустартан, киин куорат уокуруктарыттан 14 хамаанда муһунна. СӨ ыччат дьыалатыгар уонна социальнай коммуникацияларга миниистирин бастакы солбуйааччыта Надежда Мохначевская кыттааччылары эҕэрдэлээн туран, өрөспүүбүлүкэҕэ патриотическай хамсааһын тэтимнээхтик сайдан иһэрин бэлиэтээтэ.

✏️«Эйгэ»: Маҥнайгы кылааска киирбит оҕолоох төрөппүттэргэ сүбэ (19.09.24) - Икки оҕолоох Коркиннар дьиэ кэргэн - Элбэх оҕолоох Габышевтар дьиэ кэргэн - Педагог-психолог уонна учуутал төрөппүттэргэ сүбэлэрэ 📱 Биэриини НВК «Саха» Youtube ханаалыгар көрүҥ. @nvk_sakha