Юрист Хизмати | Расмий канал

«Халқ таълими аълочиси» кўкрак нишони учун қандай имтиёз ва пул мукофотлар бор? @Yurist_Xizmati 4207-савол: Assalomu Aleykum, Xalq ta'limi a'lochisining qanday imtiyozlari yoki pul mukofotlari mavjud? ЮРИСТ ЖАВОБИ: Ҳурматли фуқаро амалдаги қонунчиликка мувофиқ, Халқ таълими аълочиси кўкрак нишони учун алоҳида мукофотлаш тартиби белгиланмаган. Шунинг учун сизга айнан кўкрак нишони учун махсус мукофот берилмайди. Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомда белгиланган баҳолаш мезонлари қаторида Халқ таълими аълочиси кўкрак нишонини олганлик ҳақида қоида мавжуд эмас. ❌ Шунинг учун «Халқ таълими аълочиси» кўкрак нишони учун устама берилмайди. 📩 Юристга савол юбориш ☎️ Қўнғироқ орқали юрист билан ҳозироқ онлайн боғланиш 📚Барча турдаги ҳужжатларга буюртма бериш Каналимизга уланинг                 👇👇 👉 @Yurist_Xizmati‌‌

Ayrim soliq imtiyozlari bekor qilinmoqda “Oʻzbekiston Respublikasi Prezidentining soliq va bojxona imtiyozlarini berishni nazarda tutuvchi ayrim hujjatlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi Prezident Farmoni qabul qilindi. 👉PF-140-son, 18.09.2024-yil Unga koʻra, 2025-yil 1-yanvardan boshlab: 🔁 yil davomida berilgan soliq imtiyozlari keyingi yildan kuchga kiradi; Bugungi kunda soliq toʻlovchilar soliqlar boʻyicha imtiyozlardan tegishli huquqiy asoslar yuzaga kelgan paytdan eʻtiboran ularning butun amal qilish davri mobaynida foydalanish huquqiga ega. 👉Soliq kodeksining 75-moddasi ❌ QQS boʻyicha imtiyozlar bekor qilinadi: ▫️ yoʻlovchilarni yagona tariflar boʻyicha tashish xizmatlarini koʻrsatish aylanmasi  uchun; ▫️nogironligi boʻlgan shaxslarning jamoat birlashmalari yagona ishtirokchisi hisoblangan yuridik shaxslar tomonidan realizatsiya qilinadigan tovarlar va xizmatlar uchun; ❌yangi barpo etilayotgan bogʻlar, tokzorlar va tutzorlar egallagan yerlar uchun yuridik shaxslardan olinadigan yer soligʻi boʻyicha imtiyozlar bekor qilinadi. Shu bilan birga, mazkur yer uchastkalariga soliq stavkasi 50 foizga kamaytiriladi; ❌ 2018-yil 29-noyabrdagi PF-5587-son Farmon oʻz kuchini yoʻqotgan deb eʼtirof etilib, eksportchilar va reeksportchilar uchun foyda soligʻi va aylanmadan olinadigan soliq boʻyicha berilgan imtiyozlar bekor qilindi. ❌ “Hyatt” kompaniyalar guruhi uchun foyda soligʻi boʻyicha imtiyozlar ham bekor qilindi. 2029-yil 1-yanvarga qadar  yuridik va jismoniy shaxslarning kripto-aktivlar aylanmasi bilan bogʻliq operatsiyalari, jumladan, norezidentlar tomonidan amalga oshiriladigan operatsiyalar soliq solinadigan obyekt hisoblanmaydi, mazkur operatsiyalar yuzasidan olingan daromadlar esa soliqlar va boshqa majburiy toʻlovlar boʻyicha soliq solinadigan bazaga kiritilmaydi. Ilgari ushbu normaning amal qilish muddati koʻrsatilmagan edi. Shuningdek, xalqaro moliya institutlari va xorijiy davlat moliya tashkilotlaridan jalb qilingan va jalb qilinadigan davlat tashqi qarzi hisobidan toʻliq yoki qisman amalga oshirilayotgan hamda QQS boʻyicha imtiyozlar qoʻllaniladigan infratuzilma loyihalari roʻyxatiga aniqlashtiruvchi oʻzgarishlar kiritildi. Xususan, bunday loyihalarga elektr energiyasi, gaz va issiqlik taʻminoti, suv taʻminoti va kanalizatsiya, suv xoʻjaligi, yoʻl-transport infratuzilmasi, aloqa va telekommunikatsiyalar, agrotexnika, sanitariya-tozalash, qattiq maishiy chiqindilarni boshqarish kabi loyihalar kirishi belgilandi. Maʻlumot uchun. Bugungi kunga qadar qonun hujjatlarida yuqorida koʻrsatilgan imtiyozlar qoʻllaniladigan infratuzilma loyihalarining aniq roʻyxati belgilanmagan. 👉 Soliq kodeksi 45-qism 483-modda Soliq kodeksiga oʻzgartish va qoʻshimchalar kiritish toʻgʻrisidagi Qonun loyihasini ishlab chiqish nazarda tutilgan boʻlib, ushbu qonun qabul qilinganidan keyin yuqoridagi normalar qoʻllaniladi.

❗️Ҳомиладор ва 3 ёшгача боласи бор ходимлар қисқартиришга тушмайди @Yurist_Xizmati 4695-савол: Assalomu alaykum kecha maktab labarantlariga shtat tugatilganligi haqida deriktormiz buyruq koʻrsatdi menga dekretga chiq deb aytdi boʻlmasa sokrawena kelsa dekret puling toʻlanmaydi deb aytdi lekin meni hali dekretga chiqish vaqtim kelgani yoʻq agar sokrawena kelgancha ishlab yursam haqiqatdan ham dekret puli chiqmaydimi keyin bizga 2oylik kampintatsa toʻlab beriladimi rahmat javobingiz uchun Yuqorida yozgan savollarimga javob bering iltimos. Dekretga chiqganimdan keyin menga labarantlik boʻyicha 2 oylik kampintatsa toʻlab beriladimi? Dekretga chiqmasam sakrawena kelsa dekret puli toʻlanmaydimi labarantlik boʻyicha ЮРИСТ ЖАВОБИ: ✅ Ҳомиладор бўлсангиз ҳеч нимадан қўрманг, сиз сокрашенияга тушмайсиз. Директор сизни ишдан бўшата олмайди. Меҳнат кодексининг 163-моддасига кўра ҳомиладор аёллар (ушбу Кодекс 408-моддаси) ва уч ёшгача боласи бўлган ходимлар (ушбу Кодекс 409-моддаси) учун кафолатлар беришни назарда тутадиган талабларга риоя қилмасдан иш берувчининг ташаббусига кўра бекор қилиш тақиқланади. ✅ Мана шу қоидага кўра ҳомиладор бўлганингиз сабабли, сиз билан тузилган меҳнат шартномасини иш берувчи ўз ташаббуси билан бекор қила олмайди. ❗️Агар сиз ўзингиз ариза ёзмасангиз, бошқа усул билан сизни ишдан бўшатиш мумкин бўлмайди. Декрет масаласига келсак, сиз ҳомиладорлик ва туғиш таътили ҳамда унинг учун нафақа оласиз. Меҳнат кодексининг 404-моддасига биноан аёлга туғруққача етмиш календар кун ҳамда туғруқдан кейин эллик олти календар кун (туғиш қийин кечган ёхуд икки ёки ундан ортиқ бола туғилган тақдирда етмиш календар кун) ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг етмиш беш фоизидан кам бўлмаган миқдорда нафақа тўланади. Қаранг! Меҳнатга лаёқатсизлик варақаларини бериш тартиби тўғрисидаги йўриқноманинг (рўйхат рақами 2667, 17.04.2015-й.) 28-бандига кўра ҳомиладорликнинг ўттизинчи ҳафтасидан кейин мурожаат қилинганда туғишга қадар неча кун қолганидан қатъи назар, меҳнатга лаёқатсизлик варақаси мурожаат қилган кундан тўлиқ бир юз йигирма олти календарь кунига берилади. ❗️Бу ҳолатда сизга туман адлия бўлимига мурожаат қилишни тавсия қиламиз. Мазкур орган орқали сиз юқоридаги ҳуқуқларингизни амалга оширишингиз мумкин.

Маҳалла ходимларининг мактаб ишларига аралашишга ҳаққи борми? @Yurist_Xizmati 4694-савол: Assolomu alaykum savolim shuki. Man mahalla raisiman man  mahalla xotin qizlar faoli yoshlar yetakchisi va  boshqa mahalla xodimlari bilan birgalikda mahalladagi maktabda dars sifatini tekshirjak bo‘lsak maktab direktori bizga maktab ishlariga aralashishga sizning qonuniy haqqingiz yo‘q sizning ustingizdan tuman prokraturasiga murojat qilaman sizlarni sudga baraman deyabdi aytingchi mahalla xodimlari maktabda dars sifatini tekshirishga qonunan haqqi yo‘qmi? ЮРИСТ ЖАВОБИ: ❌ Сизнинг ҳам, хотин-қизларнинг ҳам, ёшлар етакчисининг ҳам мактаб ишларига аралашишга, уларнинг фаолиятини назорат қилишга ҳеч қандай ҳуқуқингиз, ҳаққингиз йўқ. Вазирлар Маҳкамасининг 2019-йил 25-апрелдаги 352-сон қарори билан тасдиқланган "Умумтаълим муассасалари фаолиятини текшириш тартиби тўғрисида"ги Низом 6-бандида умумтаълим мактабларини текшириш, назорат қилиш асослари ва тартиби белгиланган бўлиб, улар қаторида фуқароларнинг ўзини ўзи бошқариш органи ҳамда унинг текшириш асослари белгиланмаган. Ундан ташқари “Фуқароларнинг ўзини ўзи бошқариш органлари тўғрисида”ги қонун 11-моддасида фуқаролар йиғинининг ваколатлари белгиланган бўлиб, улар қаторида мактаблар фаолиятини, ундаги таълим сифатини назорат қилиш ваколати мавжуд эмас. Шуни ҳам эсдан чиқармаслик керакки, Маъмурий жавогарлик тўғрисдаги кодекснинг 197-5-моддасига мувофиқ таълим муассасаси педагог ходимининг касбий фаолиятига таълим олувчилар билимини тўғри ва холис баҳолашига таъсир кўрсатиш билан ифодаланган тарзда қонунга хилоф равишда аралашиш ёки таълим муассасаси педагог ходимининг хизмат вазифаларини бажаришига тўсқинлик қилиш: •  фуқароларга базавий ҳисоблаш миқдорининг беш бараваридан етти бараваригача; • мансабдор шахсларга эса — етти бараваридан ўн бараваригача миқдорда жарима солишга сабаб бўлади. ❗️Сиздаги ҳолат мактаб раҳбари сизларнинг ҳаракатларингиз устидан прокуратурага ёки ИИБга шикоят қилса, сизларга юқоридаги норма билан жавобгарлик чораси қўлланилиши мумкин.

Эшак гўштини истеъмол қилинадиган гўшт тоифасига киритиш назарда тутилмаган Қонунчилик палатаси Спикери ўринбосари Одилжон Тожиевнинг маълум қилишича, қонун лойиҳасида эшак гўштини истеъмол учун ишлатиладиган гўшт тоифасига киритиш назарда тутилмаган. Бу қонун “гўшт истеъмоли” ҳақида эмас, балки ҳайвонларни идентификация қилиш, рўйхатга олиш, кузатиш муносабатларини тартибга солади. Матбуот хабарномасидаги таҳририй хато туфайли тушунмовчилик келиб чиққан. @Advokat_Abdullayev

Сиртқи таълимда ўқиб олий маълумотли бўлинг! Халқаро Нордик университети Ўзбекистон ва Финландия ташқи ишлар вазирлиги кўмагида очилган.

Университетда дарслар онлайн ва офлайн Hemis платформаси ва Zoom орқали олиб борилади.

1. Мактабгача таълим - 11млн сўм 2. Психология - 11 млн сўм 3. Иқтисодиёт - 12 млн сўм 4. Молия - 12 млн сўм 5. Kompyuter injiniringi - 12 млн сўм 6. Тарих - 12 млн сўм 7. Журналистика - грант асосида 5 йил стаж билан: 1. Бошланғич таълим - 11млн сўм 2. Мусиқа таълими - 12 млн сўм 📥 Онлайн ҳужжат топшириш: https://qabul.nordicuniversity.org 📌19 та бакалавриат 📌13 та магистратура 📌6 та Phd Ўқишни кўчириш истагидагилар:🔻 👉transfer.nordicuniversity.org 📄 Лицензия (№051207, 01.12.2022-y) Қўшимча маълумот олиш учун: 📞 +998555084400 / @nordic_chat_bot Телеграм канал: https://t.me/+qMYo5j5OqgxhYzJi

Қўшни давлатларда носоғлом хабарлар чиқса ҳайрон қолардик, мана ўзимизда ҳам бошланди ақлга сиғмайдиган янгиликлар. Мусулмонлар яшайдиган бу юртда бундай хабарни чиқиши тўғриси кўнгилни жуда хира қилди. 👉 @Yurist_Xizmati

Харом-хариш аралашиб кетди. Бу миллат динимиз рухсат берган фақат тоза-пок маҳсулот ейишга ҳаракат қилади. Ўқиб хайрон қолдик, бир неча бор қайта-қайта ўқиб кўрдим тўғри ўқияпманми деб😒

Пенсияни қайта ҳисоблатиш имкони борми? @Yurist_Xizmati 4693-савол: Ассалому алейкум онам пенсияси кам стаж 42 йил лекин катта стажга карамасдан энг кичкина ойликдан пенсия тайинлашди пенсияни кайта куриб чикиб имкони борми? ЮРИСТ ЖАВОБИ: Фуқароларнинг давлат пенсия таъминоти тўғрисидаги қонун 49-моддасига мувофиқ Пенсияларни қайта ҳисоблаш:

➖ пенсионер пенсия миқдорига таъсир кўрсатувчи (пенсия тайинланишигача бўлган иш стажи ва иш ҳақи тўғрисидаги ҳамда бошқа) қўшимча ҳужжатларни тақдим этган тақдирда; ➖ ногиронлик гуруҳи ўзгарганда; ➖ боқувчисини йўқотганлик пенсияси оладиган оила аъзолари сони ўзгарганда; ➖ пенсияни ҳисоблашнинг базавий миқдорлари ўзгарган тақдирда; ➖ ёшга доир энг кам пенсия миқдори ўзгарганда; ➖ даромадлар индексация қилинган тақдирда амалга оширилади.

Бунда пенсия миқдори йил давомида товарлар ва хизматларнинг истеъмол нархлари (тарифлари) индекси (инфлация) даражасининг ўсиш суръатлари ҳисобга олинган ҳолда, Ўзбекистон Республикаси Президентининг ҳужжатларига асосан индексация қилинади (оширилади). ✅ Шунга кўра, сиздаги ҳолатда юқоридаги асослардан бири мавжуд  бўлса, пенсияни қайта ҳисоблаш бўйича ҳудудий пенсия жамғармасига мурожаат қилишингиз мумкин.

Бошланғич синф ўқитувчилари жисмоний тарбия фанини ўтишга ҳақлими? @Yurist_Xizmati 4692-савол: Assalomu alaykum! Men maktabda Jismoniy tarbiya fanidan dars beraman bu yil menga boshlang'ich sinfdan dars berilmadi. Savolim boshlang'ich sinf Ustozlari jismoniy tarbiya fanini o'tishi mumkinmi? ЮРИСТ ЖАВОБИ: Гап бошланғич синфлардаги жисмоний тарбия фани ҳақида кетаётган бўлса, унда ўқитувчилар ҳақли. Халқ таълими вазирлигининг 2020 йил 10 август кунидаги 03-02/01-1807-сонли кўрсатмасида умумий ўрта таълим муассасаларининг бошланғич синф ўқитувчиси дипломида “Бошланғич таълим ва спорт-тарбиявий иш” ихтисослиги берилган булса, улар умумий ўрта таълим муассасаларининг бошланғич синфларида “она тили”, “ўқиш”, “тарбия”, “математика”, “атрофимиздаги олам”, “табиатшунослик”, “тасвирий санъат”, “технология”, “жисмоний тарбия” фанларидан дарс бериши мумкин. ☝️Юқорида бошланғич синф ўқитувчиси дарс бериши мумкин бўлган фанлар рўйхати аниқ келтирилган. ✅ Айнан мана шу қоидага кўра бошланғич синфлардаги жисмоний тарбия фани бошланғич синф ўқитувчиси томонидан ўтилади. Бунда “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом (рўйхат рақами № 3271) қоидаларига кўра, жисмоний тарбия дарси бошланғич синф ўқитувчисига тариф асосида берилади.