CE SAIN Cambodia

[កសិករដើម្បីកសិករ លើគម្រោង«អ្នកដឹកនាំកសិកម្មនៅថ្ងៃអនាគត»] កាលពីថ្ងៃទី១៩ ដល់ថ្ងៃទី៣០ ខែសីហា ឆ្នាំ២០២៤ ក្រោមការសម្របសម្រួលរបស់ កម្មវិធីកសិករដើម្បីកសិករ លើគម្រោង «អ្នកដឹកនាំកសិកម្មនៅថ្ងៃអនាគត» ដែលអនុវត្តដោយមជ្ឈមណ្ឌលឧត្តមភាពស៊ីសេន នៃមហាវិទ្យាល័យអប់រំនិងសារគមនាគមន៍កសិកម្ម លោក Clawson Arthur Emory ជាអ្នកស័្មគ្រចិត្តជនជាតិអាមេរិករបស់គម្រោង បានផ្តល់ជំនួយបច្ចេកទេសទៅកាន់បុគ្គលិកការិយាល័យបច្ចេកទេសកសិកម្មនៃមជ្ឈមណ្ឌលឧត្ដមភាពស៊ីសេនដើម្បីកសាងសមត្ថភាពរបស់ពួកគាត់ទាក់ទងនឹង «ការអភិវឌ្ឍកម្មវិធីបណ្ដុះបណ្ដាលទៅលើកសិធុរៈកិច្ច»។ បន្ទាប់ពីទទួលបានជំនួយបច្ចេកទេសនេះ មន្រ្តីអភិវឌ្ឍកសិធុរៈកិច្ចនៃមជ្ឈមណ្ឌលឧត្តមភាពសុីសេន បានផលិតពង្រាងឯកសារបណ្ដុះបណ្ដាលស្ដីពីកសិធុរៈកិច្ច និងជាពិសេសគឺបានផ្ដល់វគ្គបណ្ដុះបណ្ដាលសាកល្បង ទៅដល់សិស្សានុសិស្សនៅវិទ្យាល័យរស្មីសោភ័ណ ចំនួន៣០នាក់ក្រោមប្រធានបទ «ទីផ្សារចម្រុះសម្រាប់កសិធុរៈកិច្ច»។ #F2FALOFT #ALOFT #FarmertoFarmer #F2F ======= 👉👉Website | Facebook | Telegram | YouTube| Twitter | Instagram

[សកម្មភាពរបស់គម្រោងខាស់នៃមជ្ឈមណ្ឌលឧត្តមភាពស៊ីសេន] ក្រុមការងាររបស់គម្រោងខាស់នៃមជ្ឈមណ្ឌលឧត្តមភាពស៊ីសេន របស់មហាវិទ្យាល័យអប់រំនិងសារគមនាគមន៍កសិកម្ម បានអនុវត្តបច្ចេកទេសរែងកូនត្រីដោយប្រើឧបករណ៍រែងថ្មីដែលបង្កើតឡើងដោយក្រុមប្រឹក្សាបច្ចេកទេសវាវីវប្បកម្មរបស់គម្រោងខាស់។ ក្រុមការងារបានធ្វើការរែងកូនត្រីទីឡាព្យាក្រហមទៅតាមទំហំនីមួយៗ នៅទីតាំងស្រះបង្ហាញនៃកសិដ្ឋានស្រាវជ្រាវ និងបណ្តុះបណ្តាលរបស់សាកលវិទ្យាល័យជាតិបាត់ដំបង។ ការរែងកូនត្រីជាសកម្មភាពសំខាន់មួយនៅក្នុងវារីវប្បកម្ម ពីព្រោះវាអាចធ្វើឱ្យការផ្តល់ចំណីមានភាពត្រឹមត្រូវ កាត់បន្ថយត្រីងាប់ដោយសារត្រីស៊ីគ្នា (ចំពោះប្រភេទត្រីស៊ីសាច់) និងជួយដល់ការលូតលាស់របស់ត្រីបានស្នើៗគ្នាល្អ។ គម្រោងខាស់ដែលសម្របសម្រួលដោយមជ្ឈមណ្ឌលឧត្តមភាពសុីសេន គឺជាគម្រោងមួយដែលទទួលបានការគាំទ្រហិរញ្ញវត្ថុពីក្រសួងកសិកម្មសហរដ្ឋអាមេរិក (USDA ) និងមានគោលដៅរួមដើម្បីពន្លឿនការលូតលាស់ និងការអភិវឌ្ឍវិស័យវារីវប្បកម្មទឹកសាបនៅកម្ពុជា។ 🌊🐟 #CESAINProject #CESAIN ======= 👉👉Website | Facebook | Telegram | YouTube| Twitter | Instagram

[ចូលរួមអប់អរសាទរដល់ក្រុមការងារមហាវិទ្យាល័យលើការបោះពុម្ពផ្សាយអត្ថបទស្រាវជ្រាវ] ក្រុមកងារមហាវិទ្យាល័យអប់រំនិងសារគមនាគមន៍ នៃសាកលវិទ្យាល័យភូមិន្ទកសិកម្ម រួមមាន បណ្ឌិត ហុក លីដា និង លោក ម៉ែន ពន្លក ដែលជានិស្សិតស្រាវជ្រាវថ្នាក់បណ្ឌិតវិទ្យាសាស្រ្តកសិកម្ម ជំនាញ ផ្សព្វផ្សាយនិងសារគមនាគមន៍កសិកម្ម (Agricultural Extension and Communication) កំពុងសិក្សានៅ Kasetsart University ប្រទេសថៃ តាមរយៈកម្មវិធីអាហារូបករណ៍ Joint RUA/CE SAIN-SEARCA Graduate Scholarship ទទួលបានជោគជ័យក្នុងការបោះពុម្ពអត្ថបទស្រាវជ្រាវ Assessment of influencing factors and mechanisms to engage the private sector in promoting conservation agriculture production systems in Cambodia នៅក្នុងទស្សនាវដ្តីស្រាវជ្រាវ International Journal of Agricultural Sustainability។ សូមចូលទៅកាន់តំណភ្ជាប់នេះដើម្បីទាញយកអត្ថបទស្រាវជ្រាវ https://shorturl.at/O4c0A -------- សម្រាប់ព័ត៌មានលម្អិតបន្ថែម៖ លេខទូរស័ព្ទ៖ ០១២ ៧៨៧ ៦៨៨ | ០៩៨ ៧៨៧ ៦៨៨ សារអេឡិចត្រូនិច៖ [email protected] តេឡេក្រាម៖ ០១២ ៧៨៧ ៦៨៨ បណ្តាញក្រុមតេឡេក្រាម៖ https://t.me/rua_aec ហ្វេសប៊ុក៖ https://facebook.com/rua.aec

📣[ឱកាសហាត់ការជាមួយគ្រួសារស៊ីសេន] មជ្ឈមណ្ឌលឧត្តមភាពស៊ីសេន នៃមហាវិទ្យាល័យអប់រំនិងសារគមនាគមន៍កសិកម្ម កំពុងស្វែងរកបេក្ខជនអ្នកហាត់ការកសិកម្មចំនួន ០២រូប ស្ថិតក្នុងខេត្តកំពង់ធំ 👉អ្នកមានចំណាប់អារម្មណ៍ សូមផ្ញើប្រវត្តិរូបសង្ខេប និងលិខិតចំណាប់អារម្មណ៍ ទៅកាន់ [email protected] 📎ព័ត៌មានបន្ថែម៖ https://bit.ly/3B8ucEm ❗️ផុតកំណត់ ថ្ងៃទី៣០ ខែកញ្ញា ឆ្នាំ២០២៤ ======= 👉👉Website | Facebook | Telegram | YouTube| Twitter | Instagram

[ដំណើរទស្សនកិច្ចរបស់អង្គការបាយ័ន អប់រំ និង អភិវឌ្ឍន៍] កាលពីថ្ងៃទី៣០ ខែសីហា ឆ្នាំ២០២៤ មជ្ឈមណ្ឌលឧត្តមភាពស៊ីសេន នៃមហាវិទ្យាល័យអប់រំនិងសារគមនាគមន៍កសិកម្ម បានទទួលដំណើរទស្សនកិច្ចសិក្សារបស់អង្គការបាយ័ន អប់រំ និង អភិវឌ្ឍន៍ ដែលមានទីតាំងស្ថិតក្នុងខេត្តសៀមរាបមកកាន់សួនបច្ចេកវិទ្យាកសិកម្មនៃមជ្ឈមណ្ឌលឧត្តមភាពសុីសេនស្ថិតក្នុងរាជធានីភ្នំពេញ។ គោលបំណងនៃដំណើរទស្សនកិច្ចនេះគឺដើម្បីបង្ហាញពីការអនុវត្តសកម្មភាពរបស់សួនបច្ចេកវិទ្យាកសិកម្ម និងគម្រោង «កសិអេកូឡូស៊ីចម្រុះ៖ ការសិក្សា ការសង្កេត និងការអនុវត្ត» នៃមជ្ឈមណ្ឌលឧត្តមភាពស៊ីសេន សម្រាប់ជាកិច្ចសហការណ៍នៅថ្ងៃខាងមុខ។ នេះជាផ្នែកមួយនៃកម្មវិធីរបស់មជ្ឈមណ្ឌលឧត្តមភាពស៊ីសេនដែលផ្ដោតទៅលើការផ្លាស់ប្ដូរចំណេះដឹង និងភ្ជាប់ទំនាក់ទំនង ដែលជាឱកាសក្នុងការផ្លាស់ប្ដូរព័ត៌មាន និងចំណេះដឹង ទៅលើនវានុវត្តន៍កសិកម្ម និងការបង្កើតបណ្ដាញទំនាក់ទំនងសម្រាប់ការអនុវត្ដរួមគ្នាជាមួយស្ថាប័នដើម្បីបង្កើនអានុភាពនៃការអភិវឌ្ឍកសិកម្ម។ ======= 👉👉Website | Facebook | Telegram | YouTube| Twitter | Instagram

[កម្មវិធីផ្សព្វផ្សាយកសិកម្ម នៃមជ្ឈមណ្ឌលឧត្តមភាពសុីសេន] ក្រុមការងាររបស់មជ្ឈមណ្ឌលឧត្តមភាពស៊ីសេននៃមហាវិទ្យាល័យអប់រំ និងសារគមនាគមន៍កសិកម្ម បានរៀបចំវគ្គបណ្ដុះបណ្ដាលស្តីពី«របៀបធ្វើជីទឹកផ្សំពីបន្លែនិងផ្លែឈើ» ទៅដល់សិស្សានុសិស្សនៃវិទ្យាល័យសម្ដេចឪ ខេត្តសៀមរាប។ វគ្គបណ្ដុះបណ្ដាលនេះធ្វើឡើងក្នុងគោលបំណងដើម្បីឱ្យសិស្សានុសិស្សបានយល់ដឹង និងអនុវត្តផ្ទាល់នូវរបៀបនៃការធ្វើជីទឹកផ្សំពីបន្លែនិងផ្លែឈើ (Fermented Fruit Juice) ដែលជាជំនាញក្នុងការផលិតល្បាយដែលសំបូរទៅដោយសារធាតុចិញ្ចឹម និងជាភ្នាក់ងារជម្រុញអតិសុខុមប្រាណក្នុងដីដើម្បីបង្កើនជីជាតិដល់ដី និងធ្វើឲ្យរុក្ខជាតិលូតលាស់និងមានសុខភាពល្អ។ បន្ទាប់ពីវគ្គបណ្ដុះបណ្ដាលនេះ សិស្សានុសិស្សអាចផលិត និងប្រើប្រាស់ជីទឹកផ្សំពីបន្លែនិងផ្លែឈើនៅក្នុងសួនបច្ចេកវិទ្យាកសិកម្មខា្នតតូច ដែលមានទីតាំងនៅក្នុងវិទ្យាល័យសម្ដេចឪ ឬនៅសួនដំណាំតាមផ្ទះរបស់ពួកគាត់។ សកម្មភាពនេះគឺជាការចូលរួមផ្សព្វផ្សាយកសិកម្មទៅកាន់សិស្សានុសិស្សទាក់ទងពីបច្ចេកទេសកសិកម្មឲ្យកាន់តែទូលំទូលាយ ព្រមទាំងពង្រឹងសមត្ថភាពរបស់ពួកគាត់ទៅលើការដាំដុះដំណាំក្នុងសួនបច្ចេកវិទ្យាកសិកម្មខ្នាតតូច។ ======= 👉👉Website | Facebook | Telegram | YouTube| Twitter | Instagram

[កសិករដើម្បីកសិករ លើគម្រោង«អ្នកដឹកនាំកសិកម្មនៅថ្ងៃអនាគត»] កាលពីថ្ងៃទី១៩ ដល់ថ្ងៃទី៣០ ខែសីហា ឆ្នាំ២០២៤ កម្មវិធីកសិករដើម្បីកសិករ លើគម្រោង«អ្នកដឹកនាំកសិកម្មនៅថ្ងៃអនាគត» ដែលអនុវត្តដោយមជ្ឈមណ្ឌលឧត្តមភាពស៊ីសេន នៃមហាវិទ្យាល័យអប់រំនិងសារគមនាគមន៍កសិកម្ម បានសម្របសម្រួលការផ្តល់ជំនួយបច្ចេកទេសដល់សួនបច្ចេកវិទ្យាកសិកម្មរាជធានីភ្នំពេញ លើ«ផលិតកម្មមាន់សាច់ខ្នាតតូច» ពីលោក David Juenger ជាអ្នកស័្មគ្រចិត្តជនជាតិអាមេរិក។ ជាលទ្ធផលសួនបច្ចេកវិទ្យាកសិកម្មរាជធានីភ្នំពេញដែលជាសា្ថប័នម្ចាស់ផ្ទះទទួលបាន ១) វគ្គបណ្តុះបណ្តាល ដោយផ្ដោតលើ មូលដ្ឋានគ្រឹះនៃការចិញ្ចឹមមាន់ ការរៀបចំទ្រុង ជីវសុវត្ថិភាព សុខភាពមាន់ ការប្រើប្រាស់ និងផលិតចំណីឱ្យមានប្រសិទ្ធភាព ដល់បុគ្គលិក និងភាគីពាក់ព័ន្ធចំនួន ២១នាក់ និង ២) ផលិតឯកសារពង្រាងបច្ចេកទេសស្ដីពី «ផលិតកម្មមាន់សាច់ខ្នាតតូច» សម្រាប់ឱ្យស្ថាប័នម្ចាស់ផ្ទះប្រើប្រាស់នៅថ្ងៃអនាគត។ 🐓📄 ========= 👉👉Website | Facebook | Telegram | YouTube| Twitter | Instagram

[ដំណើរទស្សនកិច្ចរបស់សិស្សានុសិស្ស] មជ្ឃមណ្ឌលឧត្តមភាពស៊ីសេន នៃមហាវិទ្យាល័យអប់រំនិងសារគមនាគមន៍កសិកម្ម បានទទួលដំណើរទស្សនកិច្ចរបស់សិស្សានុសិស្ស មកពីសាលាបឋមសិក្សាអ្នកឧកញ៉ាមហាភក្តី ហ៊ុន នាង ព្រែកកំពឹស មកកាន់សួនបច្ចេកវិទ្យាកសិកម្មនៃមជ្ឈមណ្ឌលឧត្តមភាពសុីសេន ស្ថិតក្នុងរាជធានីភ្នំពេញ។ ទស្សនកិច្ចនេះមានគោលបំណងផ្សាភ្ជាប់សិស្សានុសិស្សទៅនឹងកសិកម្ម តាមរយៈការណែនាំពីបច្ចេកទេសកសិកម្មដែលកំពុងដាក់បង្ហាញនៅក្នុងសួនបច្ចេកវិទ្យាកសិកម្ម ដើម្បីឲ្យពួកគាត់ទទួលបានចំណេះដឹងបន្ថែមសម្រាប់ការដាំដុះ និងរៀបចំសួនដំណាំនៅក្នុងសាលារៀន។ សកម្មភាពនេះជាផ្នែកមួយក្នុងការបង្កើនចំណាប់អារម្មណ៍របស់យុវជនចូលរួមក្នុងវិស័យកសិកម្ម និងផ្សព្វផ្សាយ។ #AgriculturalTechnologyPark #youthinagriculture #CESAIN ========= 👉👉Website | Facebook | Telegram | YouTube| Twitter | Instagram

[ឱកាសអាហារូបករណ៍សម្រាប់បង់ថ្លៃសិក្សាឆ្នាំទី ២ សម្រាប់និស្សិតថ្នាក់បរិញ្ញាបត្រ អប់រំនិងផ្សព្វផ្សាយកសិកម្ម] មហាវិទ្យាល័យអប់រំនិងសារគមនាគមន៍ នៃសាកលវិទ្យាល័យភូមិន្ទកសិកម្មទទួលបានជោគជ័យក្នុងការស្នើសុំកញ្ចប់ថវិកាសម្រាប់គាំទ្រដល់ការបង់ថ្លៃសិក្សាពី ៥០%-១០០% ដល់និស្សិតដែលនឹងចូលសិក្សាឆ្នាំទី ២ ថ្នាក់បរិញ្ញាបត្រជំនាញ អប់រំនិងផ្សព្វផ្សាយកសិកម្ម ក្នុងឆ្នាំសិក្សា ២០២៤-២០២៥ តាមរយៈកម្មវិធីអាហារូបករណ៍សេវាកម្មសហគមន៍ (Community Service Scholarship) របស់មហាវិទ្យាល័យ។ -------- សម្រាប់ព័ត៌មានលម្អិតបន្ថែម សូមភ្ជាប់ទំនាក់ទំនងមកមហាវិទ្យាល័យ៖ លេខទូរស័ព្ទ៖ ០១២ ៧៨៧ ៦៨៨ | ០៩៨ ៧៨៧ ៦៨៨ សារអេឡិចត្រូនិច៖ [email protected] តេឡេក្រាម៖ ០១២ ៧៨៧ ៦៨៨ បណ្តាញក្រុមតេឡេក្រាម៖ https://t.me/rua_aec ហ្វេសប៊ុក៖ https://facebook.com/rua.aec

[កម្មវិធីបាឋកថាស៊ីសេន] 📢 មជ្ឈមណ្ឌលឧត្តមភាពស៊ីសេន នៃមហាវិទ្យាល័យអប់រំនិងសារគមនាគមន៍កសិកម្ម នឹងរៀបចំកម្មវិធីបាឋកថាដោយកញ្ញា សុខុម បញ្ញាវតី ដែលជានិស្សិតបញ្ជាប់ថ្នាក់​បរិញ្ញាបត្រ​ជាន់ខ្ពស់​ ជំនាញវិស្វកម្ម កសិឧស្សាហកម្ម នៃវិទ្យាស្ថានបច្ចេកវិទ្យាកម្ពុជា នឹងចូលរួមចែករំលែកពីប្រធានបទ «ការសិក្សាកម្រិតរាលដាលនៃការឆ្លងបាក់តេរី Escherichia coli និង Salmonella enterica នៅលើបន្លែស្រស់ និងបរិស្ថាន ចេញពីកសិដ្ឋាននិងទីផ្សារនៅក្នុងខេត្តបាត់ដំបង»។ ✨ចូលរួមទាំងអស់គ្នា!! 🗓កាលបរិច្ឆេទ៖ ថ្ងៃទី១៣ ខែកញ្ញា ឆ្នាំ២០២៤ ⏰ម៉ោង៖ ០៩:៣០ ដល់ម៉ោង ១១:០០ ព្រឹក 📍ទីតាំង៖ Zoom ✏️សូមធ្វើការចុះឈ្មោះតាមតំណភ្ជាប់៖ https://forms.gle/mJwjdpRkd92xgSRq6 👉ចូលរួមតាមZoom៖ https://bit.ly/3MHhtet 🔴ផ្សាយផ្ទាល់តាមរយៈគេហទំព័រហ្វេសបុក (CE SAIN Cambodia) #CESAINLectureseries #CESAIN ========= 👉👉Website | Facebook | Telegram | YouTube| Twitter | Instagram