ڪتٱبٱت#✨💟

🙂 Me: @A_I_O7 Me:@DAD_MAGHOL

ـ انا اتعامل معاك علي اللي بشوفه منك. نيتك البيضة دي اسلقها و افطر بيها .

حابه اقولك كله هيعدي وكل شيء هيهون طمنن قلبك ومتفكرش كتير وتدخل في مود زعل وكآبة انت أقوى من أي حاجة تأثر عليك بص على اللي فات أهو كله عدى وإنت نجحت في صعوبات كتير مش ناوي تكمل قصتك يا بطل ، مش هتدون هزايمك وتتعلم منها وتكتب إنتصاراتك وتبص لنفسك في المراية وتشوف قد إيه ملامحك الباهتة حلوة ، وقد إيه إنت كل تفاصيلك حلوة ؟ إنت أحلى ما بالكون حب نفسك وإدعمها.🤍

إتعود تعترض علي الحاجة اللي مش عجباك ودي مش قلة ذوق بالعكس دا إحترام لنفسك وإختيارك، إتعلم تبعد عن الأشخاص المؤذية حتى لو روحك فيهم، عشان مع الوقت هيدوسوا عليك وعلى مشاعرك تحت مسمى إنك شخص ساذج معاهم، إتعود تاخد جمب وتسكت لو مش قادر تتكلم وحاسس إنك محتاج هُدنة، إبني حدود وإتعلم متتنازلش عنها عشان أي حد مهما كان، كلمة لا وكلمة مش عايز ومش عاجبني مش عدم تقدير للناس ولا قلة إحترام بالعكس دا تأكيد إنك شخص مُدرك كويس لكل خطوه بتحصل في حياتك وبتقدرها.

قالو فاشل مش هتقدر تبقي حاجه ف اي وقت كلهم ضحكوا عليا لما قررت وبدأت شوفت نظره جوه عينهم وقتها مفهمتهاش خدت رأي الكل فيا وهما قالوا لا بلاش بس انا قررت اجرب كات ايديا يوماتي تبني شوفت ناس بتهد فيا واللي مني بيحاربني كان كلامهم كله قاسي وحاولوا ياما يكسّروني بس قولت لنفسي لا هما بكره هيخسروني كل يوم بسعي وبحاول كل يوم ف مكان جديد ببني نفسي وفيه عزيمه كنت اقوي من الحديد واللي عاوزه لو بعيد مهما يبعد بكره اجيبه كل يوم عمال بعافر عندي حلم ومش هسيبه لما هوصل هبقي حاسس ان عمري مكانش فاضي وادي درس لكل واحد كان ف يوم واقف قصادي للي راهن اني هرجع م الطريق وهقول تعبت لا مرجعتش ف مره بس كملت وحاربت كنت بعمل ده وثابت لما كل الخلق سابت كل خطوه كنت اخدها كنت فيها واقف بطولي واللي ضحكوا زمان عليا بكره ييجوا يسقفولي 👏💜

#المجهول_يمر_من_قلب_كوله

تألمنا بما يكفي لندرك  أن الأشياء الجميلة مؤقتة ، و أن البدايات لا تمثل حقيقة الأشخاص ، و أن النهايات هي الأصدق دائما ... تعلمنا أن لا نخبر أحدا عن أوجاعنا ، كي لا يضاعفها علينا ... أدركنا أن مَن نسامحه كثيراً سيبالغ في أذيتنا أكثر ... تعلمنا أن لا نعطي ثقتنا لأحد و لا نستثني أحد ... فهمنا أن من يتركنا مرة سيتركنا مرات ... و لآخر العمر ،  ، و على قدر الحب الذي نعطيه للآخرين سيكون مقدار أوجاعنا منهم ... تعلمنا ، و تغيرنا ، و لكن أيقنا أن الحياة لا زالت تخبئ لنا في جعبتها المزيد ، و أنها ربما قد تحمل لنا مع الأيام الجبر الجميل ...!

الناس دايما بتحسسك إن فايتك حاجهه.. خلصت تعليم هتشتغل امتي،اشتغلت هتتجوز امتي،اتجوزت هتخلف امتي،خلفت طب هتخاوي امتي في حين إن الإنسان بيبقي راضي جدآ عن المرحله اللي هو فيها وشكل حياته الحاليه الاكيد إنه بيتمني حاجات تانيه لكن منتظرها بصبر ورضا عن حياته الحاليه اللي هو مبسوط فيها وبيسعي للحاجات اللي بتيجي بالسعي والدعاء واللي بعد كده يجي في وقته اللي ربنا مقدره ليه ليه دايما مصرين ترتبو حياه الناس بالترتيت اللي انتو شايفينه مناسب؟! وتحسسوه إنه متاخر ومش عايش ولازم يروح للمرحله اللي بعدها عشان يتبسط ي عم هو كده كده مبسوط!!ليه تخلوه يشك في نفسه المفروض كل واحد يشغل حاله بحياته ويرتبها زي مايحب ويسيب باقي الناس في حالها ترتب حياتها وتتبسط بيها 🤷🏻‍♀️ بطلو تحسسوا الناس انها متاخره دايما ف حياتهاا كل حاجه بتيجي ف وقتهاا

‏محدش هيحس بيك غير ربنا ، الناس مبتحس بحد لان محدش شاف ولا عارف الآلم والحزن اللي انت شوفته مهمه حكيت للناس ، محدش هيحس بيك قدك لان النار ميحسش بيها غير اللي اتلسع منها ، متزعلش لما يتقال عليك بتتأثر بأمور بسيطه لان محدش عالم بيك إلا اللي خلقك،وعالم بكل حاجه وحشاك ونقصاك ونفسك فيها 💗

انا مش عارف انا صح ولا غلط في الدنيا دي واكيد شخصيتي بردو مش احسن حاجة .. بس علي الاقل انا عمري ما كنت منافق..مابقولش حاجه غير اللي في قلبي .. عمري ما كنت كداب..مابيهونش عليا اخدع او اضحك علي حد مهما كانت مصلحتي .. عمري ما كنت حقود بتمني لغيري كل الخير والسعادة .. عمري ما كنت بوشين..ماعرفش اضحكلك وانا مش قابلك.. عمري ما كنت خاين لحب او صداقة مش هتلاقي اجدع مني يقف جنبك وفي ضهرك .. وكل اللي بتمناه حقيقي بجد ناس تعاملني بالمثل مش اكتر.. بتمني قلوب طيبة لينة تحبني و تحب الخير ليا عشان الدنيا بقت صعبة و مخيفة و النضيف فيها مالوش حظ ولا مكان خالص ..