تواصل( للإرشاد الأسري والزواجي )

❌الصدمة بعد الزواج من الملتزم القشرة ❌😔 نفسي أقولك حاجة من بدري في الموضوع دا ✔️ في شقين في الموضوع... واحد ملتزم لكنه طبيعي بيجيله وقت فتور... ❌ وواحد عامل ملتزم وهو خاربها في الدرا... #رسالة_للبنت بقى لو هنمسك الشق الأول متقوليش عشان متجوزة ملتزم إنك مش هتلاقي أي مشاكل معاه لا هو بشر زيه زيه أي فرد في المجتمع. هو إنسان عنده عيوب البشر العادية. لا هتلاقيه طول الوقت صوام قوّام، بيحافظ علي وصية رسول الله... وجايز تلاقيه مبيغضش بصره لكن بيجاهد... ولا هتلاقيه الشخص الكيوت الرومانسي اللي بيربطلك الشوز وبيسبح على إيدك ويجري معاكي بالليل في الشارع وبيسمعك أشعار ليل نهار (اه ممكن تلاقيه لكن مش إلزامي يكون موجود). ياريت مترفعيش سقف توقعاتك.... ولا تستني إن هو اللي ياخد إيدك للجنة... إن مكنتيش انتِ هتعرفي تاخدي إيد نفسك مع صحبة بنات صالحة انسي هو يكون عون ليكِ كشخص بيتقي الله👌🏻 لكن مش الفانوس السحري انتِ بقي مش ولية أمرة لقيتيه مقصر متترعبيش بقى وخدعني و و لإن فيه فرق بين حد بيقع ويقوم وبيجاهد وحد مصدق إنه اتجوزك وأنتخ، فدا خدعك فعلًا🙂 أما الشق التاني بقى ❌👀😔❌ الموضوع من جوه مرعب جدًاااا فعلًا تبقى البنت مختارة واحد ملتزم بشكله ولامحفظ قرآن ولا إمام مسجد وحاسة إنها اختارت شريك الحياة اللي مفيش منه اتنين وتبقي صاينة نفسها واختيارها الوحيييد إنه عشان ملتزم. وتنصدم بالواقع المرير😢 من معاملة قذرة وجفاء شديد بيتعالج نفسيًا ومخبي ... سجاير أو حشيش مفيش التزام أصلًا ولا صلاة .... علاقات نسائية .... إباحيات ... انحرافات جنسية ....الصلاة بالعافية... إلخ طبعًا كل دا موجود فجميع الفئات لكن حطوه إنه متوقع كمان من فئات الملتزمين عشان متتصدميش، الملتزم مش معصوم في الآخر بشر👌🏻 الموضوع إن البنت تختار على الشكل الظاهري غلط جدًااااا إن ماما وبابا قالولها دا ملتزم لا اختاري كويس أووووووي وكله علي ربنا وجايز بعد كل التدقيق والدعاء ربنا يبتليكي بشخص قشرة.. ادعي ربنا الزوج الصالح الذي يخشى الله بالغيب🤲🏻 متفوتيش حاجة مش عجباكي ادعي اللهم اختر لي فإني لا أحسن الاختيار عشان حتى الملتزم بقى ساعات قشرة من برا ومبتعرفيش غير بعد الزواج🙃 اختاري الزوج الصالح التقي اللي يحسن معاملة أهل بيته ومعاملتك👌🏻 الكماليات دى بقى متبقاش هي رقم واحد عشان حقيقي مبقتش مضمونة❌ "إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ..." #تغريد_إحسان

*نتشرف بكم بمتابعتكم لبرنامج نقطة تواصل لـ تغريد إحسان*〽️ *موعد الحلقة القادمة يوم السبت غدًا الساعة 10م* نستضيف فيها د.محمد فايق أخصائي نفسي وكاتب هنتكلم عن ما وراء السلوك؟ وكمان هنكتشف ازاي الاحتياجات بتحركنا بشكل خاطئ؟ جروب متابعة البرنامج: https://chat.whatsapp.com/IB2YmDRCQIp60KwR0m9UL0 ▫️البرنامج مباشر على الزووم يرجى تحميله ليسهل الدخول. https://play.google.com/store/apps/details?id=us.zoom.videomeetings ▫️ويتم إرسال لينك الحضور قبل الحلقة بربع ساعة.

بوست اللايف ال جاااي يابنات ياريت كلكم تتفاعلو معاه 🥰🥰 بليييز 🙈🫂 https://www.facebook.com/share/p/zJmKmGSR3Dy9rveF/?mibextid=oFDknk

نويت تتجوز تاني 👌 مافيش مشكلة بس ياريت تسترجل👌 وتعدل بين الإتنين 👌 لاتظلم الأولي فعز فرحتك وشغفك بالتانية 👌 ولا تظلم التانية لما الأولي تعرف وتعمل مشكلة قرارك انت حر فيه 👌 لكن ياتكون راجل وقد الخطوة ياتاخد بالك ان بناات الناس مش لعبة معاك ولتقلباتك المزاجية لا برفض التعدد ولا موافقة عليه انا شايفة ان كل زواج ثاني له أسبابه ومادام ربنا قدر خلاص هنا بيكون التعامل مختلف لكن كلامي علي فكرة مظلمش دا الأهم أحافظ عالاولي والتانية واراعي ربنا فيهم اتق ربنا فاللي شالتني سنين وعاشت معايا عالحلوة والمرة مش بعد ماربنا يمن عليا بزوجة تانية ارمي الأولي ولا كأنها كانت فالحياة معايا واتق ربنا فاللي تزوجتها لمجرد شغف عاطفي مش لما افقده اقول لا انا غلطا وعايز اطلق انا بسمع مهازل فالإستشارات متتزوجش وانت لسه مش حاسب خطوتك متتجوزش لو مش هتعدل متتجوزش لو ملكش حاجة بالزواج حاول مرة واتنين وتلاتة مع زوجتك الأولي لو هي مقصرة او عندك احتياج غير ملبي لكن هيبقي اول خيار الزواج وأهملها لمجرد ان لقيت حد يشبع رغبتي دا ظلم واتق الله وراجع نفسك #تغريد_إحسان

إحتياجك الجنسي قل ❌🥹💔 👇👇👇 https://www.facebook.com/share/p/VG3B6ScrhbLjEXnR/?mibextid=oFDknk

إلي زوجة متعدد العلاقات https://www.facebook.com/share/p/LkopwPr1keEcfHGZ/?mibextid=oFDknk

غيري فكرتك وقوليلي.. إتعاملتي مع ميين فيهم 😃 https://www.facebook.com/share/p/ivpEPadrmnHurQhe/?mibextid=oFDknk

إسترجل كدا ..... ❌ لما تلاقي زوجتك بتساومك بحاجة وبتحط شرط قصاد شرط متنفذش حاجة لما تطلب حقك الشرعي وتلاقيها بتحط شروط تتنفذ متنفذش حاجة لما تلاقي الحال معووج متنفذش حاجة لما تطلب منها طلب وتحط شرط قوم نفذ لنفسك واسترجل الست ال متربتش غير عالمساومة مش هتنفعك الست ال بتعاملك ان طلباتي مجابة والإ هكدر عيشتك متنفعش تكون ام وزوجة الست ال بتستخدم رغبة الزوج فالعلاقة وتتلاعب وتنفذ شروطها متنفعش تكمل حياة زوجية ال تتلاعب وقلبها مستقوي متنفعش إن وافقت مرة علي المساومة دى هتفضل طول عمرك تحت إسترجل كدا ...ومش بالضرب ولا الإهانة ولا ولا الموضوع كله بحزم وحكمة تقدر توقف الامور عند حدها وان مظبطتش تسريح بإحسان .. انما حضرتك متعايش وتمام دا وضع تاني بقي .... (ربو بناتكم وفهموهم يعني اي احترام زوج ويعني اي حسن تبعل وعشرة وفهموهم العيب والغلط والحرام ) ولو انت ال بتعمل كدا مع زوجتك اتق الله فيها ... وراجع نفسك .... الحياة الزوجية تقوم علي المودة والرحمة مش بتقوم علي المساومات والعقاب #تغريد_إحسان

مابعد الفراق 💔 ... إتكلمنا علي كل العلاقات ال فيها وجع ... ولسة هنكمل اسمعو وهستني رأيكم