Son Dəqiqə Xəbərlər🇦🇿

🇦🇿Bu gün Xankəndi, Xocalı, Xocavənd və Ağdərə şəhərləri günüdür Azərbaycanda Xankəndi, Xocalı, Xocavənd və Ağdərə şəhərləri günü ilk dəfədir qeyd olunur. Prezident İlham Əliyevin bu il sentyabrın 18-də imzaladığı Sərəncama əsasən, hər il sentyabrın 20-də Xankəndi, Xocalı, Xocavənd və Ağdərə günü təntənəli şəkildə qeyd ediləcək. Bu əlamətdar günün təsis olunması Ermənistan silahlı qüvvələrinin qalıqları və qeyri-qanuni silahlı dəstələrinin tərk-silah edilərək ərazilərimizdən çıxarılması ilə bağlıdır. Belə ki, bu gün - sentyabrın 20-də Xankəndi, Xocalı, Xocavənd və Ağdərə şəhərlərinin erməni sepratçılarından təmizlənməsindən bir il ötür.

🇨🇳Çin höküməti: "Qəzzadakı müharibə insanlıq adına utancvericidir".

🇮🇱 İsrail aviasiyası Livanın cənubunda bombardmanların intensivliyini artırıb. "Al Hadath" telekanalı xəbər verir ki, 20 dəqiqə ərzində 70-ə yaxın zərbə endirilib. "Axios"un verdiyi məlumata görə, Pentaqon rəhbəri Lloyd Ostin Livanla sərhəddəki vəziyyətə görə İsrailə səfərini təxirə salıb.

Prezident bu gün Ağdamda Qarabağ atlarına baxıb İmarət Kompleksində yaradılan Qarabağ atları parkında qədim dövrlərdən şöhrəti dünyanı dolaşan Azərbaycanın Qarabağ atlarının auksionunun keçirilməsi, eyni zamanda, parkda müxtəlif vaxtlarda bu atların iştirakı ilə təlim və şou-proqramların təşkili nəzərdə tutulur.

🇦🇿Antiterror tədbirləri zamanı şəhid olan 3 hərbçinin adı Cəlilabadda küçəyə verilib

Azərbaycan-Türkiyə hərbi əməkdaşlığı genişləndirilir Türkiyə Respublikasının Hərbi Hava Qüvvələrinin komandanı ordu generalı Ziya Cemal Kadıoğlunun dəvəti ilə qardaş ölkədə səfərdə olan Azərbaycan Respublikası müdafiə nazirinin müavini - Hərbi Hava Qüvvələrinin Komandanı vəzifəsini icra edən general-leytenant Namiq İslamzadə bir sıra görüşlər keçirib. General-leytenant N.İslamzadə səfər çərçivəsində Türkiyə Respublikasının Prezident Administrasiyasının Müdafiə Sənayesi Komitəsinin sədri cənab Haluk Görgün, milli müdafiə naziri cənab Yaşar Güler və Hərbi Hava Qüvvələrinin komandanı ordu generalı Ziya Cemal Kadıoğlu ilə görüşüb. Görüşlərdə Azərbaycan və Türkiyə arasında hərbi əməkdaşlığın cari vəziyyəti və inkişaf perspektivləri müzakirə edilib, gələcək birgə layihələrlə bağlı geniş fikir mübadiləsi aparılıb. Keçirilən görüşlər zamanı hərbi, hərbi-texniki, hərbi təhsil sahələrində əməkdaşlığın daha da genişləndirilməsinin vacibliyi vurğulanıb və qarşılıqlı maraq doğuran bir sıra digər məsələlərdən danışılıb.

🇦🇿🇰🇿🇹🇷🇵🇰🇶🇦🇺🇿Azərbaycan, Qazaxıstan, Türkiyə, Pakistan, Qətər və Özbəkistan xüsusi təyinatlılarının iştirakı ilə Qazaxıstanda keçirilən "Sonsuz qardaşlıq - III" çoxmillətli təlimi başa çatıb.

🇦🇲🇮🇷 Oktyabrın 1-də İrəvanda İran ticarət mərkəzi açılacaq. ‼️Bu, İranın xaricdəki ilk və ən böyük daimi ticarət mərkəzi olacaq.