Երևանի քաղաքապետարան/ Yerevan Municipality

🔷 «Երևան կլասիկ ֆեստ». Սանկտ Պետերբուրգի Ֆիլհարմոնիայի ակադեմիական սիմֆոնիկ նվագախումբը Թումանյանի անվան զբոսայգում երկրորդ անգամ ներկայացավ հանդիսատեսին: 🔷 Վաղը ելույթ կունենա Հայաստանի օպերայի և բալետի ազգային թատրոնի նվագախումբն ու երգչախումբը: 🔹 Համերգի սկիզբը՝ 20:00-ին:

🔷 Համայնքի նախաձեռնությամբ թվով 1000 միայնակ տարեցների և հաշմանդամություն ունեցող շահառուների համար շրջագայություններ է կազմակերպվում դեպի Հայաստանի տեսարժան վայրեր: 🔷 Ծրագրի շրջանակում նախատեսվում է 50 շրջագայություն՝ 9 ուղղություններով:

🔷 Հայաստանի ըմբշամարտի ֆեդերացիայի և Երևանի քաղաքապետարանի համատեղ նախաձեռնությամբ Երևանի «Դինամո» մարզահամալիրում սեպտեմբերի 17-18-ը անցկացվել է միջազգային կարգի սպորտի վարպետ, Եվրոպայի երիտասարդների չեմպիոն, ԽՍՀՄ կրկնակի չեմպիոն Արսեն Կոտիկյանի անվան հունահռոմեական ոճի ըմբշամարտի միջազգային հուշամրցաշարը: 🔷 Մասնակցել են Հայաստանի, Վրաստանի, ՌԴ և Իրանի ըմբիշները: 🔷 Մրցաշարը նախընտրական էր՝ Մ23 տարեկանների աշխարհի առաջնության համար:

🔷 Արցախի պող. 14 շենքի նոր բակային տարածքը պատրաստ է շահագործման: 🔹 Նախկին ավտոտնակների փոխարեն բակում կառուցվել են խաղահրապարակ, մարզահրապարակ, բետոնե սալիկապատ ճեմուղիներ, շատրվան, հիմնանորոգվել է ֆուտբոլի դաշտը:

🔷 Երևանի քաղաքապետարանում հրավիրված հանդիպման ընթացքում վարչական շրջանների և կենսաապահովման ոլորտում գործունեություն իրականացնող կառույցների ներկայացուցիչների հետ քննարկվել են շինարարության թույլտվությամբ կատարվող քանդման և վերականգման աշխատանքների պարտադիր նորմերը: 🔹Շինհրապարակի ողջ տարածքում՝ տեսանելի վայրերում պետք է տեղադրել կատարվող աշխատանքների մասին իրազեկող ցուցատախտակներ: 🔹 Քանդվող տարածքի բոլոր կողմերի երկայնքով ստեղծել արգելափակող գոտի՝ օգտագործելով մետաղական ճաղավանդակներից պատրաստված առնվազն 1.5 մետր բարձրությամբ ժամանակավոր պատնեշներ՝ լուսանդրադարձիչ նյութերով և լուսատու սարքերով: 🔹 Այսուհետ պարտադիր է նաև ասֆալտի կտրվածքի ամբողջ պարագծով իրականացնել բիտումապոլիմերային մածիկի տեղադրում:

🔷 Ասֆալտապատում, պարսպապատում, գերեզմանատեղիների սահմանազատում. մայրաքաղաքում գործող բաց և մասնակի փակ գերեզմանատներում վերջին տարիներին մաքրման ու բարեկարգման լայնածավալ աշխատանքներ են իրականացվում: 🔷 Երևանի քաղաքապետարանի ենթակայությամբ գործող «Բնակչության հատուկ սպասարկում» ՀՈԱԿ-ի կողմից գերեզմանատեղիները տրամադրվում են օրենքով սահմանված կարգով՝ անվճար հիմունքներով: 🔷Մատուցվում են նաև վճարովի ծառայություններ: Գերեզմանատեղիների համար հատկացված տարածքների հնարավոր խախտումներից խուսափելու նպատակով ՀՈԱԿ-ը իրականացնում է սահմանազատման շինարարական աշխատանքներ: 🔷 Փոփոխություններ են կատարվել գործող վճարովի ծառայություններում, գերեզմանատներում երկաթբետոնյա կոնստրուկցիաների տեղադրման վճարը նվազել է 5.7%-ով:

🔷 Երևանի քաղաքապետի տեղակալ Սուրեն Գրիգորյանը Տաշքենդի «AVTOMATLASHTIRILGAN TRANSPORT TO'LOV TIZIMI OPERATORI» ընկերության գործադիր տնօրեն Շոյոկուբով Դավրոն Ռուստամ Ուգլիի հետ ստորագրել է հուշագիր, որով կողմերը համաձայնել են 🔹 փոխգործակցել հասարակական տրանսպորտում ուղեվարձի վճարման ավտոմատացման ոլորտում տեղեկատվական տեխնոլոգիաների զարգացման ու ներդրման, 🔹 էլեկտրոնային վճարումների մշակման` մատուցվող ծառայությունների որակը բարելավելու ոլորտում:  🔷 Կողմերը կարևորել են հասարակական տրանսպորտի միասնական տոմսային համակարգին անցնելուն առնչվող փուլերը, խնդիրների լուծումները:

🔷 Թուղթ, պլաստիկ, ապակի. կենցաղում օգտագործվող այս իրերը այսօր վերամշակվում և երկրորդ կյանք են ստանում: 🔷 Երևանի բոլոր վարչական շրջաններում արդեն իսկ կան տեսակավորման համար նախատեսված հատուկ թափոնամաններ:

🔷 Աբովյան փողոցում առաջին երթևեկելի գոտին առանձնացվել է հասարակական տրանսպորտի համար՝ հասարակական տրանսպորտի շարժակազմերի հոսքերի հաճախականության անընդհատությունը ապահովելու նպատակով: 🔷 Բացի այդ, Աբովյան և Կորյունի փողոցների խաչմերուկում տեղադրվել է աջ լրացուցիչ սեկցիա, և նշված երթևեկելի գոտուց թույլատրվում է կատարել աջ շրջադարձ: 🔷 Անհրաժեշտ է հաշվի առնել, որ այդ գոտին նախատեսված է հասարակական տրանսպորտի համար և տվյալ գոտում հասարակական տրանսպորտն ունի առավելություն: 🔷 Ըստ այդմ, վարորդները կարող են կատարել աջ շրջադարձ միայն այն դեպքում, երբ գոտին ազատ է և չկա հասարակական տրանսպորտ:

🔷 «Երևան կլասիկ ֆեստ». փառատոնի մեկնարկն այսօր տվեց «Երևան» պատանեկան սիմֆոնիկ նվագախումբը՝ Հայաստանի ազգային ֆիլհարմոնիկ նվագախմբի գեղարվեստական ղեկավար, գլխավոր դիրիժոր Էդուարդ Թոփչյանի ղեկավարությամբ։ 🔷 Փառատոնը կշարունակվի մինչև սեպտեմբերի 24-ը: 🔷 Վաղը ելուրթ կունենա Սանկտ Պետերբուրգի Ֆիլհարմոնիայի ակադեմիական սիմֆոնիկ նվագախումբը: