BACH SOPHON-ព្រះបាឡាត់សាសនរក្ខិតមុនី( សមថ&វិបស្សនា)🧘‍♂️🪷🧘‍♂️

ហើយត្រូវឆ្លៀតរកឱកាសខ្លះបានស្តាប់សិក្សាប្រតិបត្តិធម៌ឱ្យបានល្អដើម្បីចម្រើនសតិបញ្ញាឱ្យភ្លឺថ្លាសម្រាប់ជួយកែតម្រូវចិត្តរបស់យើងឱ្យឆាប់យល់ត្រូវតាមសភាវល្អទាន់ពេលមានព្រះធម៌តាំងនៅ កុំឱ្យដម្កល់ចិត្តខុសប្រាស់ចាកគុណធម៌នាំឱ្យបាត់បង់បុណ្យកុសលបាត់បង់បញ្ញាជាពិសេសបាត់បង់អរិយទ្រព្យជាទីពឹងដ៏ប្រសើរធ្លាក់ខ្លួនជាអភព្វបុគ្គលមានពៀរច្រើនមានទុក្ខច្រើនដូចពួកចោរឃើញចោរហើយតែងតែប្រទូស្តនូវពួកចោរ ដូចបុគ្គលមានពៀរតែងតែប្រទូស្តបុគ្គលណាមានពៀរ នាំឱ្យចម្រើនតែសេចក្តីវិនាសអន្តរាយគ្មានទីបំផុត។ដោយហេតុតែមកពីដម្កល់ចិត្តខុសនាំឱ្យចម្រើនទោសដូចជាៈ _នាំឱ្យចម្រើនទោសកម្មពៀរមិនចេះចប់ _នាំឱ្យចម្រើនទាសទុច្ចរិត៣មានកាយទុច្ចរិតជាដើម _នាំឱ្យចម្រើនទោសសេចក្តីប្រមាទ _នាំឱ្យចម្រើនទោសប្រទូស្តក្រោធខឹង បៀតបៀន _នាំឱ្យចម្រើនទោសមិច្ឆាទិដ្ឋិយល់ខុស ប្រកាន់ខុស _នាំឱ្យចម្រើនទោសឥស្សា មច្ឆរិយៈ ច្រណែនឈ្នានីស កំណាញ់ស្វិត _នាំឱ្យចម្រើនអវិជ្ជាវង្វេងការពិតជាដើម។ ការដម្កល់ចិត្តខុសទាំងអស់នេះហើយដែលជាចំណងអកុសលនាំឱ្យមានកម្មពៀរទាញចិត្តរបស់សត្វលោកឱ្យកើតសេចក្តីប្រទូស្តច្រានទម្លាក់ក្នុងអន្លង់មហាទុក្ខដ៏ធំធេងក្នុងសង្សារវដ្តរកសេចក្តីសុខស្ងប់គ្មានឡើយ។ ភន្តេៈធម្មត្ថេរោ

ឥធ ភិក្ខវេ ភិក្ខុ អរញ្ញកតោ វា រុក្ខមូលគតោ វា. សុញ្ញការគតោ វា និសីទតិ បល្លង្ក អាភុញ្ជិត្វា ឧជុំ កាយំ......។