PROFIT

No coment

Subyektivlikdan uzoqlashib, obyektivlikka yaqinlashish kerak Jamiyatning bir qismi sifatida atrofimizdagilar fikri biz uchun muhim, ko’pchiligimiz uchun o’ta muhim. Dalillarga asoslanmagan holda bildirilgan fikrlar subyektiv bo’ladi. Pul topishga qiynalayotgan odamdan so’rasangiz jamiyatdagi iqtisodiy holatni o’ta yomon deydi, hamma joyda adolatsizlik deb noliydi. Ammo raqamlarga e’tibor qaratsangiz jamiyatdagi iqtisodiy o’sish yaxshi ketayotganini yaqqol ko’rasiz. Kobalt minib yurib, Trekker olgan odam yangi mashinasini qanchalik zo’r, zamonaviy va komfort ekanligini aytadi. Dunyo bozoridagi o’sha klassdagi mashinalar bilan solishtirsangiz aytilgan zamoniy funksiyalarini bundan 15-20 yil avval ishlab chiqarilgan mashinalardan topasiz. IELTS 7 olib dunyoda juda katta muvaffaqiyatga erishgandek o’zini tutganlarni ko’rasiz. Dunyo bo’yicha raqamlarga qarasangiz bu holat millionlab odamlar uchun talabalikka qo’yilgan eng birinchi talab va qadam ekanligini ko’rasiz. Stravada 30-40km yugurganlarni ko’rasiz, siz ham 10km yuguraman deysiz. Ammo yetarlicha bilim va tajriba bo’lmagani uchun 5km dan keyin charchab taslim bo’lasiz. Vaziyatni subyektiv baholaysiz, o’zingizni lozer his qilasiz. Dunyoga va raqamlarga qarasangiz dunyoda 90% odam salomatligi uchun yugurishga ham harakat qilmasligini o’qiysiz. Siz taslim bo’lgan 5km natijangiz bilan top 10% da ekanligingizni tushunasiz. Instagramda bir ekspert chiqib fikrlarini bayon etadi. Sizga u juda bilgichdek va o’z sohasining eng kuchli ekspertidek tuyuladi. Aslida esa aytilgan fikrlarini kecha ingliz tilida yozilgan bir kitobda o’qigan bo’ladi. Bugun esa ularni kam-ko’stsiz aytib berayotgan bo’ladi, o’zbek tilida, qayerdan olganini aytmasdan. Har qanday vaziyatda ham obyektiv bo’lishga harakat qilish muhim. Obyektivlik haqiqat va dalillar ustiga quriladi. Subyektivlik esa hissiyotlar ustiga. Haqiqatga yaqin bo’lish maqsadga aylanishi ma’qulroq. Bek Olimjon 15.09.2024 Norvegiya

Mas'uliyat Insonda bo'lishi kerak bo'lgan sifatlar ichida eng muhimi bu mas'uliyat. Mas'uliyat inson qadrini belgilab beruvchi ko'rsargich. Turli xil loyihalar uchun sherik topa olmayabman, sabab òz sohasini mutaxasisi lekin mas'uliyat xissi yòq. Bunday odamlar bilan xech qachon biror-bir loyiha qilib bòlmaydi. Mas'uliyatni shakllantirish uchun nimalar qilish kerak deb o'ylaysiz?

Ilmsiz eplolmaysiz “Maktabdagi ikkichilar a’lochilarni ishga oladi” “Ikkichilar ko’proq boy bo’ladi” “Ikkichilar ustozlar va maktab oldida ko’proq noqulay ahvolga tushgani uchun hayotda bunday vaziyatlardan qanday chiqib ketishni yaxshi biladi. Va muvaffaqiyatga erishadi” Shunday safsatalarni ham eshitib turamiz. Hammasi yolg’onligini faktlar isbotlaydi. Dunyo millionerlarining 88%i bakalavr diplomiga, 52%i magistratura va doktorlik darajalariga ega! Bill Gates Garvard universitetini tashlab ketgan. Chunki, unda shu vaqtda o’z sohasida allaqachon 10 ming soat tajribasi bor edi. Va universitetdagi bilimlarni deyarli bilardi. Siz bilasizmi? Nega atrofimizda teskarisini ko’ramiz? O’zbekiston sharoitida ozgina oldin o’qimagan lekin harakatchanlar, o’qib harakati sustlardan ko’proq pul topgan. Lekin: 1. Hozir sharoit o’zgardi. Ilmli ko’proq topadi. Jamiyat rivojlangan sari ilmli kadrlarga talab oshadi. Jarayonlar murakkablashadi, murakkablikni ilmsiz tushuna olmay qolamiz. 2. Atrofingizdagi ilmsizligi bilan ko’proq topayotganlarni qaysi biri dunyo millionerlari tarkibiga kirgan? Biz boy deganda uy, gentra va doimiy oylikni tushunamizmi? Maqsadingiz katta dunyo miqyosida millioner bo’lish, ummat va millatga foyda keltirish bo’lsa ilmsiz bo’lmaydi do’stlar - deb o’quvchilarimizga tushuntirishimiz kerak do’stlar! @MuallimMuhammad

10% ni qidirib Internetdagi kontentning 90%i axlatligiga hech kim shubha qilmasa kerak. Negadur kitobga kelganda hech kim shunday o’ylamaydi. Kitob ham kontent. Kitoblarning ham 90% i befoyda (yoki zarar) Kitob chiqishidan avval uni faqat nashriyot tekshiradi. Aksariyot nashriyotlarga faqat sotuv kerak. Ichkaridagi ma’lumotlar o’ninchi darajada. Til o’rganing. Bo’ladigan mualliflarni o’qing. Kitob soni emas, qanday kitoblarni o’qiyotganingiz muhim. Men uchratgan 10% ga kiradigan mualliflar ro’yxati: Horis Muxosibiy, Ibn Xoldun, Jaloliiddin Rumiy, Shayximiz, Ibn Ataulloh Sakandariy, So’fi Olloyor Nassim Taleb, Matt Ridley, David Deutch, Vaclav Smil, Fyodr Dostoevskiy, Viktor Pelevin, Richard Feynman Seneka, Mark Avreliy, Aristotel Biznesda: Tony Fadell, Ben Horowitz, Ken Iverson, Andy Grove, Vladimir Mojenkov Ta’limda: Makarenko, Soloveychik, Barbara Oakley, Ushinskiy, Karol Dweck, Ken Robinson. Adam Gunesh Yuqoridagi hamma mualliflarni umumiy ikkita xislati bor: Gapirayotgan mavzusini o’zi yaxshi tushungan, amal qilgan. Tushunarli va sodda yozgan. Tushunarli yozadigan amaliyotchilardan o’rganing.

Butun turmush mayda manfaatparastlikdan iborat. 📚”Otalar va bolalar” Ivan Turgenev |

Украинадаги уруш сабабли антибиотиклардан қўрқмайдиган супербактериялар ривожланяпти Украинадаги уруш антибиотикларга қарши тура оладиган мутацияга учраган супербактерияларнинг ривожланишини кучайтирган. Шифокорларга кўра, украиналик аскарлардан биттасининг оёғига тушган инфекцияни антибиотиклар билан даволаб бўлмаган ва унинг оёғини кесишга мажбур бўлишган. Бу ҳолат инқироз кучайиб бораётганидан дарак беради. Бошида шифокорлар 35 ёшли аскарнинг оёғидаги жароҳатни Сент Жорж касалхонасида тезда даволашган. Лекин кейинроқ яна бир муаммо пайдо бўлган — бактериал инфекция унинг чап оёғидаги яраларига чуқур кириб боргани аниқланди. 5 хил антибиотикнинг комбинацияси бактерияларни ўлдира олмаган. Яра йиринглашда давом этаётгани учун шифокорлар бошқа 4 та дорини, бошқа ҳеч нарса ёрдам бермаган ҳолатлар учун ажратилган, жиддий ножўя таъсири бўлган кучли антибиотик — колистинни синаб кўриш учун даволаш режимини ўзгартиришган. Лекин у ҳам ёрдам бермаган. Ўнлаб йиллар давомида шифокорлар антибиотиклар фойдасиз бўлиб қоладиган антиутопик келажак ҳақида огоҳлантириб келади. Аскарнинг ҳаётини мутацияга учраган супербактериядан сақлаб қолиш учун унинг оёғини тиззадан кесишга тўғри келган. Аскарни даволашга ёрдам бериш учун чақирилган Челси ва Вестминстер касалхонасининг юқумли касалликлар бўйича маслаҳатчиси доктор Люк Мур бу ҳолатни “яширин пандемия” деб таърифлади. Агар бактериялар ривожланишда давом этса, бу ҳатто мунтазам тиббий ёрдамни ҳам хавф остига қўяди. Оддий амалиётлар, масалан, боланинг томоғидан бодомсимон безларни олиб ташлаш амалиёти унинг ҳаётига таҳдид соладиган бўлиб қолади.

“Агар биз бу муаммони ҳал қилмасак, у бошқа қиладиган барча ишларимизга таҳдид солади. Бу бизнинг оддий операцияларни бажариш имкониятимизни чеклаб қўяди, саратон касалликларига кимётерапия бериш ҳам хавфли жараёнга айланади”,

деди Мур. БМТ маълумотларига кўра, агар вазият тубдан ўзгармаса, 2050 йилга бориб 10 миллионга яқин одам бу туфайли нобуд бўлиши мумкин. Қўрқинчли мусиқа…. 🧠@nurbekalimov

Yoshlar uchun ogohlik qo‘ng‘irog‘i Albatta, bu hali birinchi bosqichdagi ishlar. Oldimizda takomillashtirishimiz kerak bo‘lgan jihatlar ko‘p. Balki dastlabki bosqich kimlar uchundir juda sodda bo‘lib ko‘rinayotgandir, lekin biz bu borada uzoq muddatli strategiya qilganmiz. Hozir qo‘lda bajarilayotgan ayrim bosqichlarni sekin-asta to‘liq avtomatlashtirishga o‘tamiz. Lekin hozirgi bosqichda ham u bizga ancha-muncha mehnat va xarajatni tejashga yordam beradi. Men ishonaman, kelgusida sun’iy intellekt aytilishi kerak bo‘lgan yangilikni ham o‘zi tanlab, matnni ham o‘zi yozib, o‘zi tahrirlab, o‘zi turli tillarga o‘girib, o‘zi video qilib, o‘zi subtitrlarini qo‘yib, yoniga surdo-tarjimon harakatlarini ham joylashtirib, video uchun o‘zi poster yasab, o‘zi qachon va qaysi paytda e’lon qilishini ham rejalashtirib, o‘zi saytda e’lon qilib, o‘zi uni ijtimoiy tarmoqlarda tarqatadigan darajaga ham chiqiladi. O‘z ustida ishlamaydigan jurnalistlar uchun xavotirli davrlar yaqinlashmoqda. Bu jiddiy signal va bundan to‘g‘ri xulosa chiqarish kerak. O‘zi aslida bu ogohlik qo‘ng‘irog‘i nafaqat jurnalistlar, balki boshqa yuzlab kasblar uchun ham chalinmoqda. Odam bilan raqobatlashsa bo‘ladiyu, lekin sun’iy intellekt bilan... Bilmadim, bilmadim. 🔘 @xushnudbekuz

‼️O‘zAda sun’iy intellekt yordamida yaratilgan muxbir ish boshladi Sun’iy intellekt har bir sohaga shiddat bilan kirib kelmoqda, bunda jurnalistika ham chetda qolgani yo‘q. Biz ham sun’iy intellekt yutuqlaridan foydalanib, O‘zA uchun robot-muxbir modulini yaratdik. Real inson prototipini o‘zlashtirgan ushbu modul kelgusida bizga istalgan matndan qisqa vaqtda video yaratish imkonini beradi, bunda insonning yuz va qo‘l harakatlari hamda ovozini aslidek saqlab qoladi. Ushbu muxbir 9 ta tilda — o‘zbek, ingliz, rus, fransuz, arab, xitoy, nemis, ispan va qozoq tillarida rasmiy xabar va yangiliklarni yetkazib turadi. Sun’iy intellekt yordamida yaratilgan ushbu muxbirga biz Sobira Xoldorova deb nom berdik. Chunki Sobira Xoldorova Markaziy Osiyo va O‘zbekistondagi birinchi professional jadid ayol jurnalisti edi va qatag‘on qurboni bo‘lgan ushbu yurtdoshimizning yorqin xotirasini tiklashni maqsad qilganmiz. Soxta videolardan himoyalanish maqsadida har bir videoda maxsus QR-kod mavjud. Agar uni faollashtirsangiz, O‘zA rasmiy saytidagi videoga havola chiqadi va shu orqali video haqiqiyligini aniqlay olasiz. Xullas, biz bir necha oylik mehnatimiz samarasini bugun rasman e’lon qildik. Buning ustida katta jamoa qattiq mehnat qildi, ularga ham rahmat aytaman. Ilohim, boshlagan ishimiz xayrli bo‘lsin. Ko‘ring va baho bering. 🔘 @xushnudbekuz

Олимпиада каби йирик спорт мусобақаларидаги муваффақият, медаллар нима сабабдан бунчалик муҳим ҳисобланади? Нега олимпиадаларни ҳамма кузатади? Ғалабалар жуда кенг миқёсдаги нишонланади? Financial Times колумнисти Саймон Купер «Олимпия ўйинларидаги медаллар жадвали аслида бизга нима ҳақида гапиради?» номли мақоласида бу масалага батафсил тушунтириш берибди. Куперга кўра, олимпия медаллари одатда маълум давлат ёки жамият тўғри ишлаётгани, муҳим масалаларда тўғри йўлдан кетаётганини кўрсатувчи сигнал ҳисобланади. Мамлакатнинг спортдаги ютуқлари, унинг умумий ривожланиши билан чамбарчас боғлиқ. Аслида бу фақатгина спортдаги натижалар эмас, балки мамлакат ҳам шунга мос равишда тараққий топиб бораётганини кўрсатади.