Sherobod tibbiyot kolleji#Niqob taqing

🗣️ Ассалому алайкум🗣️ ➡️ Барча ҳудудий бошқармалар масуъуллари диққатига⬅️ ❗ 💙💙💙💙🩵💙🩵🩵

🌀 Ўзбекистон Республикаси таълим ташкилотларига қабул қилиш бўйича давлат комиссияси мажлисининг ТЕГИШЛИ баёнига мувофиқ ВАЗИРЛИКНИНГ 2024 ЙИЛ 16 СЕНТЯБРДАГИ БУЙРУҒИ БИЛАН 2024/2025 ўқув йили учун бўш ўринлари мавжуд бўлган коллеж ва техникумларга ўқишга қабул қилиш муддати 25-сентябрга қадар узайтирилди👈

🌀 Ота-оналар ва абитуриентларнинг мурожаатларини инобатга олиб, шунингдек, касб эгаллаш истагида бўлган ёшларни қўллаб-қувватлаш мақсадида 2024/2025-ўқув йили учун коллеж ва техникумларга қабул қилиш бўйича қуйидаги имкониятлар тақдим этилмоқда👈

🌀 бўш ўринлари (вакант) мавжуд бўлган коллеж ва техникумларга абитуриентлар тест натижалари асосида иккита мутахассислик фани (фанлар кетма-кетлигидан қатъи назар) мос бўлган тегишли касб (мутахассислик)ни танлашлари мумкин👈

🌀 абитуриентлар таълим тилини ўзгартирган ҳолда коллеж ва техникумларнинг тегишли касб ва мутахассисликларини танлашлари ва танловда иштирок этишлари мумкин👈

🌀 кириш имтиҳонларида иштирок этиб, мй.узбмб.уз электрон платформаси орқали профессионал таълим муассасаларини танламаган абитуриентлар иш берувчилар билан тузилган шартномага мувофиқ коллеж ва техникумларга дуал таълим шакли бўйича тўғридан тўғри қабул қилинади👈

🌀 my.uzbmb.uz электрон платформаси орқали рўйхатдан ўтмаган ёки кириш имтиҳонларида иштирок этмаган, бироқ коллеж ва техникумларда кечки ёки сиртқи таълим шакли бўйича ўқиш истагидаги фуқароларга ёзма имтиҳонлар орқали тўлов-контракт асосида ўқишга қабул қилинади👈

🌀 Шу муносабат билан, коллеж ва техникумларда ўқув жараёни 2024-йил 2-октябрдан бошланади👈

⚠️ Юқоридаги кўрссатмаларга мувофиқ ташкилий масалаларни ҳал қилишингиз сўралади. (Платформа кун давомида ишга туширилиши кутилмоқда)👈

Германия дастури асосида ҳамширалар тайёрланади Тошкентдаги Абу Али ибн Сино номидаги 1-Республика тиббиёт техникуми базасида немис тиббий-таълим дастурлари асосида Ҳамширалар учун Германия тиббиёт академияси ташкил қилинади. Аахен университети клиникаси билан ҳамкорликда ташкил этиладиган академияда ҳамшираларга бир йил давомида касб ва тил ўргатилади. Улар диплом олиш билан бирга Германияда ишлаш ҳуқуқини берувчи касбий сертификатни ҳам қўлга киритади.

TAʼLIM KREDITI HAQIDA BATAFSIL MAʼLUMOT ✔️Kredit miqdori: 1-kurslar uchun bir yillik kontrakti miqdorigacha ajratiladi. Ikkinchi va undan yuqori kurs talabalari uchun fanlarni o‘zlashtirishning o‘rtacha ko‘rsatkichi “3” dan past bo‘lgan taqdirda ta’lim krediti to‘lov-kontrakt summasining ko‘pi bilan 80 foizi miqdorida ajratiladi (“Ijtimoiy himoya yagona reyestri”ga kiritilgan oilalar farzandlari bundan mustasno). ✔️Qaytarish muddati: o‘qish muddati (3, 4 yoki 5 yillik muddat) tugagandan so‘ng yettinchi oydan boshlab 7 yil muddatga. ✔️Foizi: 🧑🏻‍🎓yigitlar uchun — Markaziy bankning asosiy stavkasi miqdorida (hozir 13,5% — 2024-yil 10-sentyabr holatiga); 👩‍🎓qizlar uchun - foizsiz (0%); ✔️Asosiy stavka o‘zgarsa: agar Markaziy bankning asosiy stavkasi pasaysa, unda kredit foizi ham pasayadi. Agar asosiy stavka ko‘tarilsa, unda kredit foizi o‘zgarmaydi (yaʼni ko‘tarilmaydi). ✔️Kimlarga beriladi: ✅ faqat kunduzgi taʼlim shakliga ✅ bakalavr (shu jumladan ikkinchi mutaxassislik) yoki magistrga ✅ to‘lov-kontrakt asosida o‘qishga kirgan ✅ yoki o‘qishini ko‘chirgan talabalarga beriladi. ✔️Quyidagilarga berilmaydi: ❌ super-kontrakt uchun; ❌ sirtqi; ❌ kechki; ❌ masofaviy; ❌ maxsus sirtqi shakllar uchun taʼlim krediti berilmaydi. ✔️Qaysi OTMlar uchun: taʼlim krediti O‘zbekistondagi davlat, nodavlat yoki xorijiy ✅ oliy; ✅ o‘rta maxsus; ✅ professional taʼlim tashkilotlari va ularning filiallari ✅ yoki qo‘shma dasturda o‘qiydigan talabalarga beriladi. ❌ Xorijda joylashgan OTMlarda o‘qish uchun taʼlim krediti berilmaydi. ❌ HEMIS dasturiga ulanmagan xususiy OTMlarning talabalariga ta’lim krediti berilmaydi. ✔️Kafillik: kredit oluvchining doimiy daromad manbaiga ega bo‘lgan oila aʼzolari (ota-onasi, aka-ukasi, opa-singlisi, eri yoki xotini) yoki boshqa uchinchi shaxslar taʼlim krediti shartnomasida birgalikda kredit oluvchi sifatida qatnashishlari mumkin (yaʼni aynan qarindosh bo‘lishi shartmas). ✔️Kimlarga kafillik talab etilmaydi: “Ijtimoiy himoya yagona reyestri”ga kirgan oilalarning farzandlariga ajratiladigan taʼlim krediti bo‘yicha garov va kafillik talab etilmaydi. ✔️Fuqarolik: taʼlim krediti faqat O‘zbekiston fuqarolari uchun beriladi. Chet el fuqarolari va fuqaroligi bo‘lmagan shaxslarga banklarning o‘zlari tijoriy shartlarda kredit berishi mumkin. ✔️Kerakli hujjatlar: bankka quyidagi hujjatlar taqdim etiladi: a) ariza; b) talaba va taʼlim muassasasi o‘rtasidagi shartnoma (kontrakt); d) kredit qaytarilishining taʼminoti bo‘yicha hujjat. Bunda “Ijtimoiy himoya yagona reyestri”ga kirgan oilalarning farzandlariga ajratiladigan taʼlim krediti bo‘yicha garov va kafillik talab etilmaydi; e) “Ijtimoiy himoya yagona reyestri”ga kiritilganligini tasdiqlovchi maʼlumotnoma (agar bo‘lsa); f) bankning ichki hujjatlarida (siyosatida) belgilangan boshqa hujjatlar, shu jumladan, birgalikda kredit oluvchiga tegishli maʼlumot va hujjatlar. ✔️Ariza ko‘rib chiqilish vaqti: ariza 5 ish kunida ko‘rib chiqilishi va kredit shartnomasi imzolanishi kerak. Agar rad etilsa bu haqda talabaga sababi ko‘rsatilgan javob xati beriladi. ✔️Muddatdan oldin qaytarish: kredit oluvchi taʼlim kreditini shartnomada belgilangan muddatlardan oldin qaytarishga haqli. ✔️Arizani qachon va qanday berish kerak: ta'lim krediti olish uchun arizani bugunning o'zida bersangiz ham bo'laveradi. Buning uchun albatta bankka borishingiz ham shart emas, quyidagi 2 usul orqali onlayn ariza yuborish ham mumkin: 1) https://talim-krediti.mf.uz sayti; 2) Yagona portal orqali (https://my.gov.uz/oz/service/677). Bankka borish ma'qul bo'lsa, unda bu variantni ham ko'rishingiz mumkin. 👉 @xushnudbek 👈

❗️Кеча давлатимиз раҳбари соғлиқни сақлаш тизимининг бирламчи бўғинини такомиллаштириш ҳамда тиббий суғурта механизмларини жорий этиш чора-тадбирлари бўйича тақдимот билан танишгани ҳақида хабар бергандик. 📺 Ушбу тақдимот тафсилотлари “O‘zbekiston 24” телеканалининг “Axborot” дастури орқали кенг ёритилди. 🎤 Шунингдек, дастурда Соғлиқни сақлаш вазири вазифасини бажарувчи А.Худаяров ҳамда "Соғлиқни сақлаш лойиҳалари маркази" лойиҳа офиси директори Э.Одилов ҳар икки йўналиш бўйича Президентимиз томонидан белгилаб берилган вазифалар ҳамда келгусида амалга ошириладиган ишлар тўғрисида фикр-мулоҳазаларини билдирди. Соғлиқни сақлаш вазирлиги Матбуот хизмати. @ssvuz | @ssvmatbuotkotibi | Facebook | Instagram

❗️Эртага барча — 72 та Жамоат саломатлиги техникумларида ўқув йили бошланади 🩺 Юртимизда барча соҳалар қатори ўрта тиббиёт кадрлари, хусусан, ҳамшираларни тайёрлаш тизимида ҳам чуқур ислоҳотлар амалга оширилмоқда. Бу, ўз навбатида, аҳоли саломатлигини асраш, беморларни тезроқ соғлом ҳаётга қайтариш, пировард натижада эса мамлакатимизда умр давомийлигини узайтиришга хизмат қилмоқда. ✅ Маълумки, 2023/2024 ўқув йилидан мамлакатимиздаги тиббиёт коллежлари негизида 72 та Абу Али ибн Сино номидаги Жамоат саломатлиги техникумлари ташкил этилган эди. Натижада улар фаолияти тубдан ислоҳ қилиниб, ўрта тиббиёт ва фармацевтика ходимларини тайёрлаш борасида бутунлай янги тизим йўлга қўйилди. 📑 Амалдаги барча ўқув-меъёрий ҳужжатлар “натижага йўналтирилган таълим” принципи асосида қайта кўриб чиқилиб, асосий эътибор битирувчиларда компетенцияларни шакллантириш ва ривожлантиришга қаратилди. 🗓 Абу Али ибн Сино номидаги Жамоат саломатлиги техникумларида бугунги кунда тиббий профилактика, тиббий-ижтимоий иш, патронаж ҳамширалиги йўналишларида 2 йиллик дастур асосида, ҳамширалик, фельдшерлик, лаборатория, фармация, стоматология каби соҳаларда эса 3 йиллик таълим дастурлари асосида мутахассислар тайёрланяпти. 🔬 Барча тиббиёт техникумларида ёшларнинг билим олиши учун шароитлар яхшиланиб, симуляцион ўқув хоналари ташкил этилди ва улар замонавий ўқув воситалари билан жиҳозланди. Ўтган ўқув йилида 72 та Жамоат саломатлиги техникумида 90 минг нафарга яқин ўқувчи таҳсил олди. 📊 Ҳозирда мазкур таълим муассасаларида 4 000 нафарга яқин педагог дарс бериб келмоқда. Улардан 45,3 фоизи малака тоифасига эга. Педагоглар томонидан 40 та дарслик, 500 дан ортиқ қўлланма ва ўқитиш материаллари, 140 тага яқин тавсиянома яратилди. 💻 Янги 2024/2025 ўқув йилида ҳам таълим жараёнини замон талабларига мос тарзда ташкил қилишга катта эътибор қаратилиб, ўқув жараёнларига бир қанча илғор янгиликлар татбиқ этилган. Ўқув режа ва дастурларида махсус фанлар амалий қисмининг улуши 50 фоиздан 75 фоизга оширилиб, тиббиётда хорижий тил, тиббиётда ахборот технологиялари каби фанлар киритилган. 🤝 Соғлиқни сақлаш тизимида халқаро стандартларга жавоб берадиган кадрлар ресурсини яратиш, бу борада тажриба алмашиш ва хорижий давлатларнинг илғор тажрибалари билан яқиндан таниш муҳим аҳамиятга эга. Шу боис ҳозирда 72 та таълим муассасаси 60 ортиқ хорижий давлатлардаги 156 та тиббиёт таълим муассасалари билан ҳамкорлик ўрнатган ва меморандумлар имзоланган. Шу жумладан, АҚШ, Буюк Британия, Германия, Япония, Корея, Туркия, Россия, Ҳиндистон, Беларус, Қирғизистон, Қозоғистон ва Тожикистон каби давлатлар билан яқин алоқалар йўлга қўйилган. 📃 Янги ўқув йилида жамоат саломатлиги техникумлари ва олий тиббий таълим муассасалари ўртасидаги интеграция самарадорлигини оширишда инновацион ёндашувлар қўлланилади. Олий таълим муассасалари билан трансформация талаблари асосида ўқув-меъёрий ҳужжатлар ишлаб чиқилган бўлиб, улар доирасида таълим жараёнини ташкил этишнинг самарали йўллари жорий қилинади. 🔷 Барча – 72 та тиббиёт техникумлари тиббий олий таълим муассасаларига бириктирилган. Улар билан педагог ходимларнинг салоҳияти, дарс жараёнларининг самарадорлигини оширишда ҳамкорлик ишлари амалга оширилмоқда. 🧑🏻‍🎓Тиббиёт техникумларини имтиёзли тамомлаган битирувчилар суҳбат асосида тиббий олий таълим муассасаларининг мос факультетларига имтиёзли равишда 2-босқичдан қабул қилиш тартиби жорий этилди. 📌 Эслатиб ўтамиз, янги ўқув йили мамлакатимиздаги 72 та Абу Али ибн Сино номидаги Жамоат саломатлиги техникумларида 4 сентябрдан, 12 та давлат ва 2 та хорижий тиббий олий таълим муассасаларида эса 9 сентябрь куни бошланади. Соғлиқни сақлаш вазирлиги Матбуот хизмати. @ssvuz | @ssvmatbuotkotibi | Facebook | Instagram

Қадрли юртдошлар! Ҳурматли тиббиёт ходимлари! Сиз, азизларни, аввало, мамлакатимиз Мустақиллигининг 33 йиллиги билан чин қалбимдан қутлайман. “Бир бўлсак – ягона халқмиз, бирлашсак – Ватанмиз!” деган бош ғояни ўзида мужассам этган эзгу ишларни амалга оширишда Сиз, соҳа жонкуярларининг хизмати беқиёс. Чунки юксак марраларга эришиш фидойилик ва жасоратли меҳнатни талаб этади. Одамларга соғлик, меҳр, умид ва ишонч улашишни олий бурчи, деб билган азиз тиббиёт ходимлари бу борада ҳамиша олдинги сафларда эканингиздан ҳақли равишда фахрланамиз. Бугун давлатимиз раҳбари қўйган устувор талаблар асосида тиббиётни аҳолига янада яқинлаштириш чоралари кўрилмоқда. Соҳада кенг кўламли трансформация жараёнлари бошланган. Ана шу устувор мақсадларга эришишда Сиз, шифокору ҳамшираларнинг билим ва тажрибангиз, матонат ва садоқатингизга суянамиз. Истиқлолимиз шодиёналари арафасида Президентимиз фармонига мувофиқ бир гуруҳ тиббиёт ходимларининг давлат мукофотлари билан тақдирланиши ушбу янгиланишлар йўлидаги меҳнатингизнинг муносиб эътирофи бўлди. Ҳозир бирламчи бўғинда касалликлар оқибати билан эмас, кўпроқ сабаблари билан курашиладиган механизмларни кучайтиришга алоҳида эътибор қаратиляпти. “Электрон поликлиника”, “Электрон рецепт” дастурлари босқичма-босқич амалга оширилмоқда. Ихтисослашган тиббиёт марказларида энг илғор диагностика ва даволаш усуллари йўлга қўйиляпти. Ўз навбатида, бундай ютуқларимиз жаҳон миқёсида ҳам тан олиниб, қатор муассасаларимиз халқаро сертификатларга эга бўлди. Шунингдек, Соғлиқни сақлаш вазирлиги қошида қатор янги тузилмалар, жойларда замонавий тиббиёт муассасалари ташкил қилинди. Хусусан, Республика шошилинч тиббий ёрдам илмий маркази Қорақалпоғистон филиали минтақада “нолдан” қурилган биринчи кўп тармоқли шифохона бўлди. Пойтахтимизда қад ростлаган Республика ихтисослаштирилган онкология ва радиология илмий-амалий тиббиёт марказининг янги уникал комплекси тиббиётимиз тарихидан навбатдаги мега лойиҳа сифатида жой олди. Олдимизда катта вазифалар турибди. Тиббиётни чинакам халқчил тизимга айлантириш учун Сиз, шифокору ҳамширалар билан елкама-елка туриб, ўзаро ҳамжиҳатликда кўзланган устувор мақсадларга эришишимизга ишончим комил. Азиз тиббиёт фидойилари! Фурсатдан фойдаланиб, барчангизни энг улуғ, энг азиз айём билан яна бир бор табриклайман! Ҳаётингизнинг ҳар бир куни меҳр, қувончу шодлик ва янги зафарларга тўла бўлсин! Мустақиллигимизга кўз тегмасин! Асилбек ХУДАЯРОВ, Соғлиқни сақлаш вазири в.б. @ssvuz | @ssvmatbuotkotibi |Facebook | Instagram

⚡️ Professional ta'lim muassasalarining yakuniy tanlov natijalari (mandat) e’lon qilindi #Qabul2024 #Natija ✅ 2024–2025-o‘quv yili uchun professional (kollej yoki texnikum) ta’lim muassasalariga kirish test sinovlari bo‘yicha tanlov natijalari e’lon qilindi. 📌 Abituriyentlar tanlov natijalarini my.uzbmb.uz saytida shaxsiy identifikatsiya raqamini kiritgan holda bilishlari mumkin. ✔️ Agentlikning rasmiy sahifalari: Telegram | Facebook | Instagram | YouTube

Физика бўйича Нобел мукофоти совриндори Абдус Саламнинг қизиқарли ҳикояси Покистондаги олис бир қишлоқда туғилиб ўсган Абдус ўрта мактабни аъло баҳолар билан тугатиб, нуфузли стипендия ютиб олади. Кейин эса Англиянинг Кембриж университетининг физика ва математика йўналиши бўйича ўқишга қабул қилинади. 1951 йилда 25 ёшли Абдус физикадан бир қанча қийин масалаларни ечиш орқали Кембрижда юлдузга айланади ва унда карьерасини хорижда давом эттириш учун яхши имконият пайдо бўлади. Аммо Абдус Салам бунинг ўрнига, ватани - Покистонга қайтиб, маҳаллий Панжоб университетида жаҳон даражаси хос, етук физика факультетини яратишга қарор қилади. Кейин буёғига қизиқ воқеалар бошланади. Университет ректори (ё ҳасад қилибми ёки аҳмоқлигиданми) Абдус Саламни физика факультетида декан қилиш ўрнига университет футбол жамоасига мураббий қилиб тайинлайди. "Яратиб берилаётган бундай истиқбол"дан тушкунликка тушган ва ҳафсаласи пир бўлган Абдус Салам Буюк Британияга қайтади ва у ерда физик олимга дарҳол факультет деканлигини таклиф қилишади. Натижада, у соҳага доир бир қатор ажойиб илмий кашфиётлар қилади, физика бўйича Нобел мукофотини олади ва йилига минглаб инглиз олимларини етиштирадиган дунёдаги энг йирик илмий марказга асос солади. Аслида Абдус Салам бундай марказни Покистонда қурмоқчи эди. Лекин у она юртида шунчаки футбол мураббийи этиб тайинланганди. Хулоса қиладиган бўлсак: Сингапур собиқ бош вазири Ли Куан Ю айтганидек — Истеъдодли инсонлар мамлакатнинг бебаҳо бойлигидир. Биз билим олишимиз ва билимга асосланган дунёнинг бир қисмига айланишимиз керак. Ўқинг... Фақат йиғламанг!