Kyym.ru

Балаҕан ыйын 27 күнүгэр, Саха Өрөспүүбүлүкэтин Судаарыстыбаннаһын күнүгэр, «Лена» киинэ тыйаатырыгар күнүс 14.00 ч. «Бэрэсидьиэн суола» документальнай киинэ премьерата буолуоҕа. Киинэҕэ СӨ Бастакы Бэрэсидьиэнэ Михаил Николаев олоҕо, үлэтэ-хамнаһа кэпсэниэҕэ. Киинэ сценарийын олоҕун тиһэх күннэригэр Михаил Николаев тус бэйэтэ бигэргэппитэ. Фото: Айаал Черноградский

Үлэ күнүн бүтүүтэ кыратык күлэ түһүөххэ🤡

💎Дьокуускайга алмаас быыстапката түмүктэнэн эрэр Дьокуускайга «Сокровищница Якутии» быыстапка дьиэтигэр Саха сиригэр бастакы алмаас көстүбүтэ 75 сылыгар аналлаах «АЛРОСА – алмазная история Якутии» быыстапка түмүктэнэн эрэр. Саха сиригэр аан бастакытын көрдөрүүгэ АЛРОСА кэллиэксийэтин 60 сэдэхалмааһа турда. Олор истэригэр ураты быһыылаах «Звезда», «Поле чудес», «Карась», «Птичка» күндү таастар уонна Саха сирин чулуу дьонун ааттарын ылбыт бөдөҥ алмаастар бааллар. Маны таһынан, АЛРОСА кэллиэксийэтиттэн сэдэх бриллианнаах киэргэллэр уонна араас сылларга кырыыламмыт үс аатырбыт бриллиант: 14,8 караттаах тэтэркэй «Призрак Розы», 20,7 караттаах мүөт өҥнөөх «Жар-птица» уонна 100 караттаах саамай бөдөҥ «The Spectacle» репликэлэрэ турдулар. Санатар буоллахха, атырдьах ыйын 7 күнүгэр аһаллыбыта. Бу күн 1949 сыллаахха Бүлүү өрүс кытылыгар Амакин эспэдииссийэтин геологтара бастакы алмааһы булбуттара. Онтон биэс сыл буолаат, 1954 сыл атырдьах ыйын 21 күнүгэр геолог Лариса Попугаева «Зарница» кимберлит туруупкатын – бастакы алмаас үөскээбит сирин булбута. Онон, устуоруйа чахчыта быйыл 70 сылын бэлиэтиир.

АЛРОСА хампаанньа олохтоох нэһилиэнньэ оробуочай идэлэри баһылаан, таһымнаах каадыр буола үүнэригэр араас өрүттээх үлэни ыытар. Оҥорон таһаарыы төһөнөн кэҥиир, оччонон оробуочай идэлээххэ наадыйыы улаатан иһэр. АЛРОСА көҕүлээһининэн, орто анал идэни биэрэр үөрэх кыһаларыгар үөрэх саҥа бырайыага олоххо киирдэ. Бу уонна биһиги кэммитигэр ордук наадалаах идэлэргэ ханна үөрэниэххэ сөбүн бу сигэни баттаан киирэн аах. АЛРОСА үлэһиттэрин орто хамнаһа өрөспүүбүлүкэ орто хамнаһынааҕар икки бүк үгүөрүтүн умнума. https://kyym.ru/sonunnar/uopsastyba/12701-ide-baryta-naadalaakh-orduk-orobuochaj-ide

💢Ил Түмэн уочараттаах мунньаҕа алтынньыга буолуоҕа Сэттис ыҥырыылаах Ил Түмэн бэрэссэдээтэлэ Алексей Еремеев тохсус пленарнай мунньаҕы алтынньы 22-23 күннэригэр ыытар туһунан дьаһал таһаарда

Балаҕан ыйын 20-титтэн алтынньы 20 күнүгэр диэри кэмҥэ кэккэ улуустарга илиминэн балыктааһын бобуллар. —Чопчута, ханнык улуустарга? — Мииринэй, Үөһээ Бүлүү, Бүлүү, Ньурба, Сунтаар, Алдан, Ленскэй, Өлүөхүмэ, Нерюнгри, Уус Майда, Таатта, Томпо, Уус Алдан, Чурапчы, Мэҥэ, Горнай, Хаҥалас, Нам, Кэбээйи, Үөһээ Дьааҥы, Эбээн Бытантай, Муома, Өймөкөөн, Үөһээ Халыма оройуоннарыгар уонна Дьокуускай сиригэр-уотугар.

⁉️Сийиэс быһаарыылара: Тоҕо быһаарыллан быстыбат? Саха Өрөспүүбүлүкэтин үөрэҕин үлэһиттэрин атырдьах ыйынааҕы сүбэ мунньахтарын чэрчитинэн элбэх араас тэрээһин буолан ааспыта. Онуоха атырдьах ыйын 22 күнүгэр “Саха Өрөспүүбүлүкэтин төрүт тылларын, литэрэтиирэлэрин, култуураларын учууталларын сийиэстэрин быһаарыыларын олоххо киллэрии” (“Реализация решений съездов учителей родных языков, литературы, культуры Республики Саха (Якутия): достижения и проблемы”) диэн сүбэ-сэминээри ойуччу тутан ааттыахха сөп. Бу тэрээһинтэн үөскээбит санааларбын этиэхпин баҕардым➡️https://kyym.ru/sonunnar/rekh-bilim/12700-sijies-by-aaryylara-to-o-by-aaryllan-bystybat

🪖Арассыыйа Дьоруойа Игорь Юргин холуонньаларга сырытта Дьоруой 1, 6 уонна 7 №-дээх көннөрөр холуонньаларга уонна 2№-дээх холуонньа-поселениеҕа сырытта. Кини тэрилтэ салайааччыларын уонна үлэһиттэрин кытта сылдьан буруйдаммыт дьону кытта көрүстэ уонна олорор усулуобуйаларын көрдө. Иитэр бэсиэдэтигэр Игорь Юргин Арассыыйаҕа олорор норуоттар култуураларыгар уонна итэҕэллэригэр харыстабыллаахтык сыһыаннаһар ирдэнэрин эттэ. Түмүгэр буруйдаммыттары көнөр суолга турарга ыҥырда уонна олох сүрүн суолтата Ийэ дойдуга таптал, дьиэ кэргэҥҥэ кыһамньылаах сыһыа буоларын бэлиэтээтэ.

🎗️Дьокуускайга Улуу Кыайыы 80 сылыгар бэлэмнэнэллэр Дьокуускай куорат баһылыга Евгений Григорьев Аҕа дойду сэриитигэр Улуу Кыайыы 80 сылын бэлиэтииргэ бэлэмнэнии уонна ыытыы туһунан тэрийэр кэмитиэт мунньаҕын ыытта. Дьаһалтаҕа киирэр уонна сыстар тэрилтэлэр салайааччылара үлэ хаамыытын билиһиннэрдилэр. Ол курдук, киин куоракка Кыайыы пааркатын, Кыайыы болуоссатын, «Журавли над Ильменем», Юрий Гагарин, Валерий Чкалов, Николай Кондаков аатынан искибиэрдэри, Клавдий Краснояров, Владимир Лонгинов пааматынньык-бюстарын, ону сэргэ Аҕа дойду сэриитин дьоруойдарын уонна кыттыылаахтарын аатын сүгэр уулуссалары тупсарыахтара. Чуолаан, бу эбийиэктэри көҕөрдүүгэ, өйдөбүнньүк дуоскалары иилиигэ болҕомто ууруллуо. Улуу Кыайыы үбүлүөйүн бэлиэтээһиҥҥэ 90 тахса тэрээһини былааннаатылар. Ол иһигэр үгэс буолбут Кыайыы былааҕын күөрэтии, пааматынньыктарга сибэкки ууруу, бэтэрээннэри кытта көрсүһүүлэр, быыстапкалар, кэнсиэртэр, миитиннэр, кылаас чаастара, успуорт күрэхтэһиилэрэ уонна дьон сөбүлээн сылдьар «Поем двором», «Окна Победы», «Вальс Победы» аахсыйалар уонна да атыттар киирдилэр.