Medical Notes 👩🏻‍⚕️

‏طبيبة جلدية أمريكية عمرها ٣٩ وتقدم نصائح للعناية بالبشرة في الثلاثينيات: ١. مهم جدا الغسول المزدوج: ماء ميسيلار بعده غسولكم العادي ٢. ابتعدوا عن المقشرات الفيزيائية/السكرابات واستخدموا بدالها المقشرات الكيميائية ٢-٣ مرات في الأسبوع ٣. ريتينويد لمنطقة تحت العين (مشتقات فيتامين أ) ‏٤. ركزوا في عنايتكم ببشرتكم باختيار وادخال منتجات فيها مواد فعالة تعالج المشاكل اللي ودكم تحلونها (ندور منتجات فيها مواد للتفتيح إذا اللي ودنا نعالجه هو التصبغات، ومنتجات فيها مواد موجهه للبشرة الدهنية مثل حمض الساليسيليك إذا ودنا نحسّن من مظهر المسام ونحاول نصغر من حجمها،..الخ) ‏٥. عدلوا على عنايتكم ببشرتكم حسب الوقت والمكان اللي متواجدين فيه والبيئة اللي انتم فيها (ممكن تستخدم منتجات او مرطبات قوامها ثقيل لترطيب البشرة بشكل افضل في اماكن الجفاف فيها شديد، والتحويل لمرطب قوامه اخف في اماكن جفاف البشرة فيها يكون اقل)… ‏تكملة لنقطة ٥: …وايضا تغيير بعض المنتجات حسب فصول السنة (منتجات اثقل بالشتاء وأخف بالصيف) وكذلك حسب رطوبة الجو واختلاف الرطوبة بين المدن والأماكن قد يحتم تغيير بعض المنتجات عشان يناسب البيئة الجديدة اللي رحنالها او غيرناها ‏٦. اي منتجات تستخدمونها للوجه الأفضل انكم تمررونها ايضا على الرقبة وأعلى الصدر عشان ما يكون في تفاوت في جودة البشرة في هذي الاماكن خصوصا ان عدم الاهتمام فيها ممكن يخلي مظهرها اكبر من العمر الحقيقي بسبب التعرض للشمس وعدم استفادتها من منتجات الترطيب وبعض المقشرات (وليس كلها) ‏تعقيبا على نقطة رقم ٦، فيه استثناء وهو المقشرات القوية، منطقة الرقبة رقيقة وعشان كذا الأفضل البدء بمقشرات خفيفة والتدرج بالاستخدام وعمل منطقة تجربة صغيرة واذا ما كان فيه مشاكل وتقبلتها البشرة ممكن التدرج باستخدامها وإدخالها ضمن روتين العناية ببشرة الرقبة ‏٧. سواء في الصيف او الشتاء، الجو بارد او حر، ممطر او مُشمس، التزموا بواقي الشمس بشكل يومي على مدار السنة، نتيجتها قد ما تكون فورية ولكن اثرها على مدار سنوات من الاستخدام والتقليل من التعرض المستمر لأشعة الشمس (اللي هي أحد أهم مسببات شيخوخة البشرة المبكرة). ‏٨. لا تسعون للبشرة المثالية وتقعدون تدققون بكل كبيرة وصغيرة، ما فيها بشرة تخلو من كل المشكال ولا يوجد بشرة خالية تماما من بعض العيوب حتى لو هي صغيرة، هذي اسمها بشرة طبيعية. حلو الواحد يهتم ببشرته بس فكرة مو جيدة انه يرهق نفسه بمنتجات كثيرة وعناية زايدة لشيء صعب حدوثه

‏معلومات حلوة من طبيبة جلدية اتابعها: -حطو شامبو بس على فروة الرأس وقت الغسيل مولازم الاطراف، الشامبو بينزل ع باقي الشعر -لاتفركون شعركم المتبلل بالفوطة لان الشعر يكون اضعف وهو متبلل ويسبب تقصف -لازم بلسم بعد الشامبو